БНСУ Сувон Хот, Мастеруудын цом, 2010.01.16 - 01.17

Moderator: Бөхийн модууд

БНСУ Сувон Хот, Мастеруудын цом, 2010.01.16 - 01.17

Postby Odgerel » Fri Jan 15, 2010 3:41 pm

Сувонд Мастеруудын цом гээд дэлхийд чансаагаараа эхний 16-д бичигдэж байгаа жүдочидийн шагналын сан өндөртэй тэмцээн болох гэж байгаан байна. Манайхаас дэлхийн аварга Цагаанбаатар тэргүүтэй 6 бөх барилдах юм байна. Уг тэмцээнийг үнэгүй үзэж болно гэнэ, Солонгост байгаа Монголчуудаа очиж Монгол бөхчүүдээ дэмжиж, дэлхийн шилдэгүүдийг нэг дор харах сайхан боломж гарч байна. Очиж сонирхох залуус Монголынхоо том далбааг болж өгвөл авч очвол зүгээр. Маргааш барилдаан үзсэний дараа Монголд байгаа нөхдөд сонин дуулгамз.

Яаж очихыг нь Солонгосоор оруулчихлаа, сорри шүү, битгий үндэсний үзэл гаргаарай :mongol:

Хэзээ: 2010.01.16 - 01.17, (AM 09:00 ~ PM 18:00)
Хаана: 수원 실내 체육관 (031- 240-2700)
Тасалбар: Үнэгүй (Утасдаж асуусан)
Яаж очих:
전철1호선 수원행 화서역하차(택시로10분)
37, 39번 버스이용 수성중 사거리 하차 후 도보3분
55번 버스이용 종합운동장 하차
수원역하차(택시로20분)
1번, 5번, 8번 버스이용 수성중 사거리 하차 후 도보3분

전철4호선 사당행 사당역하차
직행7770번 버스이용 종합운동장 하차
Үндэсний үзэлтэй байцгаая Залуусаа...
Odgerel
 
Posts: 91
Joined: Thu Sep 20, 2007 10:29 am
Location: Гуулин Улс

Re: БНСУ Сувон Хот, Мастеруудын цом, 2010.01.16 - 01.17

Postby Odgerel » Mon Jan 18, 2010 9:49 am

Тэмцээний эхний өдрийг очиж үзлээ, 40 орчим Монголчууд маань очиж дэмжсэний хэрэг гарч Мяарагчаа урамтай сайхан барилдаанаараа бид бүгдийн магнайг тэнийлгэлээ. Ардын багш Насаа, гавъяат Болдбаатар, Олимпийн аварга Түвшинбаяр, Дэлхийн аварга Цагаанбаатар гээд дэлхийн хэмжээний хүмүүстэй хамт сууж тэднийхээ ялалт, ялагдал, жаргал, зовлон, баяр хөөрийг нь хуваалцаж өнгөрөөсөн тэр өдөр бидний хувьд олдошгүй дурсамжтай өдөр болж өнгөрсөн.

60кг-д Азийн аварга Болдбаатар маань хүрэл авсан Солонгосын тамирчинд үүрүүлээд цэвэр буучихав. Хажууд нэлээн урам муутай ирж суусан, яачихав гэж асууж зүрхлэлгүй хажууд байсан цайгаа авч өгөв, дотор нь нэлээн хэцүү байгааг нүдийг нь хараад ойлгож болохоор, юм нэгээр дуусах биш залуу хүн хичээх байхаа. 60-д аваргын төлөө Японы чансааг тэргүүлэгч Хирауки Узбекийн олимпийн хүрэлт Собировыг вазаригаар хожиж яваад цаг дуусах мөчид давхар мордуулаад цэвэр буучихав.

52кг-д Бундмаа Японы бөхөд вазари алдаад үргэлжлүүлж даралтанд ороод тэмцээнээ дуусгав.

66кг-д Цагаанаа Францын нэр нь мэдэгдэхгүй нөхөрт хөлд нь 3 удаа ороод торгуулаад юу ч хийж амжилгүй цаг дуусчихав. Тэр франц дараагийн тойрогт Оросд юм болсонгүй цэвэр тавиулсан. Цагаанаа жоохон бэлтгэл муутай байв уу гэж бодогдсон, их л урам муутай авчирсан хуушуур ч идэлгүй суусан.


63кг-д Мөнхзаяа бас нэг Японтой таарав, уг нь нэлээн сайн үзсэн боловч цаг дуусах мөчид Япон гарт нь өчиж ялсан, манай хүний мөр нь эвгүй болчих шиг болсон Болдоо багш мөрийг татаж байгаа харагдсан, сүүлд асуухад гайгүй л гэж байсан.

Ингээд манайхны ялагдал үргэлжилсээр бид хэд ч дотроо түгшиж л суулаа, сүүлийн найдвар Мяарагчаа байлаа, эхний тойрогт хийлээд дараагийн тойрогт бас л Японтой таарав. 2 минут орчим өнгөрч байтал япон манай хүний ууцаар тэврээд шигшээд хариугүй шидэх нь ээ, манай хүн биеэ маш суллаад 2 хөл дээр давхар мордох маягийн мэх ороод цэвэр буулгачихав. Бид хэд ч бөөн баяр уухай хашгираад л явчихав. Хүрэл медаль халаасанд орчихов, үдээш хойш шигшээ барилдаантай тул хуушуур, хар цайгаа уугаад байрандаа очиж унтаж байгаад ирэхээр манай хүн явсан. Хэсгийн аваргын төлөөх барилдаанд Оростой таарав, Орос өмнөх тойрогт дээгүүр үзэх магадлалтай байсан Солонгосыг ялсан эвгүй нөхөр байв, манай хүн үүрээд давхар хөл тавиад маш гоё сонгодог мэхээр нисэлттэйгээр Оросыг цэвэр буулгав. Нөгөө талаас нөгөө Гаданов гээд дэлхийн аваргаар манай Цагаанаад ялагддаг бас нэг Орос гарч ирэв. Барилдаан эхлээд 2 мин орчим өнгөрөөд манай хүн Оросыг хонгодож давхар зүүн хөл дээр нь мордоод цэвэр буулгав. Ингээд алт манайх болов. Төрийн дуулаллаа сонсож төрийн далбаагаа мандахыг хараад тэнд бидний самсаа шархирсан. Сайхан юм байна лээ. Мяарагчаа биеийн хөгжил сайтай, булчин нь ярайсан, сайхан даруухан хүүхэдээрээ залуу байна лээ. 83 онд төрсөн Дундговьт төрсөн, аав нь олон жил сайн барилдсан удамтай айлын залуу байна лээ, түүнд АНУ-аас нэр дээр барилдах санал ирсэн боловч өөрөө зөвхөн Монгол улсын нэрийн өмнөөс барилдана гээд эрс дургүйцсэн гэж хүн ярьж байхыг сонссон.

За тэгээд эцэст нь тамирчид маань яаж хөлсөө дуслуулж эх орныхоо нэрийг гаргадагыг нэг өдөр зүрх сэтгэлээрээ мэдэрсэн. Хамаагүй тэднийгээ РС-ний араас баалж, өөлөх нь үнэхээр хэрэггүйн байна лээ шүү.

Монголчуудын маань зовхи нь өөдөө байж, Монголын тамирчид дэлхийг тамгалах болтугай.

БНСУ, Сөүл хот, 2010.01.18
Үндэсний үзэлтэй байцгаая Залуусаа...
Odgerel
 
Posts: 91
Joined: Thu Sep 20, 2007 10:29 am
Location: Гуулин Улс

Re: БНСУ Сувон Хот, Мастеруудын цом, 2010.01.16 - 01.17

Postby Чуугий » Mon Jan 18, 2010 10:59 am

С.Мияарагчаа: Энэ амжилт надад маш их урам өглөө

-Юуны өмнө баяр хүргэе. Гурван өрсөлдөгчөө цэвэр яллаа. Дэлхийн хамгийн шилдэг жүдочид оролцож байгаа гэдэг утгаараа өрсөлдөөн ширүүн болсон байх?

-Баярлалаа. Сэтгэл маш өндөр байна. Тэмцээн сонирхолтой, өрсөлдөөнтэй болж байна. Өчигдөр миний барилдаан дууссан болохоор өнөөдөр бид нар Тэмүүлэнгээ дэмжингээ бусад жүдочдын барилдааныг сонирхож байна. Бүх барилдааныг л алгасалгүй үзмээр сайхан тэмцээн болж байна.

-Өрсөлдөгчдийнхөө талаар юу хэлэх вэ. Алим Гадановтой Х.Цагаанбаатар хэд хэдэн удаа барилдсан. Таны хувьд Гадановтой өмнө нь таарч байсан уу?


-Гадановтой барилдаж үзээгүй. Барилдааны бичлэгийг нь сайн үзэж, судалдаг байсан. Өрсөлдөгчдийн хувьд эхний тойрогтоо Японы бөх Масаши Эбинуматай таарсан. Энэ бөх энэ жилийн бүх Японы аварга болсон, өнгөрсөн жил оюутны “Универсиад” наадамд түрүүлж байсан, “Дэлхийн цом”-ын аварга жүдоч. Эбинумаг тонгорох мэх хийгээд гарахад нь ар талаар нь мордох мэх хийж, цэвэр ялсан. Дараагийн тойрогт Оросын Мусо Могушковтой таарсан. Могушковыг сууж үүрэхэд нь хөл тавих мэхээр цэвэр ялсан. Харин аваргын төлөө хүч үзсэн Оросын алдарт бөх Алим Гадановыг хонгодох мэхээр цэвэр яллаа. Дэлхийн шилдгүүд хуран чуулсан энэ нэр хүндтэй тэмцээнд түрүүлнэ гэдэг миний хувьд нэр төрийн хэрэг байлаа. Энэ амжилт маань надад маш их урам өглөө. Цаашид улам сайн хичээж, ард түмнээ олон баярлуулахыг хүсч байна.

-Олон улсын жүдо бөхийн холбооны сайтад Монголын жүдочдыг онцолж бичсэн байна лээ. Монголчуудыг хөл мэхэндээ сайн гэдэг боловч дүрэм өөрчлөгдсөн нь тэдэнд нөлөөлсөнгүй гэсэн утгатай?

-Ер нь их олон хүмүүс Монголд үнэхээр жүдо бөхийн спорт жигд сайн хөгжжээ гэдгийг ярьж байсан. Барилдааны дүрэмд өөрчлөлт орсон ч тэр нь бидний амжилтад нөлөөлөхгүй гэж бодож байгаа. Яагаад гэвэл манай жүдочид энэ спортыг сонгодог утгаар нь эзэмшиж, хөгжүүлж яваа гэж боддог.

-Тэмцээний онцлог юу байв. Х.Цагаанбаатарын мөрний бэртэл гайгүй юу?

-Цагаанаагийн мөрний бэртэл сэдэрсэн. Уг нь Францын бөхийг ялах боломжтой байсан. Шүүлт алдаатай болсон тал бий. Ерөнхийдөө тэмцээний онцлог гэвэл 2009 оны дэлхийн аварга шалгаруулах тэмцээн хөнгөн жинд буюу гол жингүүд болох 60, 66, 73, 81 кг-ын жингийн аваргууд бүгд энэ тэмцээнээс медаль авч чадсангүй. Тэгэхээр аваргуудад халгаатай тэмцээн болсон юм болов уу. Ихэнх хүмүүс шүүлтийн будилаан байгааг бас ярьж байна.

-Х.Цагаанбаатар та хоёр хоёулаа 66 кг-ын шилдэг тамирчид. Гэтэл нэг нь л дэлхийн аваргад өрсөлддөг. ОУ-ын жүдо бөхийн холбоо /IJF/-ноос дэлхийн аварга шалгаруулах тэмцээнд нэг улсаас хоёр тамирчин оролцуулахаар болсон байна. Энэ шийдвэрийг жүдо бөхийн хүрээнийхэн бүгд дэмжиж байх шиг байна?

-Тэгэлгүй яахав. Саяхан, оны өмнө Олон улсын жүдо бөхийн холбооны Техникийн зөвлөлийн хурал болж, ДАШТ-д нэг улсаас хоёр тамирчин оролцуулахаар болсон байна лээ. Тэгэхээр 2010 оноос эхлэн ДАШТ-д нэг жинд нэг улсын хоёр бөх барилдах боломжтой болсон гэсэн үг. Өсвөр үе, залуучууд, насанд хүрэгчдийн ДАШТ-ий алинд нь ч энэ заалт мөрдөгдөх юм билээ.

-Та нар хэзээ Монголд ирэх вэ?


-Энэ сарын 20-нд очино. Тэр хүртэл хэд хоног БНСУ-ын тамирчидтай хамтарсан бэлтгэл хийнэ. Бид саяын тэмцээнд зургуулаа оролцсон. Х.Цагаанбаатар /66 кг/, Г.Болдбаатар /60 кг/, Б.Тэмүүлэн /-100 кг/, М.Бундмаа /52 кг/ болон Ц.Мөнхзаяа /63 кг/ бид хэд эндээ хоёр хоног хамтарсан бэлтгэл хийнэ.

-Ирэх сараас Европын цуврал тэмцээнүүд эхэлнэ. Европын цувралд оролцоно биз дээ?

-Манай жүдочдын оролцох дараагийн тэмцээн хоёрдугаар сарын 6-нд болох “Grand slam” байгаа. Монголын жүдочид буурал европыг зорьж, олон сайхан амжилт гаргана гэдэгт найдаж байна. Түүнчлэн “Ардын эрх” сонин, NEWS.MN сайтаар дамжуулаад жүдо бөхийг дэмжигч, спортыг дээдэлдэг ард түмэндээ мэнд хүргэе. Хамт бэлтгэл сургуулилтаа базаадаг жүдочдодоо баярлаж байна. Монголын жүдо бөхийн хөгжилд үнэтэй хувь нэмэр оруулж байгаа Х.Баттулга сайддаа, “Хүч” спорт хорооны хамт олон, бүх багш нартаа баярлаж, талархаж явдгаа илэрхийлэхийг хүсч байна. Мөн намайг үргэлж чин сэтгэлээсээ дэмжиж, тусалж байдаг Ж.Наранцацралт агсны хүү, найз Н.Соёмбодоо баярлаж явдгаа хэлэхийг хүсч байна. Тамирчдын амжилт бүрийн ард олон хүний зүрх сэтгэл, дэмжлэг байдаг болохоор биднийг дэмжин, хурцалж байдаг бүх л хүнд талархаж явдгаа уламжилъя. Монголын жүдочид та бүхнийхээ итгэлийг алдахгүй гэдэгт найдаж байна.



Х.Цагаанбаатар: Аваргын төлөө хоёр монгол барилдах боломж байсан


-Сайн явж байна уу. Аваргын хувьд харамсалтай тэмцээн боллоо. Мөрний бэртэл нөлөөлсөн гэж сонссон?

-Мөр жаахан эвгүй байсан. Эхний тойрогтоо гоц мөргөж, дараагийн тойрогт Францын бөх Дэвид Лоростой таарсан. Шүүгч нар яагаад намайг гурав торгосныг сайн ойлгохгүй л байна. Уг нь би Дэвид Лоросыг өмнө нь хоёр удаа цэвэр ялж байсан юм.

-Хэрвээ Францын бөхийг ялсан бол дараагийн тойрогт хэнтэй таарах байсан бэ?

-Оросын Алим Гаданов. Гадановыг ялна гэдэгтэй итгэлтэй байсан. Хэрэв тэгсэн бол хоёр монгол бөх аваргын төлөө үзэх байлаа. Хэрвээ Мияатайгаа хамт аваргын төлөө үлдсэн бол хэн нь ч түрүүлсэн байлаа гол нь Монголын хоёр жүдоч “World Masters”-т аваргын төлөө барилдана гэдэг манай жүдочдын хувьд бахархам үйл явдал болох байсан. Тэрэнд л жаахан харамсч байна.

-IJF-ийн чансааны нэгдүгээрт та хэдэн оноогоор бичигдэж байгаа вэ?

-1140 оноотой байгаа.

-Саяын тэмцээний амжилтад олимпийн эрхийн оноо өгөх үү?

-Эрхийн оноонд нөлөөлнө. Чансааны оноо нэмэгдэнэ. Жишээ нь, С.Мияарагчаа өмнөх чансааны оноогоороо 11-д бичигдэж байсан бол сая 400 оноо нэмж авснаар эхний тавд багтсан байгаа.

-Одоо таны оролцох дараагийн тэмцээн хэзээ болох вэ?

-Хоёрдугаар сарын эхээр “Grand slam”-д оролцоно. Европын цувралуудад манайхан бүгд явах байх. Энд /БНСУ-д/ хоёр хоног хамтарсан бэлтгэл хийгээд Улаанбаатарт бэлтгэлээ үргэлжлүүлнэ.

Б.Бадмаа
User avatar
Чуугий
AC Milan Fan
AC Milan Fan
 
Posts: 18596
Joined: Sun Oct 28, 2007 5:38 pm

Re: БНСУ Сувон Хот, Мастеруудын цом, 2010.01.16 - 01.17

Postby Nok » Thu Jan 21, 2010 4:43 pm

Мияарагчаа улсын аврагаар Цагаанааг хэд хэд ялсан гэж уншлаа. 1-т Энэ 2 ингэж ойр барилддаг юм бол, 2-т Сувоны бичлэгийг үзээд уг нь бээжинд бэртэлтэй Цагаанааг гаргаж байхаар эрүүл Мияарагчааг гаргасан бол гэж бодогдож байлаа.



Nok
 
Posts: 636
Joined: Fri Oct 17, 2008 12:02 pm

Re: БНСУ Сувон Хот, Мастеруудын цом, 2010.01.16 - 01.17

Postby sound of CFC » Sun Apr 04, 2010 12:31 pm

Аа чухамаа чухам
Муу хүн залхуу байдаг ч болоосой
Мунхаг хүн дуугүй байдаг ч болоосой.
User avatar
sound of CFC
COLORED BY BLUE
 
Posts: 456
Joined: Fri Dec 25, 2009 5:15 pm


Return to Жүдо

Who is online

Users browsing this forum: No registered users and 4 guests