“С1” телевизийн спортын албанд
гомдол гаргах нь:
Бид Монголын нийт Арсеналын фанатуудын өмнөөс энэхүү гомдлыг бичиж байна. Танай телевиз Европын хөлбөмбөгийн хамгийн нэр хүндтэй тэмцээн буюу “Аваргуудын Лиг”-ийг Монголдоо албан ёсоор гаргаж байгаа нь сайшаалтай. Гэвч шууд тоглолтыг тайлбарлаж буй тайлбарлагч Балжиннямын зүгээс дараах алдаа дутагдлыг гаргаж байна:
1. Хэт нэг талыг барьж хөлбөмбөгийг тайлбарлаж байна
2. Өөрийн дэмждэггүй багуудыг “доош нь хийж” доромжилж байна
3.Үзэгчдийг үл хүндэтгэж байна.
Дээрх зөрчлүүд удаа дараа давтагдсан бөгөөд хамгийн сүүлийн жишээ гэхэд 2011 оны 10-р сарын 20-ны шөнө Марсель – Арсенал тоглолтод тайлбарлагч Балжинням хэт нэг талыг барьж тайлбарлан, улмаар Арсеналын фанатуудыг үл хүндэтгэн, Арсенал клубын тухай сайн мэдэхгүй хэрнээ нэр төрийг унагахаар олон зүйлийг хэлсэн. Жишээ нь “Арсенал бол аваргуудын лигийн шилдэг 32-т л ордог баг”, Фабрегас, Насригаа явуулчаад Артета, Бенаёонг авсан нь ёстой **н** шийдвэр гэх мэт. Мөн 19 настай жигүүрийн хамгаалагч Карл Женкинсон гэдэг залуу тоглогчийг элдэв муугаар хэлж байсан. Ийнхүү билиг танхай авирлаж хүссэн болгоноо хэлж байсан нь спортын тайлбарлагч хүнд байж болохгүй зүйл билээ.
Мэдээж хэн ч дэмждэг багийнхаа муулахыг зүгээр сонсоод танай нэвтрүүлгийг үзээд суухгүй нь ойлгомжтой шүү дээ. Тайлбарлагч Балжиннямын энэхүү хариуцлагагүй байдлаас болж “С1” телевизийн спортын албаны нэр хүндэд сөргөөр нөлөөлж байна.
Монголын Арсеналын хөгжөөн дэмжигчдийн нээлттэй групп-н зүгээс тайлбарлагч Балжиннямд дараах арга хэмжээг авч өгөхийг шаардаж байна.
1. Балжинням хэмээх тайлбарлагчийг Аваргуудын Лигийн дараагийн тойргийн тоглолтод Арсеналын нийт хөгжөөн дэмжигчдээс уучлалт гуйх
2. Аливаа тоглолтыг хэт нэг талыг барьж тайлбарлахгүй байлгах.
3. Үзэгчдийг хүндэтгэж ажиллах.
Монголын Арсеналын хөгжөөн дэмжигчдийн Фэйсбүүк дэх нээлттэй группын гишүүд.
Facebook.com/Монголын их буучид гэсэн группээр бидэнтэй харилцана уу
http://www.facebook.com/groups/206599686047312/гэсэн гомдол гаргаж бгаан бна..