MICHAEL LAUDRUP нь 1964 оны 6 сарын 15ны өдөр Дани улсын Фредериксберг хотод төрсөн. Тэрээр мэргэжлийн тоглогчийнхоо карьерын туршид 8 багт тоглосон байдаг. Ингэхдээ тэрээр Сери А-гийн цомыг 1 удаа, ЛаЛигийн цомыг 5 удаа, Испаний Эзэн хааны цомыг 1, Аваргуудын Лигийн 1 цом мөн Голландын лигийн 1 цом гээд маш олон цомыг хүртсэн.
Түүний тухай Германы домогт тоглогч Beckenbauer:"
60-аад оныг Пелегийн, 70 аад оныг Круфф-н, 80 аад оныг Марадонагийн үе гэж нэрлэдэг. 1990-аад он бол яах аргагүй Лаудрупынх" гэж хэлж байсан нь түүнийг тэр үед ямархуу тоглогч байсныг илтгэнэ. Гэхдээ тэрбээр дэлхийн шилдгийг авч байгаагүй юм.
Барсад хамт тоглож байсан Пеп Гуардиола:"
Тэр хамгийн шилдэг тоглогчдын нэг. Би тэрнийг дэлхийн шилдэг болж байгаагүй гэдэгт одоо ч итгэж чаддаггүй юм."
1992 онд тэрбээр Барселонагийн хамт Барсагийн түүхэнд Аваргуудын Лигт анх удаа түрүүлэхэд түүний хувьд нэмэр ихээ.. Ёохан Круффын удирдлага дор Мөрөөдлийн баг гэж нэрлэгдсэн Барселонагийнхан Аваргуудын Лигт түрүүлээд зогсохгүй 4 жил дарааллан Ла Лигийн цомыг хүртсэн юм. 1994 оны Аваргуудын Лигийн финалд Барселона клуб АС Милантай тоглохоор болов. Барса клуб энэ үед Миланы эсрэг юу ч хийж чадалгүй 4-0р хожигдсон юм. Нэгэн сонирхолтой баримт дурдахад түүний дүү Бриан энэ үед Миланы бүрэлдэхүүнд багтаж байсан байна.
Тэр үеийн Миланы дасгалжуулагч байсан Капелло Барсаг Аваргуудын Лигт 4-0р бут ниргэж түрүүлсний дараа:"
Лаудруп бол гайхамшигтай тоглогч. Би тэрнээс л эмээж байлаа. Круффын хамгийн том алдаа нь Лаудруппыг ашиглаагүйд байгаа юм." гэжээ.
Улмаар 1994 оны зун тэрбээр Барсагийн заналт өрсөлдөгч Реал Мадрид луу шилжив.. Ирсэн анхныхаа улиралд л Лаудруп хуучин баг болох Барсагаа 5-0р хожиж шившигтэй нь хутгав.. Тэрээр энэ тоглолтын сүүлийн буюу 5 дахь гоолыг оруулсан аж.
Энэ тоглолтын Барсагийн дасгалжуулагч Ёохан Круфф:"
Лаудруп хаана тоглоно тэнд ид шидийн санаанд оромгүй зүйлс болох юм гээч. Тэр үнэхээр ухаалагч тоглогч. Одоогоор түүний түшвинд хүрэх нэг ч хөлбөмбөгчин алга."
Реалд хоёр улирлыг өнгөрөөхдөө тэрбээр нэг удаа Ла Лигийн цомыг хүртэж байжээ. Үүнийхээ дараа Японд очиж нэг жил тоглож байгаад, Аяакс луу явж, тэндээ нэг улирлыг өнгөрөөгөөд зодог тайлж байжээ.
Раул, Фигу, Ромарио зэрэг олон шилдгүүд түүнийг биширдэгээ хэлж, өөртэй нь тоглож байсан хамгийн шилдэг тоглогч гэж дүгнэж байжээ. Мөн Андрес Иньеста ч тэрнийг түүхэн дэхь шилдэг тоглогчдын нэг гэж үнэлдэгээ хэлж байсан байна.
Лаудруп нь Данийнхаа шигшээ багийг төлөөлөн 104 тоглолтонд оролцон 37 гоолыг оруулж байжээ. 2006 онд тэрбээр Данийн түүхэн дэх хамгийн шилдэг хөлбөмбөгчнөөр нэрлэгдэж байжээ.
Тоглогчийн карьер нь гайхалтай байсан Лаудрупп 2000 онд Данийн шигшээ багийн туслах дасгалжуулагчаар ажиллах болсноор түүний дасгалжуулагчийн карьер эхэлсэн байна. Мортен Олсены удирдлага дор 2 жил ажиллахдаа тэрбээр маш олон зүйлийг сурч мэдсэн талаараа өгүүлсэн байдаг. 2002 онд Данийн шигшээ баг нь Дэлхийн аваргад оролцсон бөгөөд 32т Английн шигшээд 3-0р хожигдож байсан юм. Үүний дараа Brøndby IF багаас санал ирсэн бөгөөд тэндээ 4 жил ажиллахдаа 3 ч цомыг хүртсэн байна. Ингээд 2006 онд клубтэй гэрээгээ тохирч чадаагүйн улмаас ажлаа хүлээлгэж өгөв.
Лаудруп 2007 он хүртэл 1 жилийн хугацаанд ажилгүй байсан бөгөөд 2007 оны 7 сарын 9нд албан ёсоор Испаний Ла Лигийн Хэтафе багийн дасгалжуулагч болов. Энд тэрбээр нэг жилийг үдэхдээ Эзэн хааны цомын финалд багаа аваачив. Гэвч баг нь Валенсид хожигдсон юм. Улмаар 2008 оны 5 сард ажлаа хүлээлгэж өгсөн бөгөөд Валенсиа, Бенфика, Челси, Блекбурн, Вест Хэм гээд маш олон клубээс ажлын санал ирж байв. Гэвч тэрбээр Оросын Спартак Москвагийн дасгалжуулагч болохоор шийдсэн юм. Энд тэрбээр мөн л удсангүй 1 улирал болоод Спартакыг орхив. Спартакыг орхиод 7 сарын дараа Реал Майоркагийн дасгалжуулагчаар ажиллахаар болсон бөгөөд клубынхаа эзэдтэй маргалдан мөн л нэг улирал болоод багаа орхисон юм..
2012 оны 6 сарын 15. 48 насныхаа төрсөн өдрөөр УЭЛЬСИЙН НЭР ТӨР СВОНСИ клубыг албан ёсоор дасгалжуулах болсноо зарласан юм. АМЖИЛТ ХҮСЬЕ MICHAEL LAUDRUP