Б.Наранбаатар

Moderator: Бөхийн модууд

Б.Наранбаатар

Postby 21Grams » Mon Oct 27, 2008 11:53 am

Tiv delhiin avarga Naranbaatar
User avatar
21Grams
Бөртэ чоно
 
Posts: 3890
Joined: Thu Dec 01, 2005 12:42 am

Re: Б.Наранбаатар

Postby 21Grams » Mon Oct 27, 2008 11:56 am

Б.Наранбаатар: Буруугаа хүнтэй хуваалцахыг хүсэхгүй байна, хэн барилдсан би л барилдсан шүү дээ
Image
Монгол Улсын гавьяат тамирчин Б.Наранбаатар Бээжингийн олимпийн наадмаас хойш хэвлэлд анх удаа ярилцлага өглөө.

Баяраагийн Наранбаатар. Бээжингийн олимпийн наадмын найдваруудын нэг тэр байлаа. Афины олимпиос хойш бөхийн чөлөөт барилдааны 55 кг-ын жингийн бүхий л шилдэг бөхчүүдийг тив, дэлхийн дэвжээнд цэвэр ялж, Бээжинд жингийнхээ аварга болох нь тодорхой гэгдэж байсан түүний ялагдлыг олон хүн хүндээр тусгаж авсан. Зарим нь уйлж, зарим нь уучилж, ихэнх нь зэмлэж угтсан Бээжингийн олимпийн тухай ярих түүнд хэцүү байсан байж магадгүй. Гэсэн ч дэлхийн аваргын мөнгө, хүрэл медальт, Дэлхийн цомын аваргын хүрэл медальт, Оюутны “Универсиад” наадмын аварга, Оюутны дэлхийн аварга, Ази тивийн аваргын мөнгөн медальт, Монгол Улсын гавьяат тамирчин Б.Наранбаатар “Ардын эрх” сонины уншигчидтай уулзуулах хүсэлтийг маань зөвшөөрч, манай редакцид зочиллоо.

Сугалаа гайгүй таарсан, ер нь санаанд багтаж байсан

-Олимпийн дараа тамирчдын зарим нь найр наадмын ёслол ихтэй байх шиг байна. Зарим нь ч чимээгүй байхыг илүүд үзэж байгаа бололтой. Ямар ч байсан өөрийг чинь Якутск яваад ирлээ гэж сонссон?
-Тэглээ. Якутскийн бөхийн холбооноос тэнд зохион байгуулж байгаа олон улсын тэмцээнд ирж оролцооч гэж хүсэлт тавьсны дагуу очоод ирлээ. Олимпийн дараа яаж бас зүгээр суух вэ. /инээв/. Хүрэл медальтай ирсэн. ОХУ-ын гавьяат дасгалжуулагч Дмитрий Коркинийн нэрэмжит тэмцээн л дээ. Түрүүлсэн бөхчүүдийг 3000 еврогоор шагнаж байна. Шагналын сан өндөртэй, гранпри тэмцээн. Якутскийн топ спорт нь чөлөөт бөх, тэр дундаа хөнгөн жинд илүү анхаарал тавьдаг. 55-д бол бүр айхтар анхаарал тавина. Тэндхийн бөхчүүд олимпийн өмнө манайд ирж, бэлтгэл хангагч хийж тусалсан болохоор урилгыг нь зөвшөөрөхгүй байх арга байсангүй. Ер нь тэд Монголын бөхчүүдэд их сайн л даа.

-Ойлгоно биз дээ. Шуудхан хэлэхэд би тантай олимпийн тухай ярилцах хүсэлтэй байгаа болохоор өөр асуултуудаас урьдчилаад энэ тал руу яриагаа чиглүүлье гэж бодож байна?
-Ойлгож байна.

-Чөлөөтийнхөн олимпийн наадам бараг дундаа орчихсон байхад Бээжин рүү ниссэн. Манайхан ялагдаад л байсан эхний өдрүүд, бас олимпийн аваргатай болж хөөрч, буцалсан тэр өдрүүдэд ч та нар эх орондоо, эндээ бүхнийг сонсоод байж байсан. Тэр үед хэдхэн хоногийн дараа олимпийн дэвжээнд гарах гэж байгаа таны сэтгэлзүй ямар байсан бэ?
-Хэдий сэтгэл санаагаа үймүүлэхгүй гэж телевиз харахгүй, сонин уншихгүй байлаа ч гэсэн олимпийн эргэн тойронд болж байгаа мэдээллийг сонсоно л доо. Чихээ таглачихаад суугаад байх биш, тийм ээ. Тэр үед сэтгэлзүйн хувьд хүссэн, хүсээгүй өөрчлөлт ордог. Хэцүү.., юу гэж хэлмээр юм бэ дээ. Энгийн хүмүүс шиг хөөрч догдолж болохгүй. Сэтгэлийн хөөрөлд автаж болохгүй. Ямар ч байсан бушуухан очоод, сайхан барилдмаар л санагдаад байсан. Яараад ч байх шиг....нэг тийм мэдрэмж төрж байсан /инээв/.

-Олимп эхэлчихээд талдаа орж байхад онгоцонд суугаад Бээжин явахад юм юм л бодогддог байх?
-Үсгийн дарааллын дагуу чөлөөт бөхийн тэмцээн яах аргагүй олимпийн дундуур болдог. Онгоцонд суугаад нисэхэд үү...Элдвийн юм бодоогүй ээ, барилдаанаа л бодож явсаар байгаад Бээжинд очсон.

-Барилдааны өмнөх өдөр нойр, хоолондоо дажгүй байсан уу?
-Уг нь гайгүй байсан чинь, яг барилдааны өмнөх өдөр нойр хүрдэггүй ээ. Хэсэг унтах гэж оролдоод болохгүй болохоор нь багшид хэлээд /Б.Баттулга/, хоёулаа гарч, хэсэг салхилаад, жаахан хоол идээд хэвтсэн чинь харин нам унтсан. Өглөө дуудуулж сэрсэн. Өглөө хүнээр дуудуулж сэрнэ гэдэг бол тэмцээний өмнө ховор л доо. Ихэвчлэн нойр муутай хонодог. Тэгээд л би бодож байсан юм, ийм сайхан амраад, сэтгэл санаа тайван байгаа юм чинь гайгүй барилдах нь дээ гэж.

-2007 оны дэлхийн аварга Весик Кудухов. Тэр хүн нэгэнтээ “Би Монголын Б.Наранбаатараас л эмээж байна. Бусдыг нь ялна гэдэгтээ итгэлтэй байгаа” гэж ярьж байсан таны хамгийн гол өрсөлдөгч. Бас тантай дэлхийн аварга цолны төлөө барилдаад үзчихсэн хамгийн сайн судлагч чинь. Сугалаа хатуу таарсан гэж бодож байгаа юу?
-Сугалаа хатуу биш ээ. Боломжийн таарсан. Үнэнийг хэлэхэд, эхний тойрогтоо В.Кудуховыг ялчихсан бол дараагийн барилдаанууд санаанд багтаж байсан. В.Кудуховыг ялна л гэж бодож байсан. Тэр намайг дэлхийн аваргаар ялж, аварга болсон ч дараа нь би нутагт нь болсон тэмцээнд 6:0-ээр хожиж байсан, эн тэнцүү л хүмүүс.

-Эхний тойргийн барилдаанд танд өгөх байсан оноо дэвжээний гадна гишгэсэн гэдэг утгаар В.Кудуховт очсон. Тэр оноо барилдаанд гол нөлөө үзүүлчих шиг болсон?
-Чөлөөт бөхийн дүрэм ойр ойрхон шинэчлэгдэж байна. Дүрмийн тиймэрхүү сонин асуудал байна л даа. Өөрийгөө өмөөрч байгаа юм шиг санагдах ч үнэндээ бол шүүгч нар Оросын талд байх нь байсан. Эхний тойргийн барилдаанд нэг оноо алдчихаар дараагийн тойргийн барилдаанд шууд нөлөөлсөн. Дотроо шатна. Сэтгэлзүйгээрээ шүүгчтэй барилдах шаардлага гарч байгаа юм шиг тэр хэдэн минутад олон юм бодогдоно. Бодогдохгүй байхын аргагүй. Бодож барилдахгүй бол ялагдана. Уг нь эхний тэр оноогоо авчихсан бол дараагийн тойрогт би биш В.Кудухов тийм байдалд орчих байсан байх. Гэхдээ яахав дээ, нэгэнт хожигдсон юм чинь, миний л буруу биз дээ. Би түүнийг хүлээн зөвшөөрнө. Харамсалтай л байгаа юм, уг нь дэвжээний гадна гишгэж, оноо алдаж байгаагүй юм даа.

-В.Кудухов цаашаа сайн барилдаад алтан медалийн төлөө өрсөлдсөн бол танд дагах барилдаанд гарах боломж байлаа. Тэр үед өрсөлдөгчөө дэмжээд л суудаг байх даа?
-Дэмжсэн /инээв/. Уг нь Б.Кудуховыг ялсан Японы тамирчин ялж болохоор л бөх. Надад хоёр, Д.Мансуровт гурав ялагдаж байсан юм. Яг үнэндээ өнгөрсөн олимпиос ганц айж байсан хүн гэвэл, миний хувьд Д.Мансуров л байсан. Зүүн өрөлттэй л дээ. Эвгүй. Дэлхийн хошой аварга, Азийн аварга, аймаар хүн шүү дээ. Сая хүрлийн төлөө барилдаанд В.Кудуховт ялагдсан.

-В.Кудуховтой барилдааны дараа дахиж таарсан уу. Тантай ямар хэмжээнд харьцдаг вэ?
-Нэг их сүрхий биш. Жаахан муухай харах талдаа /инээв/. Гэхдээ өнгөрсөн жил Иван Ярыгины тэмцээн үзээд сууж байхад харчихаад хүрч ирээд мэндэлж байсан. Тэгэхээр хүн бараг биш л дээ. Сайхан л санагдаж байсан. Оросын бөхчүүд ч ер нь том. Өөрсдийг нь ялж байж л тэднээр хүндлүүлэх байх. Тэрнээс нэг их тоохгүй шүү дээ.

Ялж ирчихээд ээждээ үнсүүлэх сайхан л даа...

-Олимп дууссанаас хойш бараг хоёр сар болох гэж байна. Тамирчдын хувьд мартъя гэж бодсон ч мартагдахгүй алдаа яах аргагүй олимпийнх байдаг байх. Сэтгэл нэг л дутуу оргиод?
-Сайхан боломж байсан. Гэхдээ цаг хугацаа гэж сонин зүйл байна шүү дээ. Эхний өдрүүдэд аймаар хэцүү байсан. Хүнтэй дугарах гэхээр дуу гарахгүй, хоол идэх гэхээр орохгүй. Дотор нэг том юм тээглээд. Гол нь ямар олон хүн надад итгэж байлаа, ямар олон хүн намайг дэмжиж байлаа гэсэн бодол толгойд эргэлдээд, өөртөө гомдоод байдаг юм билээ. Яахав, тэгээд цаг хугацаа тэр бараан үүлийг арилгаж л байна. Өөрөө өөртэйгөө дотроо жаахан “барилдлаа даа”, өнгөрсөн өдрүүдэд.

-Бээжингээс хэзээ ирсэн бэ. Сүүлийн ээлжийн тамирчид бөөнөөрөө ирэхэд та хамт байгаагүй?
-Түрүүлээд ирчихсэн. Манайхан наймдугаар сарын 25-нд ирэх байсан. Би 22-нд ирчихсэн. Хаалт ч үзээгүй.
-Яагаад.
-Би тэнд барилдах л гэж очсон. Барилдсан. Хүмүүс олимпийн хотхон сонирхоод юм уу, дэлгүүр хэсээд явдаг л даа. Би тэгж, тэнд байж чадахгүй байсан. Бушуухан л гэртээ харья гэж бодсон. Олимпийн уур амьсгал дунд байх хэцүү санагдаад.

-Асашёорюү таны барилдааныг үзэхээр тэр өдөр Бээжинд очсон байсан. Өөрөө Б.Наранбаатарыг үзэх гээд яарч ирлээ гэж ярьж байсан шүү дээ. Уулзсан уу?
-Уулзсан. Намайг барилддагийн орой Асашёорюү ирээд бид нар зөндөө удаан ярьж суусан. Их спортыг асар өндөр хэмжээнд ойлгож, хүндэлдэг хүн ш дээ, аварга. Би яахав ээ, их спорт бол агуу гэж даруухан зан гаргана /инээв/.

-Аварга юу гэж байв?
-“Одоо март, март...” гээд л нэг сайхан мөр алгадаж өгөөд баахан онигоо ярьж суусан. Сэтгэл санааг маань өөр зүйлд хандуулах гэж л тэгсэн байх даа. Ялагдчихаад, тэр хүнд сэтгэлзүйг их аварга хүнтэй хуваалцаж, тайвшрах сайхан байсан. Гэхдээ дараа нь нэг том даваа байсан.

-Ямар?
-Энд ирээд хүнтэй уулзмааргүй санагдаад.../инээв/. Гэм хийчихсэн хүн шиг. Нэгэн төрлийн гэм юм даа. Их хэцүү байсан. Хүн бүхэн яачив, юу болов гэж асууна. Хүний шархан дээр ирээд дараад, цохиод байвал өвдөнө дөө. Яг тэрэн шиг. Бүгд л болоод өнгөрсөн тэр хуудсыг эргүүлж сөхөхийг хүсдэг нь жаахан хэцүү байсан. Муу ээж маань миний өмнөөс бараг сэтгэл санаагаараа барилдчихдаг хүн байдаг юм. Ялж ирчихээд ээждээ үнсүүлэх сайхан л даа. Харин ялагдчихаад ээж, аавыгаа харах хэцүү санагдаад байдаг.

Би өөрийгөө их олон хүнийг гомдоосон юм байна л гэж бодсон

-Х.Цагаанбаатар, Б.Наранбаатар хоёр л чадна гэж итгэж, хүлээгээд, дэмжээд байсан хүмүүс өнөөдөр та нар руу үгээр чулуу нүүлгэж байна л даа. Интернетэд элдэв янзын таагүй сэтгэгдэл бичих юм. Та үүнийг мэдэрч л байгаа байх. Юу гэж бодогдож байгаа бол?
-Тэдний зөв байх аа. Уншсан. Интернетэд үлдээсэн сэтгэгдлүүдийг. Намайг уншаасай, хараасай гэж бичсэн байх. Хүмүүс ч бас шууд хэлж байна. Шүүмжилж байна. Зөв л дөө, хүмүүсийн. Би түрүүн хэлсэн дээ, миний л буруу гэж. Тийм болохоор би олон хүнээс уучлалт гуйх ёстой. Хэн гарч барилдсан, Б.Наранбаатар барилдсан. Хэн хожигдсон би хожигдсон. Хүн их сонин. Магтаалд амархан идүүлдэг байх. Тэр нь хүнийг эвддэг талтай байж магадгүй. Тийм болохоор бусдын талаар зоригтой хэлж байгаа, шударга шүүмжлэлд би гомддоггүй. Гэхдээ харааж, зүхэх бол өөр хэрэг л дээ. Өнөөдөр тэр хүмүүс яагаад миний төлөө бухимдаж, миний барилдааны төлөө сэтгэл санаагаа зориулж байгаа юм бэ. Намайг дэмждэг, надад итгэдэг болоод л тэр. Үгүй бол тэр хүмүүст Б.Наранбаатар ялна уу, ялагдана уу ямар ч хамаа байхгүй. Тамирчин хүнд угаасаа ялалт, ялагдал гэсэн хоёр л зам байдаг. Аль нэг замаар нь хүссэн, хүсээгүй алхдаг. Тийм л үеийг би саяын олимпиор туулаад ирлээ. Хүмүүс муу хэллээ л гэж байна. Гэхдээ тэр дунд үнэн сэтгэлээсээ дэмжээд байгаа нэг тийм сэтгэл харагдаад байдаг юм. “Ээ, Нараа чи ёстой новш юм аа...” гээд биччихсэн хүн миний ялагдлын өмнөөс ширээ цохиод босч ирсэн бол намайг хаа нэгтэйгээс түшиж байсан сайхан сэтгэл байж таараа. Би харин тийм шүүмжлэл, намайг буруутгаж байгаа үгэнд гомдохгүй ээ. Ялгаж, салгана. Тэгээд ч шүүмжлэл сонсох ганц спортод ч биш амьдралд сургаж байгаа л нэг хэлбэр. Олон хүнээс сайн, муу үг сонсч явна гэдэг хувь заяа. Бүгдийг нь сонсоод, хараад, бодож тунгаагаад өнгөрөх хэрэгтэй. Хүн надад сайн ч, муу ч үг хэлэхгүй бол аймаар байна биз дээ. Сонирхуулж ярихад гэх үү, энэ асуулттай холбогдуулж хэлэхэд гэх юм уу, өнгөрсөн жил дэлхийн аваргаас мөнгөн медаль хүртсэний дараа Ерөнхийлөгч Н.Энхбаяр бид нартай уулзсан юм. Тэгсэн Ерөнхийлөгч “За баяр хүргэе. Дэлхийн аваргаас медаль авна гэдэг бол том амжилт гээд л магтаж байснаа, үнэнийг хэлэхэд, Нараа чи зургаахан минут тэсчихсэн бол дэлхийн аварга болох байлаа ш дээ. Алийн болгон монголчууд мөнгө, хүрэл медаль авах юм бэ” гээд баахан шүүмжилсэн. Тэр надад их юм бодогдуулсан. Нээрэн л би хичээсэн бол болох байсан. Юу хэлэх гээд байна гэхээр, хүн өөрийгөө голж байх хэрэгтэй. Мөнгөн медаль биш алтын төлөө дандаа зорих хэрэгтэй. Ерөнхийлөгчийг тэгж хэлсний дараа Орос руу дэлхийн шигшээгийн тэмцээнд явахдаа “Заавал Б.Кудуховыг ялна даа” гэж бодож явсан. Тэгээд давуу ялсан. Жүдогийн холбооны Тулгаа ах руу /УИХ-ын гишүүн, Жүдо бөхийн холбооны ерөнхийлөгч Х.Баттулга/ би саяхан мессеж бичлээ. Спортод үнэхээр том хөрөнгө оруулалт хийж байгаа хүн шүү дээ. Би их хүндэлдэг юм. Тэгсэн түүн рүү “Тулга ах аа, уучлаарай. Дүү нь олимпод тааруу барилдлаа” гэж бичээд явуулсан чинь “Тийм. Чи маш муу барилдсан” гэж хариу ирүүлсэн. Тэр чинь их юм бодогдуулна биз... Тэр мессежийг нь яагаад ч юм устгахгүй, дахин дахин гаргаж уншмаар санагдаад байдаг юм.

-Та тэгэхээр өөрийг чинь муулаад байгаа хүмүүст баярлалаа гэж хэлэх гээд байна аа даа?
-Намайг хүмүүс муу хэлжээ, надад муу болж гэж харагдахаасаа илүү олон хүн миний өмнөөс харамссан юм байна гэж би ойлгосон. Тэндээс би өөрийгөө ийм олон хүнийг гомдоосон юм байна л гэж бодсон. Дэлхийн аваргаас медаль аваад ирэхэд хүмүүс ямар их баярлаж байлаа. Яг тэгж баярлуулна даа л гэж одоо бодож байна. Нэг ийм үг байдаг даа. “Давсан хүн хүчтэй, гэхдээ унасан нь бүр илүү хүчтэй болдог” гэж. Хичээж барилдана аа.

-Чөлөөт бөхийн холбоо муу ажиллалаа, чөлөөтийн дасгалжуулагч нар муу байна гэдэг ч юм уу, ерөнхийдөө чөлөөт бөх уналтад орлоо гэсэн ойлголт хүмүүсийн дунд төрчихөөд байх шиг байна. Та үүнийг хүлээн зөвшөөрөх үү?
-Би тэр холбоо, дасгалжуулагч нарт буруу өгөхийг хүсэхгүй байна. Хэн дэвжээн дээр гарч барилдсан тэр хүнээс л бүх зүйл шалтгаална. Алдсан бол алдаагаа, өөрийнхөө ойлгох ёстой хариуцлагаа бусадтай хуваалцахыг хүсэхгүй байна. Харин амжилт гаргасан бол олон хүнтэй хуваалцана шүү.

-Гэхдээ л тамирчин хүний амжилт дасгалжуулагч, холбоо, шигшээ баг, бэлтгэл хангагчаас шууд шалтгаалах нь мэдээж биз дээ. Өнөө итгэж найдаад байдаг чөлөөт бөхийн төрлөөс нь олимпийн медальтан гарахгүй удаад байхаар ямар нэгэн буруутан хайх нь хүмүүсийн зөв байх гэж бодож байна. Алдаагаа засч байж, дараагийн олимпод бэлтгэнэ шүү дээ?
-Тэр буруутай гэж хэлж мэдэхгүй байна. Эмч хүн хүний хувь заяаг шийддэг дээ. Буруу оношловол тэр хүний амь насаар тоглоод л өнгөрдөг. Түүн шиг дасгалжуулагч хүн буруу ажиллавал эрүүл хүнийг эрэмдэг болгоно. Тэр, энэ гэж хэлэхийг хүсэхгүй байна. Би олон сайхан багш нарын буянд өдий зэрэгтэй яваа. Гэхдээ нэг бодож явдаг бодол бол байна. Өнөөдөр дэлхийн хэмжээний амжилт гаргах тамирчинтай байхын тулд аль ч спортын төрлийн дасгалжуулагч өөрийгөө хамгийн түрүүнд хөгжүүлэх хэрэгтэй. Маш өндөр хэмжээнд бэлтгэгдсэн дасгалжуулагч нар л чухал. Спорт хөгжүүлэх гол бодлого тийшээ чиглэгдэж байх хэрэгтэй байх гэж боддог. Хүмүүс яагаад дандаа чөлөөт бөхийн тухай яриад байна гэхээр манайхан чөлөөт бөхөд дэндүү хайртайгийнх. Жүдо, буудлага, боксоор дэлхийн аварга юм уу, Азийн аваргаас медальгүй ирвэл нэг их шүүмжлээд байдаггүй. Тэгсэн хэрнээ чөлөөт бөхийнхнийг хоосон ирвэл “Яагаад ингэв” гээд л шуугиад эхэлдэг. Тэгэхээр манайхан илүү сонирхдог, итгэдэг болохоор анхаарлаа илүү хандуулдаг байх.

-Олимпийн медаль авсан тамирчдад маань гадна, дотноос манай нэр дээр барилдаач ээ гэсэн санал ирээд л байгаа бололтой. Цалин, хангамж гэж мэдээж айхтар л юм хэлдэг юм шиг байна. Танд тийм санал ирж байсан уу?
-Туркээс ирж байсан. Мэдээж, зөвшөөрөөгүй.

-Тэгвэл одоо тийм санал ирвэл...
-Тэгж асуувал “Би айргаа ууж, тааваараа жаргаж, Монголдоо амьдармаар байна” л гэж хэлнэ. Ямар ч эргэлзээгүйгээр. Мөнгөөр бүхнийг хэмжиж яагаад ч болохгүй. Бидний бэлтгэгдэж байгаа орчин, амьдарч байгаа нөхцөл гээд зовлон тоочоод байх юм бол их зүйл байна л даа. Чамлалттай санагдах зөндөө проблем байна. Өнөөдөр дэлхийн аваргын медальтай, бид нарын хэмжээний бөхчүүд яаж амьдарч байна гэдгийг тамирчид гадарлаж л байгаа. Орост очоод харахад л мэднэ. Тэд сайхан амьдардаг. Дутагдах зүйл юу ч байхгүй. Гэхдээ л би Монголд л амьдрах гэж төрсөн монгол хүн шүү дээ. Улс орон маань хөгжиж байна, тэр дунд бүхнийг амсаад, хэцүүг нь туулаад, сайхныг нь магтаад амьдарч л байна. Тэр л хамгийн сайхан. Өөр улсад очоод би хэн ч биш шүү дээ. Зүгээр л тамирчин. Олимп, дэлхийн аварга ч юм уу, медаль авч болно. Гэхдээ үргэлж хүрээлж байдаг монгол хүний сайхан сэтгэл, үргэлж хайрлаж байдаг тэр олон хүний зүрх сэтгэлийн аль нь ч хамт байхгүй.../хэсэг чимээгүй болов/. Би монгол хүн гэж огшдог тэр сайхан омогшил байхгүй. Медалийн тавцан дээр зогсч байхад би өөрөөрөө биш “Би монгол хүн шүү дээ” гэж цаанаасаа л нэг ирмэг омогшил төрдөг. Тийм мэдрэмж монголдоо амьдарч, монголоороо амьсгалж байхад л төрөх байх...Мэдэхгүй ээ, ямар ч байсан би энэ талаар бодохыг хүсдэггүй. Боддог ч үгүй. Ер нь тэгээд, монгол хүн, ялангуяа Монгол эр хүн өөр улсын иргэн болоод явна гэхээр ерөөсөө санаанд багтдаггүй юм /инээв/. Монгол эр хүмүүсийг би их сайхан хүмүүс гэж боддог юм ш дээ. Нэг л тийм өөр, ноён нуруутай, хүчирхэг, ухаалаг.

-Та өөрөөрөө бахархдаг уу. Дэлхийн сая сая хүнээс шигшигдэж ирсэн хүчирхэг эрчүүдийг ялж, дийлж явсныг чинь мэдэх олон сайхан эрчүүд таниар бахархдаг шүү дээ?
-Би өөрөөрөө бахархдаг гэж хэлж болохгүй байх. Хувь заяандаа баярлаж явалгүй яахав. Их хувь заяа гэж би амьдралдаа мөргөж явдаг. Тамирчныхаа хувьд олимпиос бусад бүх тэмцээнд амжилт гаргалаа. Эргээд харахад, оролцож үзээгүй, медаль аваагүй тэмцээн үлдээгүй байна. Дэлхийн аваргаас мөнгө, хүрэл медаль авлаа. “Дэлхийн цом”-ын хүрэл, Оюутны дэлхийн аваргын алт, чөлөөт бөхийн чансааг тодорхойлох Данколов, Тахтын цом, Дейв Шульц, Германы гранпри, Буриадын Ерөнхийлөгчийн цом гэсэн таван том гранприд аварга боллоо. Энэ миний гэхээсээ илүү нэг Монгол эр хүний бахархал гэж бодож байна даа. Монгол эр хүний...

-Дахиад бас олон тэмцээн хүлээж байна шүү дээ?
-Тэмцээн байгаа байгаа. Өвдгөндөө бэртэлтэй байгаа. Гайгүй бол арваннэгдүгээр сард болох Монгол Улсын Ерөнхийлөгчийн нэрэмжит тэмцээнд барилдана. FILA-гаас ач холбогдол өгч байгаа, гадны том бөхчүүд ч гэсэн ирэх сонирхолтой байгаа эх орондоо болох тэмцээнд орохгүй бол болохгүй. Өвдөг харин яах нь уу, шөрмөс нь суначихсан.

-Одоо бэлтгэлээ хийж байгаа юу?
-Бага, сагаар хийж байгаа. Олимпийн өмнө байнгын бэлтгэлтэй байгаад сурчихсан чинь дараа нь гэртээ сууж чадахаа байчихдаг юм шиг байна. Таван цагийн бэлтгэлд явахдаа нэг цагт гэрээсээ гарч байна гээд бод доо /инээв/. Тийм л болчихдог юм байна. Сүүлийн гурван жилийн турш нэг жилийн дөрвөн сард нь гэртээ байсан, бусад найман сард нь дандаа бэлтгэл сургуулилт, цугларалт гэж явсан байна лээ.

-Ирэх жил дэлхийн аварга болно?
-Тэгэлгүй яахав.Афины олимпийн дараа дөрвөн жил гэдэг урт хугацаа юм шиг бодогдож байсан ч хурдан л өнгөрчихсөн байсан. Ирэх жил Дэлхийн аваргад өрсөлдөнө. Нэг бүстэй болчих юмсан гэсэн бодол байгаа. Дэлхийн аваргад түрүүлбэл, аваргын бүс өгдөг юм /инээв/. Тэгээд бэлтгэлээ хийгээд явж байтал дараагийн олимп дөхчих байх даа л гэж бодох юм байна ш дээ. “Би залуу байна, миний амжилт бүр залуу байна” гэж үг байдаг даа. Тэр үгийг одоо хэлэхэд ч нэг их оройтохгүй байх аа. Тэгж л бодож байна.
Сая олимпод оролцход маань олон хүн дэмжиж байсан. Тэдэндээ баярлалаа гэж хэлмээр байна. "Баянгол" зочид буудалд байрладаг "Монголын нэг өдөр" рестораныхан гэхэд дөрвөн жилийн турш хоол унданд маань санаа тавьж, тусалж байлаа. Манай хамт олон болох Цагдаагийн ерөнхий газар, Эргүүл хамгаалалтын албаныхандаа үргэлж баярлаж явдаг шүү гэж хэлмээр байна.

Б.БАДАМГАРАВ

source: http://www.news.mn/news/section=home/pa ... 4424984573
User avatar
21Grams
Бөртэ чоно
 
Posts: 3890
Joined: Thu Dec 01, 2005 12:42 am

Re: Б.Наранбаатар

Postby galaa039 » Mon Jan 05, 2009 10:13 am

Шинэ жилээр ТВ коктейлийнхантай нөгөө нэвтрүүлэгт нь орж байна лээ. Цэнгээнт бүжиг хийх болсон. Нэгээ хүүхэн нь хачин сексий хөдлөөд л байх юм манай наба байдаггүй ээ модон өмд өмссөн юм шиг л бүжиглэж байна лээ дээ хөөрхий :mrgreen:
Монгол Улсын төлөө зүтгэе
User avatar
galaa039
 
Posts: 1190
Joined: Mon Jan 05, 2009 9:41 am
Location: Торгон ногоон дэвжээнээ зүүний магнайд

Re: Б.Наранбаатар

Postby ТӨӨГӨӨ » Mon Jan 05, 2009 1:49 pm

galaa039 wrote:Шинэ жилээр ТВ коктейлийнхантай нөгөө нэвтрүүлэгт нь орж байна лээ. Цэнгээнт бүжиг хийх болсон. Нэгээ хүүхэн нь хачин сексий хөдлөөд л байх юм манай наба байдаггүй ээ модон өмд өмссөн юм шиг л бүжиглэж байна лээ дээ хөөрхий :mrgreen:

del
Last edited by ТӨӨГӨӨ on Sat Apr 27, 2013 4:17 pm, edited 1 time in total.
Stern des Südens
User avatar
ТӨӨГӨӨ
Die Roten
Die Roten
 
Posts: 9653
Joined: Tue Oct 23, 2007 1:39 pm
Location: Үргэлж дээр нь

Re: Б.Наранбаатар

Postby chegevara » Wed Sep 23, 2009 2:22 pm

манай чөлөөтийнхний ганц найдвар нь энэ залуу
User avatar
chegevara
 
Posts: 440
Joined: Tue Apr 14, 2009 7:33 pm

Re: Б.Наранбаатар

Postby Должко » Wed Sep 30, 2009 8:27 pm

chegevara wrote:манай чөлөөтийнхний ганц найдвар нь энэ залуу

биш болжэээ :mrgreen:
User avatar
Должко
Далласын фанат
Далласын фанат
 
Posts: 6324
Joined: Mon Jan 12, 2009 2:38 pm
Location: МанСити фэн

Re: Б.Наранбаатар

Postby Khuluge » Sun Apr 04, 2010 12:21 pm

Нэг л худлаа гар юм шиг санагдаад байдийм даа...
League Title:1955, 2005, 2006, 2010, 2015,2017...
User avatar
Khuluge
Челси фен
Челси фен
 
Posts: 2277
Joined: Wed Nov 18, 2009 5:25 pm
Location: Mongolia

Re: Б.Наранбаатар

Postby sound of CFC » Sun Apr 04, 2010 12:27 pm

Аа тэгж ярьж болохгүй
Муу хүн залхуу байдаг ч болоосой
Мунхаг хүн дуугүй байдаг ч болоосой.
User avatar
sound of CFC
COLORED BY BLUE
 
Posts: 456
Joined: Fri Dec 25, 2009 5:15 pm

Re: Б.Наранбаатар

Postby Чуугий » Mon Apr 26, 2010 8:37 am

Б.Наранбаатар: Манай ард түмэн чөлөөт бөхөд хайртай

-”Амжилтын төлөө хамтдаа” ТББ-ыг үүсгэн байгуулагч гурван гавъяат маань залуу тамирчдад үлгэр дууриал болдог. БТСГ-тай хамтран цуврал лекц унших гэж байгаа гэсэн?

-Бид улс орныхоо нэрийг дэлхийд цуурайтуулах залуу тамирчдыг дэмжих, аймгуудын БТСГ-уудтай хамтран ажиллаж, залуу тамирчдын чуулга уулзалтыг Ерөнхийлөгчийн ивээл дор зохион байгуулах, “Олимп хөгжил” санг идэвхжүүлэхээр ажиллаж байна. Цуврал лекцээ маргааш Дархан хотоос эхэлнэ. Манай байгууллага нийтийн биеийн тамирыг хөгжүүлэхэд анхаарч байгаа. Тиймээс нийтийн биеийн тамир гэж юу юм, спорт гэж юу болохыг сурталчилсан лекц, амжилтад хүрэх арга замын талаар энгийн яриа өрнүүлэх юм.

-Олон улсын чанартай ямар тэмцээн уралдаан хүлээж байгаа вэ?

-Энэтхэгийн нийслэл Дели хотод ирэх сарын 12-16-нд болох Азийн аварга шалгаруулах тэмцээнд оролцохоор бэлтгэлээ базааж байна. Түүнээс өмнө сорил тэмцээн болон улсын аварга шалгаруулах тэмцээн явагдана. Олимпийн эрх авах эхний тэмцээн ирэх жилийн арваннэгдүгээр сард Туркийн Стамбул хотод болно. Энэ тэмцээнд эхний наймд орсон бөхөд олимпийн эрх өгдөг. Чөлөөт бөх жүдогоос оноо цуглуулдаггүйгээрээ ялгаатай. Олимпийн өмнөх жил болдог дэлхийн аваргад эхний найм, олимпийн жил болдот Ази тивийн аваргад түрүүлсэн бөх эрх авна. Түүнээс гадна цуврал тэмцээнд эхний гуравт орвол эрх өгнө. 60 тамирчнаас 20 нь олимпод ордог болохоор шалгуур өндөртэй.

-Таны жинд хамгийн хүчтэй өрсөлдөгч ямар бөх вэ?

-55 кг бол хамгийн хөнгөн жин. Хурд, хүч, оюун ухаан, авхаалж самбаа гээд тамирчнаас өндөр ур чадвар шаарддаг. Энэ чанаруудын аль нэг нь байхгүй бол амжилтад хүрэхэд хэцүү. Энэ утгаараа өрсөлдөөн ихтэй ч тэр бөхийг ялахгүй болов уу гэж айгаад байх зүйлгүй. Бэлтгэлээ сайн хийгээд, тэр өдрийн аз хийморь ивээвэл ямар ч амжилт үзүүлж болно. Миний жинд Оросын бөх В.Кудухов гол өрсөлдөгч байсан нь дээд жинд шилжээд сайн бөх гэдгээ харуулж байгаа.

-В.Кудуховтой ямар харилцаатай байдаг вэ?

-Нэг их сүрхий биш ч мэндэлдэг. Жаахан муухай харах талдаа шүү. Оросын бөхчүүд өр нь том. Өөрсдийг нь ялж байж л тэднээр хүндлүүлнэ. Би хувь заяандаа баярлаж явдаг. Тамирчныхаа хувьд олимпоос бусад бүх тэмцээнд амжилт гаргалаа. Эргээд харахад, оролцож үзээгүй, медаль аваагүй тэмцээн үлдсэнгүй. Дэлхийн аваргаас мөнгө, хүрэл медаль авлаа. “Дэлхийн цом”-ын хүрэл, Оюутны дэлхийн аваргын алт, чөлөөт бөхийн чансааг тодорхойлох Дан Колов, Тахтын цом, Дэйв Шульц, Германы гран при, Буриадын Ерөнхийлөгчийн цом гэсэн том гранприд аварга болсон байна.

-Чөлөөт бөхийн дүрэм шинэчлэгдсэн нь манай тамирчдын амжилтад нөлөөлж байна гэх юм?

-Зохих хэмжээгээр нөлөөлж байгаа ч зохицоод барилдах хэрэгтэй. Тамирчид дүрмэндээ зохицуулаад бэлтгэлээ хийх хэрэгтэй. Сүүлийн үед чөлөөт бөх хуучин шиг амжилт гаргахаа байсан. Ард түмэн ч шүүмжлэлтэй ханддаг болсон. Манай ард түмэн чөлөөт бөхөд хайртай. Хайртай болохоор үргэлж анхаарч, тамирчид нь алдаа гаргавал зэмлэдэг. Хийморилог ардын маань сэтгэл зүтгэлээр чөлөөт бөх дахин сэргэнэ гэдэгт итгэлтэй байна. Түүнээс биш холбоо, дасгалжуулагч нарт буруу өгч болохгүй. Хэн дэвжээн дээр гарч барилдсан тэр хүнээс л бүх зүйл шалтгаална. Алдсан бол алдаагаа хүлээх учиртай. Би олон сайхан багш нарын буянд өдий зэрэгтэй яваа. Өнөөдөр дэлхийн хэмжээний амжилт гаргах тамирчинтай байхын тулд аль ч спортын төрлийн дасгалжуулагч өөрийгөө хамгийн түрүүнд хөгжүүлэх хэрэгтэй.

М.Бүүвэй
User avatar
Чуугий
AC Milan Fan
AC Milan Fan
 
Posts: 18395
Joined: Sun Oct 28, 2007 5:38 pm

Re: Б.Наранбаатар

Postby Shaggy » Sat May 15, 2010 4:50 am

сайхан ярилцлагууд байна... харин ч сайхан гүндүүгүй бодсон санаснаа хэлчдэг аятайхан залуу юм бишүү
User avatar
Shaggy
Нарны Аймгийн Ззэн Хаан
 
Posts: 9675
Joined: Thu Jun 18, 2009 12:17 am

Re: Б.Наранбаатар

Postby Ricardokaka » Tue Aug 10, 2010 12:20 pm

энэ залуу цээжний бяр ч гэж айхтардаа
veni vedi veci
User avatar
Ricardokaka
 
Posts: 531
Joined: Mon Aug 09, 2010 12:51 am
Location: Xөлбөмбөгийн ногоон талбайд...

Re: Б.Наранбаатар

Postby enhe » Mon Nov 01, 2010 8:24 pm

манай хүн одоо жин өгсөн нЬ дээр байхдөө.
judo - more than sport!
User avatar
enhe
 
Posts: 133
Joined: Tue Sep 14, 2010 8:43 pm

Re: Б.Наранбаатар

Postby bure » Sat Apr 30, 2011 7:57 pm

Монголиан опен тэмцээний 55кг гавьяат тамирчин Б.Наранбаатар Бэxбаяр гэдэг залуу xүүxдэд ялагдав.
bure
 
Posts: 686
Joined: Thu Sep 10, 2009 10:29 am

Re: Б.Наранбаатар

Postby MBayasaa » Sun May 15, 2011 7:51 pm

chegevara wrote:манай чөлөөтийнхний ганц найдвар нь энэ залуу


угуй шуу залуу мин... xэxэ манай далд авиястнууд маани бга хэрхээ тудийлун гарж ирэх болоогуй л болуу даа гэхдээ Наранбаатар бол сайн туршлагатай байр суури сайтай л тамирчин бн лээ... Монгол улс мандан бадраг!!! :mongol: :mongol:
Winners never quit and quitters never win
User avatar
MBayasaa
 
Posts: 437
Joined: Fri May 13, 2011 6:57 pm
Location: Сийген

Re: Б.Наранбаатар

Postby galaa039 » Mon May 16, 2011 9:09 am

21Grams wrote:Tiv delhiin avarga Naranbaatar


дэлхийн аварга болоогүй ш дээ хө
Монгол Улсын төлөө зүтгэе
User avatar
galaa039
 
Posts: 1190
Joined: Mon Jan 05, 2009 9:41 am
Location: Торгон ногоон дэвжээнээ зүүний магнайд

Re: Б.Наранбаатар

Postby Raldii » Mon May 16, 2011 9:28 am

galaa039 wrote:
21Grams wrote:Tiv delhiin avarga Naranbaatar


дэлхийн аварга болоогүй ш дээ хө

Оюутны дэлхийн аварга болсон санагдаад байна да
Могой гурав тасравч гүрвэлээс урт
Монгол гурав тасравч Францаас томоо
User avatar
Raldii
 
Posts: 922
Joined: Wed Nov 05, 2008 12:34 am
Location: Ай сайхан хорвоо...

Re: Б.Наранбаатар

Postby galaa039 » Mon May 16, 2011 11:48 am

Наранбаатар Баяраагийн

Image

Төрсөн он: 1980. 03. 11. Дорнод аймаг. Чойбалсан хот
Цол: Монгол Улсын Гавьяат тамирчин /2006/,Олон улсын хэмжээний мастер, Спортын
мастер
Оролцсон тэмцээн:
Олимп: 2004 оны Афины XXYIII Олимпийн наадам XII байр /Грек/
Дэлхийн аварга шалгаруулах тэмцээн:
2003 он X байр /АНУ/, 2005 он хүрэл медаль
/Будапешт, Унгар/, 2006 он /Гуйлин, БНХАУ/
Азийн аварга шалгаруулах тэмцээн:
2004 он мөнгөн медаль /Тегеран, Иран/
Ази тивийн наадам:
2002 оны Ази тивийн XIY наадам IX байр /БНСУ/ Азийн цом: 2002 оны хүрэл медаль /Казахстан/
Олон улсын тэмцээн:
Тахти. цомын алтан медаль /Иран/ , 2002 оны
Дан колов-н нэрэмжит тэмцээн алтан медаль
/Болгар/
Дасгалжуулагч: Б. Баттулга, Х.Намшир
Монгол Улсын төлөө зүтгэе
User avatar
galaa039
 
Posts: 1190
Joined: Mon Jan 05, 2009 9:41 am
Location: Торгон ногоон дэвжээнээ зүүний магнайд

Re: Б.Наранбаатар

Postby MBayasaa » Mon May 16, 2011 9:08 pm

Raldii wrote:
galaa039 wrote:
21Grams wrote:Tiv delhiin avarga Naranbaatar


дэлхийн аварга болоогүй ш дээ хө

Оюутны дэлхийн аварга болсон санагдаад байна да


болсон болсон тэрийг саналгуй яхав :D
Winners never quit and quitters never win
User avatar
MBayasaa
 
Posts: 437
Joined: Fri May 13, 2011 6:57 pm
Location: Сийген

Re: Б.Наранбаатар

Postby munkhbayar_AC » Tue Sep 20, 2011 3:16 pm

Одоо ч хөөрхий больж дээ. Цагтаа озэки байсан гэдэг шиг цагтаа озэки байх нь байсаан. Гэхдээ сая улсын аварга болоогүй хүнийг авч явсан ш дээ.
Forza Milan
munkhbayar_AC
Argentina
 
Posts: 966
Joined: Mon May 05, 2008 3:39 pm

Re: Б.Наранбаатар

Postby Цоомоо » Tue Sep 20, 2011 3:43 pm

2004 онд л харамсалтай байсымдаа.
Хэсэгтээ тэр нэг нөхрөө цэвэр ялаагүй, зүгээр оноогоор ялсан бол цаашаа шалгарчих байсышд.
Үнэхээр харамсалтай.
User avatar
Цоомоо
Ангаахай
 
Posts: 16073
Joined: Fri Dec 02, 2005 9:22 pm

Re: Б.Наранбаатар

Postby Очир » Sat May 12, 2012 11:20 pm

Одоо ямарч байсан эрхээ авчихлаа. Лондонд үзүүлээд өгнө дө. 2006 онд Кудуховт шудрага бус ялагдсан л да. Хөл алдсан ч гэсэн мушгиад өөрөө дотор үлдээд Кудухов гарсан байхад Эсрэг талд оноо өгсөн энэ бол шүүгчийн алдаа байсан шүү.

VICTORIA CONCORDIA CRESCIT - VICTORY THROUGH HARMONY - ЭВ НЭГДЛЭЭР ЯЛАЛТАНД ХҮРНЭ.
User avatar
Очир
Их Буучин
Их Буучин
 
Posts: 1319
Joined: Sun Dec 11, 2011 6:42 pm
Location: Fly Emirates

Re: Б.Наранбаатар

Postby Khosoo » Tue Aug 13, 2013 12:30 pm

Одоо дарга болчихлоо. Амжилт хүсье!
Image ~~~Citius, Altius, Fortius
Khosoo
 
Posts: 4134
Joined: Wed Nov 23, 2005 9:51 pm
Location: Ulaanbaatar, Mongolia


Return to Чөлөөт, сонгомол бөх (FILA)

Who is online

Users browsing this forum: No registered users and 1 guest