Давид Вилья !

Moderator: Хөлбөмбөгийн модууд

Давид Вилья !

Postby Г.Баяраа » Fri Jul 03, 2009 6:36 pm

Image
Хөлбөмбөгийн арилжаа наймааны зах дээр хамгийн эрэлттэй байгаа ”бараануудын” нэг бол Давид Вилья. 27 настай энэхүү Астур эрийн араас яагаад багууд үхэн хатан зүтгээд байгаа нь ойлгомжтой. Түүний гоол оруулах торгон мэдрэмж, гайхалтай ур чадвар нь ямар ч багт хүссэн амжилтыг нь авчирч чадах учраас тэр. Ингээд та бүхэнд Давид Вильягийн амжилтанд хүрсэн түүхийг сонирхуyлья.

Давид Вилья Санчез 1981 оны 12 сарын 3-нд Испаний хойд хэсгийн Астур мужын Туйлья хэмээх жижигхэн тосгонд төржээ. Уурхайчин эцгийн хүү тэрээр баян тансаг амьдралыг мэдрэлгүй өссөн ч, хайр халамжаар огтхон ч дутаж байсангүй. Эцэг эх нь хүүгээ шилдэг тоглогч болж чадна хэмээн үргэлж урам өгч, дэмждэг байлаа. Гэвч Вилья хүү бусдаас онцгойрч, өөрийгөө харуулж чадахгүй л байв. Бага насныхаа тухай Давид ”Тэр үед би хэн ч биш байсан. Сохор зоос ч авалгүй улиралын турш сэлгээний сандалд сууж байхаар найзуудтайгаа тоглоод явж байсан нь дээр юм шиг санагдах үе ч байсан. Харин гэр бүлийнхэн маань намайг үргэлж дэмжин, тусладаг байсны хүчин би тэр хүнд үеийг давж чадсан’‘ хэмээн өгүүлжээ. Магадгүй түүний есөн настайдаа авсан хүнд бэртэл нь хөлбөмбөгийн карьерийг нь ийн удаашрахад хүргэсэн байх. Баруун хөлийнхөө гуяны ясыг хугалсан хүү дахин хөлбөмбөг тоглохгүй байж мэдэх хүнд нөхцөлд орсон ч аз болж бүрэн эдгэрчээ. Нөгөө талаар энэ бэртэл нь түүнийг зүүн хөлөөрөө сайн тоглодог болоход тусалсан юм. 18 нас хүртлээ Вилья орон нутгийн Лангео хэмээх багт тоглож байгаад Гиёон хотын Спортинг клубт шилжсэн байна. Хэдийгээр Астурын олон баг түүнийг авахаар санал тавьж байсан ч багын шүтээн Кастро Гонзалез ‘Куйни”-гийн багт тоглох хүсэлдээ хөтлөгдөн ”Улаан цагаанууд”-ыг сонгосон тухайгаа нэгэнтээ өгүүлжээ. 2-р лигийн энэ багт ирснээр Вилья өөрийгөө хэн гэдгээ жинхэнэ ёсоор харуулсан бөгөөд 2003 оныг хүртэл хүчин зүтгэхдээ 85 тоглолтонд 40 гоол оруулсан байна. Гэвч түүний хичээл зүтгэлээс үл хамааран багийнх нь амжилт ахихгүй байсан тул шинээр Ла лигт дэвшсэн Реал Сарагосад худалдагдан очсон байна. Дээд доод лигийн түвшин өөр байх нь ойлгомжтой ч Вилья энэ бүхнийг анзаараагүй мэт гоолоо оруулсаар байлаа. Ла лигт өнгөрүүлсэн анхны улиралдаа тэрээр 20 гоол оруулж мэргэн буучдын тэргүүн эгнээнд бичигдсэн бөгөөд багаа Эзэн хааны цом түрүүлүүлэхэд голлох үүргийг гүйцэтгэжээ. Реал Мадридийн эсрэг хийсэн финалын тоглолтонд тэрээр хожлын гоолыг оруулсан юм. Шигшээ багийн анхны дуудлага ч ирж амжилт ялалтаар бялхаж байсан түүнийг түүнийг талбайд гарч ирэхэд Ла Ромареда цэнгэлдэх даяар ”Илья Илья Илья Вилья Маравилья’‘ хэмээн цуурайтдаг байсан гэдэг. ”илья илья илья ер бусын Вилья” хэмээн орчуулагдах энэхүү дуулалыг Сарагосагийн фенүүд хаа сайгүй цуурайтуулж, шинэ гишүүнийхээ алдрыг магтаж байлаа. Дараагийн улиралд нь Давид УЕФА-н цом оролцож, дэлхийн шилдэгүүдтэй анх нүүр тулж үзлээ. Түүний оруулсан гоолуудын ачаар Сарагоса хэсгээсээ толгой өвтгөлгүй гарсан ч шөвгийн 16-д Австриа Вейнд ялагдсанаар тэмцээнээ өндөрлүүлсэн бөгөөд тэмцээний дараа Вильяг сонирхох багууд толгой дараалан нэмэгджээ. Лигийн тэмцээнд оруулсан 16 гоол нь ч түүнийг жирийн нэгэн дундаж довтлогч биш гэдгийг нь хангалттай нотлоод өгсөн тул Валенсиа 12 сая еврог түүнд зарахдаа гар татсангүй. Ийнхүү Вильягийн удаан хүлээсэн мөч ирж Испаний хамгийн агуу багуудын нэгэнд тэрээр харьяалагдах боллоо. Сарагоса дахь хоёр жилдээ өөрийгөө хангалттай харуулсан тул түүний ур чадварт эргэлзэх хүн энд нэг ч байсангүй. Давид ч шинэ багтаа хурдан идээшиж богино хугацааны дотор фенүүдийн хайртай тоглогч болсон бөгөөд улиралыг 25 гоолтойгоор өндөрлүүлж, мэргэн буучдын жагсаалтанд аман хүзүүджээ. Өөрөөс нь ганцхан гоолоор илүү гарсан Самуель Это о’о-д пичичи очсон нь мань эрийг бага зэрэг гонсойлгосон ч, Валенсигийн 60 жил эвдэгдээгүй байсан гоолын рекордыг давтсандаа сэтгэл хангалуун үлдсэн нь тодорхой. Ирэх улиралд нь ч түүний гоолын хэмжээ буурсангүй, шилдэг тоглолтоо үзүүлсээр байлаа. Фернандо Морьентесийн хамт аюултай хослолыг үүсгэж 21 гоол оруулсны дээр европын шилдэг 50 хөлбөмбөмбөгчдийн тоонд багтсан юм. 2007 онд тэрээр Сарьсан
Image
багваахаануудтай урт хугацааны гэрээ байгуулж 2014 онд хүртэл үлдэхээр болсон ба клубын төлөөх 100 дахь тоглолтоо хет-трикээр мялаасан ажээ. Өнгөрсөн 2008-2009 оны улиралыг Давид карьерийн оргил үзүүлэлт болох 28 гоолтойгоор өндөрлүүлсэн гэдгийг та бүхэн мэдэж байгаа байх. Энэ нь бас л Валенсигийн түүхэнд нэгэн шинэ амжилт болсон. Тэртээ 1978, 1996 онуудад Аргентиний Марио Кемпес, Югославын Предраг Миятович нар Валенсигийн төлөө ийм хэмжээний гоолыг оруулж байсан юм. Бразилийн супер од Кака ‘‘Давид бол миний хамтран тоглохыг хүсдэг тоглогчдын нэг. Тэр бол испаний хамгийн шилдэг тоглогч” хэмээн өгүүлсэн нь түүнийг ямархуу шилдэг тоглогч вэ гэдгийг бага ч гэсэн харуулж байгаа байх. Мөн Испаний шигшээн дасгалжуулагч Виценте дель Боске түүнийг ”Би Роналду, Какагаас илүү Давидийг илүүд үзнэ” хэмээн магтсан удаа бий.

Шигшээ багт


Вилья 2005 онд Реал Сарагосагийн бүрэлдэхүүнд байхдаа анх шигшээн дуудлага авсан гэдгийг нь дээр өгүүлсэн. Энэхүү тоглолт нь Герман -2006 ДАШТ-н сонгон шалгаруулалтад тохиосон бөгөөд тус тоглолтонд Испани Сан Мариног 5 : 0-оор бутниргэсэн ажээ. Харин анхны гоолынх нь хувьд Словакийн шигшээтэй хийсэн тоглолтонд орсон. Ирэх жилийн зун нь Валенси дэх гайхалтай формыг нь үнэлсэн Луйс Арагонес Герман руу авч явах бүрэлдэхүүндээ Вильяг багтаасан нь алдаа болсонгүй. Тэрээр Украйн, Францын хаалганд гурван гоол оруулж Фернандо Торресийн хамт мэргэн буучдын жагсаалтанд дээгүүр бичигдсэн билээ. Хэдийгээр шигшээтэйгээр том тэмцээнд түрүүлэх хүсэл нь энд биелэж чадаагүй ч, хоёр жилийн дараа мөрөөдлөө биелүүлж Евpопын аваргад түрүүлсэн юм. Вилья, Виценте дель Боскегийн бүрдүүлсэн ялагдашгүй багийн гол хүч нь болж хэсгийн тоглолтонд Оросын хаалганд хет-трик хийснээр барахгүй Шведийн хаалганд сүүлийн мөчид гоолдож багаа аварчээ. Сонирхуулахад Патрик Клюйвертээс хойш Еврод хет-рик хийсэн анхны тоглогчоор Вилья шалгарсан юм. 2000 оны Европын
Image
аваргад Голланд эр Югославын хаалгыг гурван гоолоор мялааж байсан аж. Хагас шигшээн ОХУ-тай хийсэн тулаанд Вилья бэртэл авч финалыг өнжсөн ч дөрвөн гоолтойгоор мэргэн буучдын жагсаалтыг тэргүүлж, тэмцээний шилдэг багт Торресийн хамт багтсан юм..Ийнхүү Европын шилдэгээр шалгарсан тэрээр ирэх жилийн дэлхийн аваргад энэ амжилтаа давтах хүсэлтэй байгаагаа өгүүлж буй. ДАШТ-н сонгон шалгаруулалт болон Тив хоорондын цомд үзүүлсэн шилдэг тоглолтыг нь харах юм бол энэ нь боломжгүй зүйл биш мэт. Өнгөрсөн жил шигшээдээ 12 гоол оруулсан амжилтаараа домогт Раулын амжилттай зэрэгцсэн Давид , он гараад ДАШТ-н урьдчилсан шатанд зургаан тоглолт дараалан гоолдож бас нэгэн амжилт тогтоогоод буй. Телма Зара, Ладислао Кубала зэрэг домогт тоглогчдыг бутцохисон энэхүү рекордынхоо тухай Вилья ‘‘Анх хөлбөмбөг тоглож байхдаа би ийм амжилтанд хүрнэ гэж төсөөлж ч байсангүй. Үнэхээр баяртай байна. Цаашдаа энэ амжилтаа үргэлжлүүлэхийг хүсэж байна” хэмээн өгүүлжээ. Хамгийн сүүлд Вилья Тив хоорондын цомын тэмцээнд оролцож хүрэл шаахайн эзэн болсон. Хэдийгээр Испаний шигшээн ялалтын буухиа энэ тэмцээнд тасалдсан ч, Вилья байгаа цагт тэдэнд дахин рекорд тогтооход асуудалгүй бизээ.

Вилья ба Раул

Испаний хэвлэл мэдээллээр энэ хоёр тоглогчдыг харьцуулсан мэдээллүүд байнга гардаг. Ялангуяа Евро 2008-д Луйс Арагонес Раулыг гадна үлдээж , Вильяд итгэл хүлээлгэсэн нь чамгүй шуугиан дэгдээсэн. Тус тэмцээнд Вилья Раулын 7 дугаарыг зүүн тоглосон юм. Саяхан өгсөн нэгэн ярилцлагадаа Вилья ”Би хэнээс ч юуг ч булааж аваагүй. Зөвхөн өөртөө олдсон боломжыг л ашиглаж байна. Энэ номерийн тухай асуудлыг өмнө нь зөндөө л ярьсан шүү дээ. Раул бид хоёр хамт олон тоглолтонд оролцож байсан, найзууд. Тиймээс түүнийг шигшээд дуудагдахгүй байгаад намайг буруутгах нь утгагүй хэрэг. Бид одоогоор шигшээдээ 25 гоол оруулсан үзүүлэлттэй яваа. Харин Раулынх 44, бас тэр зодог тайлах болоогүй байгаа тул энэ тоо нь нэмэгдэж болно. Мэдээж хэрэг би шигшээдээ олон жил тоглож, рекордыг эвдэхийг хүсэж байна. Харин үүнийг бас нөгөө асуудалтай хутгаад эхлэв дээ” хэмээн өгүүлжээ.

Хувийн амьдрал

Найз нөхөд нь түүнийг даруухан, бүрэг ичимхий хэмээн тодорхойлдог. Магадгүй хувийн амьдралаа олонд дэлгэх дургүй нь үүнтэй нь холбоотой байх. Түүний эхнэрийг Патрисио гэдэг бөгөөд хосууд багаасаа үерхэж дотносжээ. 2005 оны 12 сарын 7-нд тэд охинтой болж Зайда хэмээн нэрлэсэн бөгөөд тун удахгүй хоёр дахь хүүхдээ өлгийдөж авахаар хүлээж байгаа аж. Вильягийн өмсдөг Адидас F50 пүүзний нэг талд охинийх нь нэр , нөгөө талд нь Испани болон Астурын далбаа байдаг аж. Вилья Porsche Cayenne загварын машин хөлөглөж давхих дуртай. Вильяг El Guaje буюу хэмээн хочилдог. Астур хэлнээс хөрвүүлбэл энэ нь ишиг гэсэн утгатай аж.
2008 оноос тэрээр Астур хүүхдүүдэд зориулсан “Doi la cara pola oficialidá” хэмээх бэлтгэлийн бааз ажиллуулж байгаа бөгөөд 6-гаас, 14 насны хүүхдүүдийг хамруулж бэлтгэл сургуулилт хийлгэн, заавар зөвлөгөө өгдөг аж.
Клубын үзүүлэлт


Image

Шигшээ багийн үзүүлэлт

Image

Цом, шагнал

Клуб

* Сарагоса - Эзэн хааны цом – 2004 , Испаний супер цом – 2004

* Валенсиа – Эзэн хааны цом – 2008

Шигшээ багт – Евро 2008 ялагч , Тив хоорондын цом 2009-Хүрэл медаль Хувийн амжилтууд * Зарра цом: 2005-06, 2006-07, 2008-09 * Валенсигийн мэргэн бууч : 2005-06, 2006-07, 2007-08, 2008-09 ,* Евро 2008 – алтан шаахай * Евро 2008- шилдэг багт багтсан * Тив хоорондын цом – 2009 хүрэл шаахай
Г.Баяраа
Il Romanista
Il Romanista
 
Posts: 7475
Joined: Mon Apr 30, 2007 4:35 pm
Location: Magica Roma !

Re: Давид Вилья !

Postby Адмирал » Fri Jul 03, 2009 11:47 pm

Good Job Bayaraa :eek:
You'll never walk alone!
User avatar
Адмирал
The Holy Goalie
 
Posts: 7347
Joined: Wed Feb 28, 2007 1:09 pm
Location: Anfield Road

Re: Давид Вилья !

Postby Мөөжө » Sat Jul 04, 2009 1:33 am

Баяраа :-D :-D
FC BARCELONA
User avatar
Мөөжө
Culé
Culé
 
Posts: 842
Joined: Sat May 17, 2008 8:38 am

Re: Давид Вилья !

Postby n1mkh1i » Sun Jul 05, 2009 1:11 am

Хэй Оол энэ мэдээ чинь Спортнеюс.мн дээр гарсан мэдээ биздээ
Image
User avatar
n1mkh1i
 
Posts: 39
Joined: Wed Jun 03, 2009 3:19 pm
Location: Estadio Santiago Bernabeu

Re: Давид Вилья !

Postby Адмирал » Sun Jul 05, 2009 1:14 am

n1mkh1i wrote:Хэй Оол энэ мэдээ чинь Спортнеюс.мн дээр гарсан мэдээ биздээ

Наад Баяраа чинь админ нь :RD
You'll never walk alone!
User avatar
Адмирал
The Holy Goalie
 
Posts: 7347
Joined: Wed Feb 28, 2007 1:09 pm
Location: Anfield Road

Re: Давид Вилья !

Postby RBK » Sun Jul 05, 2009 10:08 am

Муухай шургадаг байшд...
PRAY FOR KOBE...
User avatar
RBK
Амбан захирагч
Амбан захирагч
 
Posts: 10626
Joined: Mon Feb 13, 2006 11:42 am
Location: #24...

Re: Давид Вилья !

Postby Барнаба » Sun Jul 05, 2009 10:10 am

уулаасаа Адмирал-г шургуу Адмирал гэдэг биз дээ...
Барнаба
Legend
 
Posts: 13704
Joined: Wed Nov 12, 2008 2:16 pm

Re: Давид Вилья !

Postby RBK » Sun Jul 05, 2009 10:15 am

Шургуу хөдөлмөрч гэж үү...
PRAY FOR KOBE...
User avatar
RBK
Амбан захирагч
Амбан захирагч
 
Posts: 10626
Joined: Mon Feb 13, 2006 11:42 am
Location: #24...

Re: Давид Вилья !

Postby Blizzard » Mon Jul 06, 2009 7:40 am

Тэр бол испаний хамгийн шилдэг тоглогч :eek:
Blizzard
 
Posts: 661
Joined: Sun Sep 07, 2008 5:00 am

Re: Давид Вилья !

Postby CAHAKA » Mon Jul 06, 2009 7:23 pm

Вийяа Вилья аль нь зөв дуудлага вэ :smile: ?
User avatar
CAHAKA
Мадридиста
Мадридиста
 
Posts: 5427
Joined: Sat Apr 25, 2009 4:25 am

Re: Давид Вилья !

Postby RBK » Mon Jul 06, 2009 7:29 pm

Вильийяа...
PRAY FOR KOBE...
User avatar
RBK
Амбан захирагч
Амбан захирагч
 
Posts: 10626
Joined: Mon Feb 13, 2006 11:42 am
Location: #24...

Re: Давид Вилья !

Postby RedFury » Sat Feb 20, 2010 1:53 pm

Вийяа гайхалтай гоолын мэдрэмжтэй довтлогч. Энэ жил Ла лигийн мэргэн бууч болоосой. Месси хэдэн тоглолт өнжөөсэй :mrgreen: Дэлхийн цомоор л бэртэл гэмтэлгүй байж, олон гоолууд хийгээсэй.
User avatar
RedFury
 
Posts: 48
Joined: Fri Jan 15, 2010 12:50 pm

Re: Давид Вилья !

Postby Realist » Mon Mar 29, 2010 1:20 pm

Давид Вилья

Image

Image

Image

Image

Image

Image
1911 оны 12-р сарын 29 БОЛ УЛСАА ТУНХАГЛАСАН ӨДӨР
User avatar
Realist
Forever Madridista
 
Posts: 15742
Joined: Tue Feb 24, 2009 2:13 pm
Location: Мадрид :-) beer

Re: Давид Вилья !

Postby haka » Fri Apr 23, 2010 1:05 pm

Энэ жил бас л зарна зарахгүй гэсэн мэдээгээр зунжин булах юм бгаа биз.
Samba Kings
User avatar
haka
Kopites
Kopites
 
Posts: 3348
Joined: Tue May 15, 2007 11:04 am
Location: Улаанбаатар

Re: Давид Вилья !

Postby BLGN » Fri Apr 23, 2010 1:14 pm

Эвгүй гар даа.
Хөбөгийн фен
BLGN
Number.4
 
Posts: 2900
Joined: Tue Aug 25, 2009 3:30 pm

Re: Давид Вилья !

Postby Funky » Fri Apr 23, 2010 1:48 pm

Элдэвтэй гардаа
Интер дээр хусдаг ФК нь тасархай шд хэзээ ч мартагдахааргүй



2006-2007 оны СЛ-д Валенсиа уул нь тасархай бсан шд
16/1д Интерийг нухаж гарж ирээд 8/1 д Чэлсид Эссэйны гоалаар хожигдож байлуу
Чэлситэй тоглолтон дээр Силва бас зэрлэг гоалдож бсан тээ
One United
User avatar
Funky
Brandon Roy`s fan
Brandon Roy`s fan
 
Posts: 9588
Joined: Sun May 25, 2008 4:28 pm
Location: Theatre of Dreams

Re: Давид Вилья !

Postby RedFury » Sun May 23, 2010 1:42 pm

Манай Вийяа ингээд Барса руу явдаг юм байж. Валенсиа-д зүтгэсэн 5 жилийн 4-д нь 20+ гоол хийж байсан байна.Хэдийгээр манай шигшээгийн гол цөм нь ч гэсэн Барсаг нэг их дэмжээд байдаггүй байсан. Тэнд олон гоол оруулж, олон цом авах байхаа. Одоо Ла лигээс Барсаг бага зэрэг харахаас.
User avatar
RedFury
 
Posts: 48
Joined: Fri Jan 15, 2010 12:50 pm

Re: Давид Вилья !

Postby Уугаа » Sun May 23, 2010 7:48 pm

Image



RedFury wrote:Манай Вийяа ингээд Барса руу явдаг юм байж. Валенсиа-д зүтгэсэн 5 жилийн 4-д нь 20+ гоол хийж байсан байна.Хэдийгээр манай шигшээгийн гол цөм нь ч гэсэн Барсаг нэг их дэмжээд байдаггүй байсан. Тэнд олон гоол оруулж, олон цом авах байхаа. Одоо Ла лигээс Барсаг бага зэрэг харахаас.


Мэрэнгэ юм биз дээ :ногоон:
User avatar
Уугаа
Legendary
Legendary
 
Posts: 3186
Joined: Wed Oct 01, 2008 3:14 am

Re: Давид Вилья !

Postby Miro Klose » Mon May 24, 2010 12:31 am

Уг нь өөрөө Реалд их талтай байсан хүн дээ Барсагаас илүү.
The mentality and grandeur that this club (Real Madrid) has is different to the rest. Roberto Carlos
User avatar
Miro Klose
Мадридиста
Мадридиста
 
Posts: 4309
Joined: Sat Apr 04, 2009 9:39 pm
Location: SANTIAGO BERNABEU

Re: Давид Вилья !

Postby o_baatar316 » Mon May 24, 2010 7:28 pm

Энэ сэдэвийг манайх руу зөөгөөчээ.
User avatar
o_baatar316
БАРСА & ГОЛЛАНД ФЭН
БАРСА & ГОЛЛАНД ФЭН
 
Posts: 3550
Joined: Thu May 25, 2006 1:20 am

Re: Давид Вилья !

Postby poseidon » Tue May 25, 2010 8:50 am

За сэдвийг аваад ирсэн шүү...
:)
User avatar
poseidon
Barcino's fan
Barcino's fan
 
Posts: 6801
Joined: Fri Sep 08, 2006 9:10 am
Location: www.barca.mn

Re: Давид Вилья !

Postby Цэнгүүн » Wed Oct 20, 2010 10:37 pm

"Més que un club"
Цэнгүүн
Culé
Culé
 
Posts: 10251
Joined: Tue Sep 04, 2007 10:30 pm
Location: Wish You Were Here

Re: Давид Вилья !

Postby fcb » Thu Oct 21, 2010 9:18 am


донгосдог рэклам вэ
Өөр өөр дахин давтагдашгүй авъяасуудыг нэг хэмжүүр, нэг дүнгээр хэмжих нь утгагүй зүйл
User avatar
fcb
Culé
Culé
 
Posts: 866
Joined: Thu Oct 01, 2009 10:08 am

Re: Давид Вилья !

Postby Цэнгүүн » Thu Nov 04, 2010 8:09 pm

"Més que un club"
Цэнгүүн
Culé
Culé
 
Posts: 10251
Joined: Tue Sep 04, 2007 10:30 pm
Location: Wish You Were Here

Re: Давид Вилья !

Postby Г.Баяраа » Thu Nov 04, 2010 9:30 pm

fcb wrote:

донгосдог рэклам вэ

юугж донгосч бна
Г.Баяраа
Il Romanista
Il Romanista
 
Posts: 7475
Joined: Mon Apr 30, 2007 4:35 pm
Location: Magica Roma !

Next

Return to Олон улсын хөлбөмбөг

Who is online

Users browsing this forum: No registered users and 7 guests
cron