by Соёлоо » Mon Jul 29, 2013 9:06 pm
МОУРИНЬОГИЙН АВЪЯАСЫГ ТОРДОХ ОНЦГОЙ АРГА.
Үр нөлөөтэй, хүчирхэг баг үүсгэхээр улирлын өмнөх бэлтгэлд гүн нэвтрэн ажиллаж буй Жозе Моуриньо техниктэй, чадварлаг тоглогчдод тавьж байгаа шаардлага болон тэдэнд хэрхэн хандаж байгаагаа тайлбарлажээ.
Мань эр “Челси”-дээ 6 жилийн дараа эргэн ирж байаа бөгөөд тухайн үед тоглож байсан болон одоо тоглож буй хөлбөмбөгчдийн аль алиных нь хувьд хэнтэй учирсанаа нэвт шувт ойлгох хэрэгтэй. Нэг цохилт, нэг хууралт, ганц оновчтой дамжуулалтаар л тоглолтын хувь заяаг өөрийн талд бүрэн эргүүлэх тийм тоглогчидтой ажиллах нь “Онцгой эр”-ийн эрхэм зорилго.
Баруун Лондонд Моуриньо анхлан ирсэн үеийн тийм тоглогчдын нэг бол яах аргагүй Жо Коул мөн. Тэгэхэд Жо өөрийн хөлбөмбөгчний замнал дахь шилдэг тоглолтоо үзүүлж байсан гэдэгтэй маргах хүн эс олдох. Жо ч дасгалжуулагчийнхаа талаар хэвлэл мэдээллийн хэрэгсэлд үргэлж сайн сайхныг өгүүлдэг.
Жо Коулын тоглолтыг үзэхэд үнэхээр тааламжтай байдаг байлаа. Яагаад гэвэл түүнийг АПЛ болон Английн хөлбөмбөгийн хамгийн шилдэг, авъяаслаг тоглогч гэж бүгд хүлээн зөвшөөрч байсан юм.
Түүнийг солилцоо наймаанд оруулснаараа бид амьдралыг нь хүндрүүлчихсэн гэхэд болно. Жо ч зөвшөөрсөн. 10 дугаар гэж нэрлэгддэг, 2-3 гоолын агшин бүтээх чадалтай тоглогчийг баруун, зүүн түүш шилждэг вингер болгон хувиргасанд олон хүн алмайрсан болов уу.
Харин Жо бүхнийг гайхалтай гүйцэтгэж чадсан тул, би ч сэтгэл хангалуун үлдсэн. Ер нь ч авъяаслаг тоглогчдыг эрхлүүлдэг нь би биш. Үнэхээр л агуу юм бол бусдаас илүү ачаалалтай байх ёстой бөгөөд харин жижиг сажиг зүйлээр хөөцөлдөж, гоншигоноод байх учиргүй хэмээн Жозе Дурсан ярьжээ.
Өнгөрсөн улирлын хувьд хамгийн чухал тоглогч нь Эден Азар, Хуан Мата нар байсан гэдэгтэй хэн ч маргахгүй хэмээн Моуриньо нотолж байна.
Азар бол нуль авъяас. Харин одоо агуу авъяасаа агуу тоон үзүүлэлт болгон хувиргах хэрэгтэй. Хөлбөмбөг бол тоо, үр дүн шүү дээ. Өөрийн авъяасаа гоол, гоолын дамжуулалт, ялалтын гоол, чухал онцгой тоглолтын гоол болгох ёстой. Би түүнд туслахад бэлэн. Азар ч бэлэн байх ёстой.
Моуриньо 25 настай Матаг чин сэтгэлээсээ үнэлдэг бөгөөд клубтээ хийсэн бүхнээр нь бахархдаг гэнэ.
“Челси”-д хөгжөөн дэмжигчдийн болон тоглогчдын саналаар оны шилдэг тоглогчийг шалгаруулдаг 2 шагнал бий. Тоглогчдын саналаар оны шилдгийг тодруулдаг нь миний зохиосон зүйл. Хөгжөөн дэмжигчдэд ч, тоглогчдод ч өөр өөрийн санаа бодол бий. Клод Макелеле ч оны шилдэг болгохыг хүсч байсан үе ч надад байлаа.
Өнгөрсөн улиралд Матаг тоглогчид ч, хөгжөөн дэмжигчид ч сонгосон. Энэ бол үнэхээр хүлээн зөвшөөрөгдсөнийг харуулж буй хэрэг. Түүний талаар бодсон төлөвлөгөө надад бий. Тэр өөрийгөө нөөх илүү гаргаж ирдэгийг, хаана тоглохд хүндхэн байдгийг би мэднэ. Гэхдээ түүнд туслахын тулд л бид энд байгаа.
Баруун талтай хүн зүүн талд тоглох нь надад тааалагддаг. Роббен, Дафф нартай, Интерт Пандевтай Реалт Ди Мария, Озил нартай ажиллаж байлаа.
Азийн аялан тоглолтын үеэр Бертранд, Траоретай туршиж үзлээ. Вингерүүд төв рүү шилжих нь надад таалагддаг. Зүүн талд Азар, Мозес, Де Брюне гээд олон тоглогч байна. Баруун талд тоглож чадах цорын ганц тоглогч нь Хуан Мата. Мата довлогчийн дор ч (ард) тоглож чадна. Энэ 2 байрлалд Матагаас юу ч гарч ирж болно доо.
Би түүн шиг тоглогчдод, хэрвээ чамд бусдаас илүү авъяас байгаа бол тэднээс илүү ажиллах ёстой гэж хэлдэг.
Чадвар байвал ашиглах хэрэгтэй. Гоол оруулах, гоолын момент бүрдүүлэх зорилгоор л авъяас ур чадвараа ашиглъя гэж байгаа бол хүссэнээрээ л хий. Бөмбөгөө алдвал тэр л биз дээ, яагаад гэвэл чамд гоолдох, эсвэл момент бүрдүүлэх гэсэн зорилго бий шүү дээ.
Гэхдээ энэ бүхнийг урсгалаараа л хийх, эсвэл хагас хамгаалалтанд байхдаа хийж бөмбөгөө алдвал, улмаар хамгаалалтанд бөмбөгөө олж авч эс чадваас баг чинь гоол алдана. Харин энэ бол ноцтой асуудал.
Гэвч ийм л тоглогчид тоглолтын хувь заяаг өөрчилж чаддаг. Иймээс би тэднийг чи үүнийг хийж чадахгүй байна, түүнийг ч чадахгүй байна гэж шүүмжилдэггүй. Илүү авъяастай юм чинь хийж чадна л гэсэн үг. Тийм болохоор гоолоо хийгээд, гоолын моментоо үүсгээд л явах хэрэгтэй.
Надтай ажилласнаараа тэд өөртөө бүрэн итгэн, 1-2 тоглогчийг хуурч, хаалга хүртэл явахаар эрмэлзэх болно. Тэд бүрэн эрх чөлөөтэй байх болно. Жо Коул, Роббен, Дафф нар манайд байсан шүү дээ. Реалд ч Криштиану Роналду, Ди Мария, Озил нар байлаа. Би өөрийн тоглогчдодоо “Хэрэв чи онцгой төрсөн л бол тийм л гэсэн үг. Тэгэхээр сайхан онцгой тоглоод орхи” гэж л хэлдэг хэмээн “Онцгой эр” ярьжээ.
http://www.chelseafc.com/news-article/a ... ion-record