by STARRRRR » Tue Mar 27, 2007 3:26 pm
2007 оны Хаврын Лигийн тэмцээнд мэдүүлэг өгсөн нийт баг тамирчдын анхааралд:
Юуны өмнө, бидний үйл ажиллагааг дэмжин тэмцээнд оролцох хүсэлт тавьсан та бүхэнд Холбооны зүгээс талархал илэрхийлье.
Энэ жилийн Лигийн тэмцээн “TIGER LEAGUE” нэртэйгээр явагдах болсныг зарлахдаа таатай байна. Бид багуудаас харьцангуй бага төлбөр авч байгаа бөгөөд тэмцээн зохион байгуулахад уг төлбөр хүрэлцэхгүйн улмаас ивээн тэтгэгчийн туслалцаа зайлшгүй шаардлагатай юм.
Энэ удаагийн тэмцээн өндөр зохион байгуулалттай, өргөн дэлгэр болох ба үүний төлөө зохион байгуулагчид хичээн ажиллаж байна. Өнгөрсөн намрын тэмцээнд 14 баг оролцож байсан бол энэ удаад бид 16 баг оролцуулахаар шийдсэн бөгөөд монголдоо ганц гэж болох стандарт ногоон талбай дээр багууд маань тоглох гэж байгаа нь энэ удаагийн лигийн тэмцээний нэг том онцлог.
Мөн бид тэмцээнээ энэ удаад телевизүүдээр сайн гаргах асуудал дээр нилээд анхаарч байгаа бөгөөд нэвтрүүлгүүд хүртэл бэлтгэн гаргуулахаар төлөвлөн ажиллаж байна.
Одоогийн байдлаар 20 орчим баг мэдүүлгээ өгөөд байна. Гэхдээ бид бүх багуудад тэмцээнд яг оролцох болно гэж амлаж чадахгүйг хэлэх нь зүйтэй. Учир нь бид 16 баг оролцуулахаар заавартаа заасан байгаа тул бид сонголт хийх шаардлагатай болж байгаа. Бид сонголт хийхдээ дараах шалгаруудыг голлон авч үзэх болно:
- Мэдүүлгийн бүрдэл (тамирчдын нэрс, зураг бүрэн байх)
- Өмнө тэмцээнд оролцож байсан эсэх, багийн амжилт, сахилга бат
- Манай тэмцээнд оролцож байгаагүй ч өөр тэмцээнд оролцохдоо ямарваа нэгэн ноцтой алдаа дутагдал гаргаж байсан эсэх
- Багийн дундаж нас, баг бүрдсэн байдал
- Хариуцлага хүлээх чадвар, идэвхи
- Мэдүүлэгт мэргэжлийн гэж болох тамирчдыг оруулсан эсэх г.м
Бүх баг л тэмцээнд орохыг хүсч байгаа, гэтэл тэмцээн маань хугацаатай,
багуудын тоо хязгаартай. Бид аль болох боломжийн сонголт хийхийг зорино. Гэхдээ бид сонголт хийснийхээ төлөө хариуцлага хүлээх буюу буруутах ёсгүй.
Дараа дараагийн олон тэмцээн, арга хэмжээ биднийг хүлээж байгааг санаж хүлээцтэй байхыг багуудаас хүсье.
Мөн сонгогдсон хэдий ч төлбөрөө нэн даруй төлөөгүй багуудыг бид тэмцээнд оруулахгүй дараагийн багуудаас сонгож оруулахыг анхааруулъя.
Сонгогдсон багуудын нэрсийг уг website дээр 3-р сарын 29-ний өдөр зарлана.
Тэмцээндээ амжилттай оролцож, эв нэгдэлтэйгээр 5 долоо хоног өрсөлдөцгөөе!
ХӨЛБӨМБӨГ СОНИРХОГЧ, ХӨГЖӨӨН ДЭМЖИГЧДИЙН ХОЛБОО
БӨМБӨГ БӨӨРӨНХИЙ...