"SWANSEA CITY AFC 2015/16 Уэльсийн нэр төр

[Johny]

Заза өнгөрлөө өнгөрлөө 2-0 яджыхад 10-улаа үлдэж нтр.
Гэснээс эдний зүүнд гараад байдаг Нэйл Тайлор дараа жилийн 5 сар хүртэл гэмтчихсэн юм байнашд хайран залуу...

[Mr. Karim]

dyer ч намайг сайхан хутгалаадаа.

[Dj Tuvshin]

Фантази утгаар нь аллаашд эднийхэн.....ккк

[erdene_b7]

Харин тх dyer -2 оноо гэж

[Realist]

Гоё тоглолттой баг шүү, эднүүдийг дэмжигчид яасан бэ?

[Realist]

УЭЛЬСИЙН ЦАГААН ХУН http://toimsetguul.mn/?pg=9&action=3647

[Эрхэмcfc]

Байж л байгаа шт...

[Nova]

Өө энэ Мичу жинхэнэ даам гарчихадж.. Нахисан 2 гоол нтр..

[Эрхэмcfc]

Мэргэн бууч тэргүүлээд эхлэв үү дээ...

[Төрналдо]

фантазидаа авсан чинь шууд 12 оноо нтр

[Ганбаатар]

Английн Премьер лигийн эхний хагас аль хэдийн шувтарчээ. Ингээд 19-н тойргийн дараах байдлаар багууд ямархуу тоглолт гаргав гэдгийг өөрийнхөөрөө ийнхүү дүгнэж байна. Эхний баг нь Свонси Сити...

Нэр: Свонси Сити
Дасгалжуулагч: Михаэл Лаудруп
Байр: 9
Оноо: 25
Оруулсан гоол: 27
Алдсан гоол: 23
Мэргэн бууч: Мичү (13 гоол)
Үнэлгээ: 4

Хэн хаана төрсөн, хэн хаана үүссэн, хэн ямар арьстай гаралтай нь хамаагүй зөвхөн чадвар л хамгийн гол. Үүнийг утгаар нь харуулж буй баг бол Вэльсийн нэр төрийг Премьер лигт мандуулж буй Свонси сити клуб. Тэд Вэльсийнх гээд ганцаардаагүй, тэд жижиг баг гээд томчуудаас бэргээгүй, тэд том тамирчдын хүчээр биш жижиг тамирчид, том тактикийн хүчээр энэ улирлыг амжилттай үргэлжлүүлж байна. Ингээд тэдний талаар хийсэн өчүүхэн дүгнэлтээ хүргэе.

Хамгаалалт

Нэйл Тэйлор улирлын эхэнд бэртэл авснаар хамгаалалт илт суларсан. Гэвч хэд хэдэн тоглолт өнгөрсний дараа оронд гарсан тамирчинтай бусад тамирчид нийлж хамгаалалт эргээд сэргэсэн. Гэвч Тэйлорын оронд гараанд гарсан Бэн Дэвис төдийлөн сайн тоглолтыг үзүүлж чадахгүй байгаа. Жишээ нь Тоттэнхэм, Манчэстэр Юнайтэд хоёр дээр алддаг нэг нэг гоол хоёулаа Бэн Дэвисээс болж орсон. Тоттэнхэм дээр дутуу мөргөж улмаар Вэртонгэн түүнийг гоол болгосон. Булангийн цохилтон дээр Эвраг хамгаалж байсан нь бас л Бэн Дэвис байсан юм. Харин түүний алдааг засч залруулж байсан гавьяатнууд бол Испаниас ирсэн шинэ цэрэг Чико болон Вэльсийн ахлагч Эшли Вилльямс нар. Бусад багуудын гоол алдах хамгийн том шалтгаан нь өөрсдөө байсан. Арсэнал Вэрмалэнгийн хийтэй тоглолтоо, Юнайтэд Фэрдинандын хариуцлагагүй байдлаас гэх мэт. Харин Свонсид тийм зүйл байдаггүй нь хамгийн том давуу тал. Чико Эшли Вилльямс нар хийгүй тоглолтыг үзүүлж чаддаг учраас Свонсигийн гоолууд өөрсдөөс нь шалтгаалах хувь тун багатай байдаг. Мөн биеийн хүч болон агаарын тоглолт сайн. Ойлголцол ч гойд сайн байсан тул төвийн шугам улам л нягт болж байсан. Үүнийг Манчэстэр Юнайтэд болон Тоттэнхэмтэй хийсэн тоглолтоос харж болно. Мөн сүүлд Ридинг дээр ч Чико тун сайн байсан. Баруун жигүүрээс Анхэл Ранхэл довтолгоо сайн дэмждэг бас нэгэн давуу тал болж байгаа. Мөн түүнийг бэртсэний дараа оронд нь гараанд гарсан Тиендалли ч тун давгүй тоглож байсан. Хаалгачийн тал дээр ч Свонси асуудалгүй байлаа. Хаалгач Ворм улирлын эхэнд өөрийгөө маш сайн харуулж байсан ч Ситигийн эсрэг тоглолтонд бэртсэн. Улмаар Трэммэл түнийг үүргийг өөр дээр авсан. Харин тэрээр Лаудрупийн итгэлийг дааж Вормыг сайн орлосон. Гэхдээ Норвичтой хийсэн тоглолтон дээр Трэммэлийн оронд Ворм байсан бол тэр тоглолтоос 3 оноо авахыг үгүйсгэх газаргүй байв.

Хагас хамгаалалт

Свонсигийн хамгийн шилдэг хэсэг бол хагас хамгаалалтын шугам. Бриттон, Дэ Гузман, Ки Су Ён, Дайер, Пабло, Рүүтлэдж нарын хагас хамгаалагчдыг магтахгүй байхын аргагүй. Бүгд жигд тоглолтыг үзүүлсэн. Энэ тоглогчид Свонсигийн энэ улирлын эхний хагасын гол амин сүнс нь болж чадсан. Дээрээс нь улирлын эхэнд хагас хамгаалалтанд тоглож байсан Мичүг нэмбэл бүр ч гайхалтай болж ирнэ. Зуны солилцоо наймааны цонхоор Гилфи Сигурдсон(зээлээр авсан байсан), Жо Аллэн, Скотт Синклэр гэх мэтийн шилдэг залуучуудаа явуулснаар Свонсигийн хүч эрс суларна гэж ихэнх мэргэжилтнүүд үзэж байсан. Гэвч Свонси цус сэлбэлтийг дээд түвшинд хийж чадсан. Тэдний оронд ирсэн тоглогчид тэднээс илүү гарах уу гэхээс дутахгүй. Свонсигийн бүх довтолгоо Ки, Бриттон нараас эхлэнэ. Бриттон тулгуурын хагас хамгаалагчийн үүргээр тоглох бөгөөд бүх дамжуулалт эндээс эхлэнэ. Ки Су Ён түүний арай урд байрлана. Ки Су Ён-оос алсын аюултай цохилтууд орж ирдэг. Түүнээс гадна Бриттоныг бодвол хамгаалалт довтолгоонд аль алинд нь жигд. Гүйлтийн тэсвэр өндөртэй. 90 минут ядралт авалгүйгээр тоглож чаддаг давуу талтай. Энэ хоёрын гол сул тал нь нуруу бие. Хоёулаа жижиг биетэй. Тиймээс төвийн шугаманд хамгаалалт илт сулардаг.Тиймээс зарим үед энэ хоёрыг цуг гаргахгүй байсан. Манчэстэр Юнайтэдтай хийсэн тоглолтонд нуруугаа өндөрсгөх гэж Агустинийг Ки-гийн оронд гаргаснаас үүнийг харж болно. Бриттон Ки нараас эхэлсэн довтолгоо Дэ Гузманаар дамжина. Гузман энэ хоёр тоглогчийн урд байрлах бөгөөд ардаас ирсэн дамжуулалтуудыг эцсийн довтолгоо болгож төгсгөх ёстой. Тиймээс ихэнх довтолгоо Бриттон Ки-гээс эхэлж Гузманаар дамжиж Мичү, Рүүтлэдж, Дайер нараар төгсөж байсан. Гузман ардаас ирсэн бөмбөгийг шууд Мичү рүү гаргах эсвэл хоёр жигүүр лүү Рүүтлэдж, Дайер нар луу гаргадаг. Үндсэндээ довтолгооны эхлэлийг тулгуурын хоёр хагас хамгаалагч гаргаж өгөөд Гузман төгсгөлийн шийдвэрийг гаргадаг гэж хэлж болно. Дэ Гузман довтолгооны хагас хамгаалагчийн байрлалаас хоёр жигүүр лүү гарч гүйх чадвартай. Нэг ёсондоо Свонсигийн хамгийн уян хатан тоглолттой нь Гузман байсан. Дайер ур чадвар сайтай, хурдтай боловч толгой ажиллуулах тал дээр дэндүү тааруу. Олон шийдвэрдүүд дундаас дандаа бурууг нь гаргаж багт дандаа халтай үйлдлүүдийг гаргаж байсан. Гэхдээ тэр үйлдлүүдээс зөвийг нь хийчихвэл довтолгоо маш үр дүнтэй болж байсан. Тиймээс ч Паблог бэртэлгүй үед Дайер сэлгээнд сууж байсан. Дайер мөн хариуцлага тааруутай. Эвэртон дээр сэлгээнээс гарж ирээд улаан авч баг хөөдсөн, Манчэстэр Юнайтэдтай тоглосон том тоглолтон дээр маш их буруу шийдвэрүүдийг гаргаж багт сөрөг нөлөө үзүүлж байсан. Багаар сэтгэж, багаар тоглож буй нөхцөлд дандаа хувь характэраа гаргаж алдаж байсан. Харин чадварын хувьд Свонсигийн хамгийн өндөр чадвартай нь байх боломжтой. Испанийн лигээс Пабло Эрнандэзийг авчирсан нь нэг талаараа маш зөв шийдвэр болсон. Хоёр жигүүрээр гоцлон тоглолт хийдэг л тамирчид тоглож байсан бол Пабло ирснээр нэг талаар нь мэдрэмж давамгайлсан тамирчин гүйх болсон. Дайерийг бодвол зөв шийдвэр, олон төрлийн хувилбарт довтолгоонтой. Ур чадвар Дайераас муу ч цохилт дамжуулалтын тэхник хамаагүй илүү нь харагдсан. Хэрэв Пабло бэртээгүй бол сүүлийн том тоглолтууд дээр яаж тоглох байсан нь нууц хэвээр. Рүүтлэдж хурдтай ч Дайераасаа ур чадвар арай тааруу. Гэхдээ толгой ажиллах тал дээр илүү. Тиймээс Лаудруп Рүүтлэджийг илүүд үздэг. Мөн илүү тайван ч тоглодог. Жигүүрээс олон янзын аюултай дамжуулалтыг өгдөг нь түүний бас нэгэн давуу тал байсан.

Довтолгоо

Улирлын эхэнд хагас хамгаалагчаар тоглож байсан Мичү довтлогчоор тоглосон нь илүү үр дүнтэй байсан. Бусдаар бол Свонсигийн довтлогчид энэ улирлын эхэнд тийм ч өнгөтэй байсангүй. Мичү ирснээр Дэнни Грэмийн байр суурь ганхаж улмаар бэртлийг авснаар гарааны эрх бүр мөсөн үгүй болсон. Свонсигийн тамирчдын чадвар, довтолгооных хурд хүч улам нэмэгдсэнээр Грэмийн чадвар түүнд гологдож ирсэн. Мөн Итэй Шэхтэр хэмээх залууг Свонси зээлээр авснаар Грэмийн үлгэр домог болж хувирсан. Одоо зөвхөн сэлгээгээр орж ирээд өөрийгөө харуулах нь түүний ганц сонголт болоод байна. Дээрээс нь Люк Мур үр дүнтэй тоглолтыг үзүүлж байгаа. Богино минутанд хамгийн сайн өөрийгөө харуулж байгаа нь Люк л байсан. Гэхдээ Свонсигийн гол ярианы сэдэв нь эдгээр довтлогчид биш 30 саяын үнэ хүрээд байгаа Мичү л байсан. Улирлын эхэнд хэн ч эхний хагасын байдлаар дэлхийн ноймор нэг лигийн мэргэн буучдын жагсаалтыг Райо Валлэкано хэмээх Ла лигийн жижиг багаас ирсэн тамирчин тэргүүлнэ гэж бодоогүй. Одоо гэтэл дэлхий даяар түүнийг гайхан биширч буй. Хувьд чадвар тэхник тийм сайн биш ч байрлал эзлэх, давхрын тоглолт, цохилтын тэхник, сугарч гарах чадвар, гоолын мэдрэмж хэн хүнээс илүү хүн бол Мичү л болчихоод байна. Свонсигийн хагасуудын гаргасан пассуудыг хайр найргүй ашиглаж буй. Свонсигийн довтлогчдын нэр нүүрийг авч гарч буй ганц хүн нь ийнхүү Мичү хэмээх хагас хамгаалагч нь болж таарав.

Дасгалжуулагч

Барсэлона, Реал Мадрид клубүүдэд гялалзаж явсан Данийн домогт тамирчин дасгалжуулагчийн хувиар хэн ямархуу эрхэм болохыг улирлын өмнө хэн ч таамаглаж чадахгүй байв. Өмнө нь Мальорка Хэтафэ клубыг дасгалжуулаад өндөр амжилтыг үзүүлж чадаагүй Лаудрупд Свонсигийнхэн ч бага найдвар тавиж байлаа. Онооны хувьд 25 хэдий ч тоглолтын хувьд 30 байлаа гэсэн дүгнэлтийг багийн эзэн Лаудрупд өгсөн нь энэ эрхэмийн амжилтыг тодорхойлж буй. Барсэлона клубд хэрэглэгддэг тотал хөлбөмбөгийг Свонси клуб хэрэгжүүлж буй нь Премьер лигийг чимж буй. Мөн дээрээс нь өөрийн удирдлаган дор байсан Дэ Гузман, Чико, Пабло нарыг авчирсан нь түүнд ажиллахад бүр ч амар болж ирсэн. Свонсигийн довтолгоог маш сайн зохион байгуулж чадаж байгаа. Дээрээс нь хамгаалалтыг сүүлийн тоглолтуудад маш сайн болгож чадсанаа Тоттэнхэмтэй хийсэн тоглолтон дээр харуулсан. Анхнаасаа л талбай дээр хамгаалах зорилготой гарч ирэн үүргээ ягштал биелүүлсэн. Довтолгооны чиглэлийн багийг ийм сайн хамгаална гэж хэн ч санаагүй. Гэхдээ эцсийн мөчид нэг гоолыг алдсан. Манчэстэр Юнайтэд дээр хамгаалсан хувилбарыг явуулаагүй ч хамгаалалтаа нягт байлгаж чадсанаар нэмж гоол алдалгүй тэнцэж тэргүүлэгчдээс тэнцээ салгасан анхны баг болсон. Хамгаалалт довтолгоог аль альныг нь маш уран гоёоор гаргаж ирж буй мэргэжилтэн нь яахын аргагүй Михаэл Ладруп байлаа.

Өвлийн солилцоо наймаа

Одоогийн байдлаар Свонси ямар нэг тоглогчийг худалдан авна гэсэн яриаг гаргаагүй байна. Өнгөрсөн улиралд өвлийн наймаагаар Хоффенхайм клубээс Сигурдсоныг зээлээр авсан нь үр дүнгээ маш их өгсөн. Магадгүй тэд ямар нэг тоглогч зээлээр авж болох юм. Харин алдах тал дээр тэд багийн лидэр Мичүгээ алдаж магадгүй байдалтай байгаа. Түүнийг олон багууд авахаар сонирхож байгаа. Гэсэн хэдий боловч Лаудруп түүний үнийг дор хаяж 30 сая гэсэн нь Мичүг багаас явах магадлалыг багасгасан.

Статистик
Премьер лигт шууд бус чөлөөт цохилтоос хамгийн их гоол алдсан баг нь Свонси (6-н гоол)

Манчэстэр Юнайтэд, Ливэрпүүл,Чэлси, Арсэнал, Тоттэнхэм, Манчэстэр Сити гэсэн 6-н том багтай тоглохдоо ердөө 4-хөн гоолыг л алдсан.

Манчэстэр Юнайтэд багтай энэ улиралд тэнцсэн цорын ганц баг нь Свонси. Свонси 1:1 Манчэстэр Юнайтэд

27 гоол эхний хагасын байдлаар оруулаад байгаагийн 8-ийг нь л эхний хагасад оруулсан. 19 гоолыг нь тоглолтын хоёрдугаар хагасд оруулсан.

Өнгөрсөн жил Свонсигийн мэргэн буучаар Дэнни Грэм 38-н тоглолтын дараа 12 гоолтойгоор шалгарч бсан бол энэ улиралд тэр амжилтыг Мичү 15 тоглосны дараагаар эвдсэн...

Дараа дараагийн багуудыг цувралаар хүргэх болно.

Нийтлэлийг бичсэн: Э.ГАНБААТАР

[PrOXy]

свонсигийн мичүг шилдэг наймаа болсон гээд хаа сайгүй л бичиж байна даа.

коентрау - 30 сая
ван перси - 29
сильва - 28
мата - 27
суарес - 26
ибра - 21
касорла - 20
өзил - 18
кавани - 12
мичү - 2 сая

ферги саяхан ярьсан байсан.... би мичүг свонсид ирсэн хойно нь л мэдэж авсан. өмнө нь ерөөсөө сонсч байгаагүйдээ маш их гайхсан. магадгүй манай скаутууд муу ажиллаж байгааг илтэж байна гээд л... уг нь өнгөрсөн жил райо-д балалсан гар шт. лав л мадридын эсрэг гоолдоод байсан санагдаж байна. тэр тоглолтонд баг нь ч хожил байгуулсан даа.. ингээд л пл-ийнхэний их зан харагдаж байгаамд.

[amplE_eB]

энэ баг ч гол тоглогчидоосоо л явуулчихгүй л бол томчуудад их гай болно доо

[nandin_cole]

Кi сүүлийн 2 тоглолтонд хожигдож явхад 16 дотор тэнцээний гоолын ассист хаячлаа ... ер нь хаалга руу цохиж байхыг нь харсангүй ... уул нь стандарт цохиолт, цохилтын техник их өндөртэй тоглогч доо ... дандаа л дамжуулалт хийж харагдахын ...

[Энэрэл]

Ганбаатар
Ойрд ерөөсөө форумд орох нь битгий хэл премьер лигийн тоглолтыг ч үзэх завгүй явна. Свонси маань яаж тоглож байгааг ч мэдэх юм алга.
Мичуг анх ирэхэд нь бол нээх ингээд баллана өгнө гэж яаж мэдэхэв. Үнэхээр нүдээ олсон супер наймаа.

[Энэрэл]

Осасуна клубээс 25настай Бельги хагас хамгаалагч Роланд Ламахыг 18 сарын хугацаатай зээлж тоглуулахаар болсон байна.. Зээллэгийн хугацаа 2014оны зун дуусна. Ламах нь Зааны Ясан Эрэгт төрсөн бөгөөд Бельгийн шигшээд харъяалагддаг. Бельгийн шигшээ багийн төлөө 5 тоглолтонд оролцсон. Бельги, Нидерланд, Франц, Испаний багуудад тоглож байсан туршлагатай тоглогч маань 14 дугаарын эзэн болсон байна.. АМЖИЛТ ХҮСЬЕ залуу минь

[Эрхэмcfc]

Зиа бас нэг Бельги залуу...
тоглолтыг нь хараад авъя байз...

[Цогоо]

Angel Rangel - хамгаалагч

Энэ залуу сая тав дахь өдөр эхнэртэйгээ цуг гадуур явж орон гэргүй хүмүүст хоол түгээсэн гэнэ. Бургер хийдэг газар илүү гарсан бургерээ хаях гэж байгаа гэхэд нь эхнэр нь тэгж хаяж байхаар худалдаж аваад орон гэргүй хүмүүст тараая гэсэн санал гаргасныг нь дэмжээд твиттерээр хүмүүсээс хаана аваачиж өгвөл болох бол гэж асууж.

[tt_muk_18]

Ki гэдэг бас нэг таамаглаагүй од гараад ирвээ. Яасан олон ассист вэ

[BuG]

Ки мундаг юм билээ... хараа сайтай...

[erdene_b7]

Энэ залуу сая тав дахь өдөр эхнэртэйгээ цуг гадуур явж орон гэргүй хүмүүст хоол түгээсэн гэнэ. Бургер хийдэг газар илүү гарсан бургерээ хаях гэж байгаа гэхэд нь эхнэр нь тэгж хаяж байхаар худалдаж аваад орон гэргүй хүмүүст тараая гэсэн санал гаргасныг нь дэмжээд твиттерээр хүмүүсээс хаана аваачиж өгвөл болох бол гэж асууж.

Монголд гэж бичив үү

[Цогоо]

Биш биш. Уэлссдээ.

[tt_muk_18]

Энэ залуу сая тав дахь өдөр эхнэртэйгээ цуг гадуур явж орон гэргүй хүмүүст хоол түгээсэн гэнэ. Бургер хийдэг газар илүү гарсан бургерээ хаях гэж байгаа гэхэд нь эхнэр нь тэгж хаяж байхаар худалдаж аваад орон гэргүй хүмүүст тараая гэсэн санал гаргасныг нь дэмжээд твиттерээр хүмүүсээс хаана аваачиж өгвөл болох бол гэж асууж.

Монголд гэж бичив үү

[kayo]

ПЛ-с сүүлийн үед эднийхийг их харж байгаа, жинхэнэ испани тоглолт үзүүлж байгаа баг даа, гоё довтолгоотой баг.

[Жавхаа]

http://www.dailymail.co.uk/sport/footba ... USIVE.html

Овоо гар байна даа хэхэ