FC JUVENTUS: Era Sarriball 2019-2020

[El Payaso]

Ирэх Верона, Брешиа, СПАЛ гэсэн 3 жижиг багийн хаалгыг мялаахад л болно.

Верона юу болов?

[Kro]

Баталгаатайм бодоод тавьсан овоо алдсан. Арай ч дээ.

[El Payaso]

Верона энэ жил сайн байгаа юм билээ. Томчуулаас дан оноо салгасан байсан. Хэдэн тойргийн өмнө Лациотой тэнцсэн. Энэ жил сериа а овоо сонирхолтой болж байна.

[El Payaso]

Ингэж байгаад Лацио түрүүлчихгүй байх даа. Уг нь Европ болон цомдоо мултарсан Интер, Юве хоёрын хажууд тайван тоглох боломжтой юм даа.

[ТӨӨГӨӨ]

Баталгаатайм бодоод тавьсан овоо алдсан. Арай ч дээ.

Хаха Ювэгийн эвэй тоглолт дээр тавихаа больсон шдээ. Ер нь алдаад бгаа

[Gooner]

ramseyg jiih ged tiim muu bgaamuu gemteltei bgaamuuu

Сарригийн наймаа биш болохоор гаргахгүй байх шиг байгаа юм.
Ер нь Ювэ түрүү жилээсээ оруулж байгаа гоол, үр дүнгүүд таг эсрэгээрээ байгаад байх шиг байна шдээ, дөнгөн данган 2-1 гэсэн тоо их харагдахым, Сарри-болл ганцхан Наполид үр дүнгээ өгөв үү дээ.

[Forza Juve]

Роналду 10 дахь тоглолтондоо дарааллаж гоолдлоо.... Манайхан харин 2 сонин гоол алдсан, хэтэрхий хайнга байсан гэсэн шүүмжлэлүүд байна. Тэрийг нөхөж харна аа. Энэ улиралд хагас хамгаалалтаас гоол хийсэн тохиолдол гарын 10 хуруунд багтаад, 2020 он гарснаас хойш Роналду багийн бараг бүх гоолыг хийж байна гэсэн сул талууд байна.

Энэ улиралд 3 хожигдсоны хувьд Лациод бол яалт ч үгүй л хусуулсан, Наполи, Веронад бол өөрсдөөсөө, хичээгүйгээс болж л хусуулсан.

Кьеллини ирээд жаал хамгаалалт тогтворжих байх, Пьяанич энэ улиралд муу байна аа... Сарригийн арга барилд дасахгүй болохгүй байна уу.

Сарри өдийг хүртэл баахан л гарааны 11-ын туршилт хийлээ.... яг улирлын эгзэгтэй, шийдвэрлэх үе эхлэх гэж байна... яах юм байгаа юм харж л байя. Сарригийн арга барилд сайн зүйлс ч байна, муу зүйлс ч байна. Нөхрийн шид Европын тэмцээнд харагдах байх гэсэн бяцхан ажиглалт байгаа, тэрийг хэр үнэн байхыг 3 сарын дотор мэднэ.

Манайх хожигдоод, Интер, Лацио хожоод сүүлийн 8 жилд байгаагүйгээр Сери А-гийн аваргын өрсөлдөөнийг сонирхолтой болгож байна. Скудетто бол халаасанд байх ёстойгоо Сарри мэдэж байгаа байлгүй. Скудетто бол өрсөлдөгч нар гэхээс манайхны өөрсдөөс л шалтгаалах зүйл л дээ. Өөрсдөө л хичээвэл болно.

[Forza Juve]

Шчеснигийн гэрээг 2024 он хүртэл сунгалаа. Цалин 4 саяаас 7 болгосон сураг байна.

[Forza Juve]

Аллианзтай Цэнгэлдэхийн нэр, бэлтгэлийн хувцас, эмэгтэйчүүдийн багийг ивээн тэтгэлт зэрэг дээр 2030 хүртэл нийт 103,1 сая еврогийн гэрээг шинэчлэн хийжээ.

2021/2022-2022/2023 он хүртэл жилийн 4,1 сая, 2022/2023-2027/2028 хүртэл жилийн 16,2 сая, сүүлийн 2 жилд 14,7 сая гэсэн нөхцөлтэй юм байна.

[someone]

Хаанд юу тохиолдоо вэ? Өнөөдөр яагаад сэлгээнд ч байсангүйв?

[Forza Juve]

Брешиаг нутаг дээрээ хүлээн авч хожлоо. Брешиагийн нэг тоглогч хөөгдөөд бүр ч амар болголоо. Роналдуг өнөөдрийн тоглолтонд оролцуулахгүй амраасан. Брешиагийн хувьд Тонали гэх мэт арай гайгүй тоглогчид нь талбайд гарч амжсангүй.

Тоглолтын хувьд хүн илүү болсон тул баахан шон цохиж, довтолсон ч гоол 2-оос дээш гарсангүй ээ. Дибала Роналдугийн байрыг аваад чухал хожил байгууллаа. Нөгөө талд Лацио талбай дээрээ Интерийг хусаад манай араас 1 онооны дутуу нэхэж байна.

Сая Наполи, Веронад зочлон тоглолтонд хожигдоод, цомын тэмцээнд Миланд нэлээд дээрэлхүүлээд Сарри нэлээд өөрчлөлт хийлээ. 4:3:3-д Рамсейг меццала буюу төвийн 3 хагас хамгаалагчийн нэгээр гаргаж, нөхөр довтолгоо дэмжиж, нэлээд урагшаа тоглолоо.... өмнө нь 2 довтлогчийн ард гаргаж туршаад байсан, Сарри бодлоо өөрчилсөн болтой. Өмнө нь Бернардескиг ингэж тоглуулна гэж байсан. Коста улирал эхэлснээс хойш байнга гэмтээд байгаа тул довтолгоонд Роналду, Игуайн, Дибала 3 л байгаад, хувилбаргүй шахам болоод байсан тул Куадрадог буцаан жигүүрийн довтолгооны байрлалд тоглуулсан, Куадрадог ч хэргээ гаргаж гоолдсон, ерөнхийдөө ингэхнэ ээ..

Төвд энэ улирал муу нэртэй байгаа Пьяаничийг амрааж, Бентанкурыг хамгаалагчдын урд төвийн хагас хамгаалагчаар тоглуулсан, дажгүй тоглолоо.... сүүлд Пьяаничийг гаргаж ирсэн ч гэмтээд суучихлаа... СПАЛ, Лион энэ тэртэй хийх тоглолтонд гарахгүй байж магадгүй юм.

Кьеллини маань гэмтлээс эргэн ирж, сүүлийн 10 гаруй минут сэлгээгээр орж ирж тоглолоо.

[Forza Juve]

Манай 23 хүртэл насны баг Сери С-д тоглож байгаа. Өнгөрсөн Ням гаригт Сери С-гийн А хэсгийг тасархай тэргүүлж байгаа Берлусконигийн Монза багтай талбай дээр нь тоглож, 2:1-ээр хожжээ. 1 гоол эхлээд алдаж эхэлсэн ч 2 гоол нөхөж оруулж хожлоо. Хожлын 2 гоолыг Монзагаас Дани Моттагаар сольж зээлээр асан Марчи 2 торгуулийн цохилтоос оруулсан байна.

Ювентус 23 баг дан 23-аас доош насны залуусаас бүрдсэн, 34 настай Марчиг сая авсан нь хэрэг боллоо... 1-2 туршлагатай хүн хэрэгтэй ч юм шиг. Сери Б рүү шалгарахын төлөө тоглолт хийх боломжтойгоор хүснэгтийн 11-д 2-р байрын багаас 10 онооны хоцроттой явж байна.

Залуус бас Сери С-гийн Италийн цомын аваргын төлөөх шигшээ тоглолтонд Тернана багтай 3, 4-р сард 2 тоглолт хийж цом авах эсэхээ шийдэх юм байна.

[Forza Juve]

Дортмунд Жаныг шууд жинхлэхээр болжээ. 26 саяаар авч байна.

[Forza Juve]

Пьяаничийн гэмтэл гайгүй гэнэ ээ.

[Forza Juve]

Сарри улирлын шийдвэрлэх үед чухал тоглолтуудад ингэж тоглохоор болсон гэсэн мэдээ гараад байна. Сарри Наполид байхдаа Мертенсийг 9 дээр гаргаад нээсэн шиг Дибалаг 9 дээр тоглуулна, дахиж 2 довтлогчийн 1 эсвэл жигүүр, эсвэл АМ дээр гаргахгүй л гэнэ. Игуайн улирлын эхний хагаст дажгүй байсан ч сүүлийн үед үзэгдсэнгүй, зун явуулах биз.

Урд яах аргагүй довтолгоо дээр Коста байнга гэмтээд, Бернардески олигтой биш, Сарригийн арга барилд идээшихгүй, Игуайн сулраад хувилбаргүй болсон байсан.

[Forza Juve]

Хедира гэмтлээс эргэн иржээ. Өвөл шинэ тоглогч авчирсан шиг л санагдаж байна

[Forza Juve]

СПАЛ-ийн талбайд зочлоод ээлжит хожлоо авлаа. 10 хоног амраад орж ирсэн Роналду 1000 клубын гишүүн болж, 11 тоглолт дарааллан гоолдсон Сери А-гийн бүх цаг үеийн рекордтой зэрэгцэн ирлээ. Өнгөрсөн улиралд Роналду Сери А-д 21 гоол хийж байсан бол энэ улиралд 21-ыг хийчихээд байна даа.

Кьеллини маань гараанд гарч 55 минут тоглож, Рамсей төвийн 3 хагас хамгаалагчийн меццаладаа, Куадрадо баруун жигүүртээ гарчээ. Рамсейгийн хувьд хүсэж байсан байрлалдаа тоглож, тоглолт нь гарч эхэлж байна. Эхний гоолыг эхлүүлж, 2 дахь гоолыг хийсэн.

Дараагийн тойрогт Интерийг талбай дээрээ хүлээн авна, хожих хэрэгтэй, Роналду ч рекорд тогтоох чин хүсэл байгаа биз

[Forza Juve]

Лионд талбай дээр нь хусууллаа. Их л муу тоглосон гэнэ. Манайхан нэг л болохгүй байна даа. Яавал ч зүгээр юм.... хариу тоглолтонд учраа сайн ололцохгүй бол ч....

Сарригийн Европын тэмцээнд хожигдоогүй гэсэн цуврал зогслоо. Тэр нь ч зүгээр биз. Нэг дохио байх хэрэгтэй. Лионыхон Де Лигтийг толгойдоо гэмтэл аваад цус энэ тэрээ садруулаад талбайн гадна тусламж авч байхад сэргэлэнтэж, сул талыг ашиглаж гоолдсон байна.

[Forza Juve]

Ювентус - Интер тоглолт үзэгчидгүй болохоор болжээ. Интерийнхэнд л тааламжтай болох нь ээ.... өнгөрсөн тойрогт тоглоогүй 1 тойрог амарсан, үзэгчидгүй гээд л ккк. Манайхан Лионы хожигдлын дараа бас анхаарах байлгүй дээ.

[Барнаба]

Италид харин вирусын дэгдэлт асар өндөр байна, нэмээд Франц, Герман, Испани гээд бусад орнууддаа халдаагаад эхэллээ.

Гэснээс танайх ер нь нэг тийм эвлэж өгдөггүй хэрнээ үнэтэй бүрэлдэхүүнтэй л болчихсон санагдаад байгаам даа. Салагнаж байгаад ЧЛ-д нухуулаад, лиг-ээ Интэр-т алдах вий дээ.

[Forza Juve]

Матиудигийн гэрээг 1 жилээр сунгажээ.

Коста, Хедира нар багийнхантайгаа бэлтгэлээ хийгээд эхэлжээ.

Энэ байдлаараа Пьяанич гарааны 11-ээс хасагдаж, Хедира, Бентанкур, Рамсей гэх маягаар гаргаж магадгүй л гэнэ.

[Forza Juve]

Улирлын хамгийн фэнүүдийн анхаарлыг татсан энэ 7 хоногын тоглолт болох Интерийг талбай дээрээ хүлээн авах тоглолт 5-р сарын 13 хүртэл буюу 35 болон 36-р тойргийн тоглолтуудын хооронд болохоор хойшлогдлоо. Ингэж хойшлогдсоноор улирлын төгсгөлийг ихээхэн сонирхолтой болгох нь ээ.

Энэ 7 хоногт болоод Интер хожигдсон бол нөхдүүд Скудетто уралдаанаас хасагдах эрсдэлтэй гэж шигшээн дасгалжуулагч Манчини хэлсэн ч тийм эрсдэл хүлээн зүйл хойшлогдлоо.

Ингээд Интерийн сүүлийн 2 лигийн тоглолт хойшиллоо... Улирлын эцэст Европа лигтээ тоглож байвал ихээхэн ачаалалтай болохоор байна. Контэ өмнө АЛ-ын лигээс хэсгээс гараагүй хасагдаад, Европа лигт багаа удирдсан боловч Ювентусийн цэнгэлдэх хүрээлэнд болсон шигшээ тоглолтонд шалгарч чадаагүй хагас шигшээд Бенфикад хожигдоод хасагдаж байсан. Үүнээс хойш Ювентусын фэнүүд ерөнхийдөө нөхрийг дахин дасгалжуулагчаар авахад эсрэг саналтай болсон. Нөхөр энэ улиралд Европа лигт сайн үзэж, өөрийгөө Европд сайн үздэг гэдгээ үзүүлэх, үнэлгээгээ өсгөх хэрэгтэй л байгаа байх даа.

Манайхан энэ удаа амраад ирэх 7 хоногын дундуур Миланыг Италийн цомын хагас шигшээн хариу тоглолтонд талбайдаа хүлээн авна. Энэ хүртэл Лионы эсрэг муу тоглосны алдаагаа засаад, дахин зохион байгуулагдах хугацаа гарч ирлээ. Сарриг ч бас жаал ивээгээд л байна ккк.... Сая бас Интерт хусуулбал нөхрийг хална гэсэн үнэн худал шуум яваад байсан

[Villa_Bayaraa]

Танайх андер-23-н тоглогчдоо бүгдийг нь ажиглалтад оруулжээ дээ... Танай андер-23-тай тоглосон Сери С лигийн нэг багийн тамирчнаас ковид-19 илэрсэн гэсэн... хэрвээ андер-23-аас чинь илэрвэл харин ёстой эвгүй байдал үүсэх нь дээ...

[Forza Juve]

Харин тэгсэн байна лээ. Залуучуудын баг бэлтгэл энэ тэрээ үндсэн багийн бэлтгэлийн талбайгаас болиод улирлын эхний бэлтгэл хийдэг талбай буюу Виново руу шилжсэн байна.

Одоо энэ тоглолт цуцлагдах энэ тэргүй жаал жигдрээсэй... бүр болохгүй бол хаалттай нөхцөлд ч гэсэн тоглоод.... тэгэхгүй бол цуцлагдаад байвал улирлын аварга тодрохгүй, дуусах гээд байна шүү ккк.

[Forza Juve]

2019/2020 оны наймааны ашиг 85,46 сая евро болсон байна. Саяын өвлийн цонхоор л гэхэд 23,5 саяыг хийжээ.