Posted: Thu Jan 04, 2007 12:14 pmooooyoyoyo bi aman huzuudtsen baisht. Bas bolj l bna. 5 sanal aiin. Medsen bol uuruu uurtuu 1 sanal ugdug baij. 
Za buh shildeguuddee bayar hurgeye!!!
Za buh shildeguuddee bayar hurgeye!!!
Исинбаева, Федерер нар “Оны шилдэг”
Олон улсын спортын стэгүүлчдийн холбоо (AIPS) 2006 оны спортын шилдгүүдийг дөрвөн номинациар тодруулахаар зарласан санал асуулгынхаа дүнг гаргажээ. Шилдэг эрэгтэй тамирчнаар Швейцарийн теннисчин Рожер Федерер шалгарлаа.
Тэрбээр сүүлийн жилүүдэд теннисний ногоон талбайд үнэхээр дархлагдаад байгаа бөгөөд энэ жил “Их дуулга”-ын дөрвөн цувралын гуравт нь тэргүүлсэн билээ. Федерер шилдгээр хоёр дахь жилээ дараалан шалгарч байна.
Түүний удаад 2006 оны Европын болон дэлхийн шилдэг хөлбөмбөгчний шагналыг хүртээд байгаа Италийн шигшээ багийн ахлагч, Испанийн “Мадрид” багийн хамгаалагч Фабио Каннаваро орсон байна.
Эмэгтэйчүүдээс тэргүүн тамирчны алдрыг ОХУ-ын тулгууртай харайлтын тамирчин, олимп дэлхийн аварга Елена Исинбаева хүртлээ.
Тэрбээр өнгөрсөн жил бараг л оролцсон тэмцээн болгондоо түрүүлсэн бөгөөд Шведийн Гётеборгт болсон Европын хөнгөн атлетикийн аварга шалгаруулах тэмцээнд түрүүлснийг нь онцолж үзэж болно. Учир нь Елена Европын дэвжээнд анх удаа аваргалсан нь тэр юм.
Энэ номинацийн шилдэг тавд Бельгийн теннисчин Жюстин Энен-Арденн, Хорватын уулын цаначин Яница Костелич, Францын усанд сэлэгч Лора Маноду, Францын теннисчин Амели Моресмо нар багтжээ.
“Шилдэг баг” гэсэн номинацид өнгөрсөн жил Германд хөлбөмбөгийн дэлхийн аварга цолыг дөрөв дэхээ хүртсэн Италийн хөлбөмбөгийн шигшээ баг тэргүүлжээ.
Дэлхийн аварга шалгаруулах тэмцээн эхлэхийн өмнө Италийг түрүүлнэ гэхэд итгэх хүн цөөн байсан болов уу. Улсад нь хөлбөмбөг тойрсон авлигын хэрэг “мандсан” нь шигшээ багийнхныг тэмцээнд сайтар бэлтгэх боломжийг нь үгүй хийж байв. Гэвч тэд гайхамшгийг үзүүлж, хагас шигшээд эзэн орны баг Германыг нэмэлт цагт, шигшээ тоглолтод Францыг 11 метрийн торгуулийн цохилтоор ялсан билээ.
Хоёрт Бразилийн волейболын шигшээ баг орж. Тэд сүүлийн жилүүдэд дэлхийн шилдэг баг гэдгээ байнга нотолж байгаа бөгөөд оны өмнөхөн Японд болсон дэлхийн аварга шалгаруулах тэмцээнд бүх өрсөлдөгчдөөсөө хол тасархай тоглолт үзүүлэн аваргалсан. Гуравт багтсан Испанийн хөлбөмбөгийн “Барселона” багийн амжилтыг ч зүй ёсоор үнэлэх учиртай. Тэд өнгөрсөн жил Аваргуудын лигт манлайлсан билээ.
2006 оны хөлбөмбөгийн дэлхийн аварга шшалгаруулах тэмцээн шалгаруулалтын нэг гол сэдэв байсан бололтой.
“Хэвлэлийнхэнд хамгийн таатай нөхцөл бүрдүүлсэн тэмцээн” гэсэн номинацид GERMANY-2006 тэргүүлсэн байна. Тэмцээнийг зохион байгуулагчид тус оронд ирсэн сэтгүүлч, жуулчдад гэртээ байгаа мэт сэтгэгдэл төрүүлэхүйц нөхцөлийг бүрдүүлэхээр хичээн чармайсныг тэндээс ирсэн хүн бүр өгүүлж байсан билээ.
AIPS-ийн санал асуулгын дүн:
“Шилдэг эрэгтэй тамирчин” (19хүн өрсөлдсөн)
1. Рожер Федерер (Швейцарь, теннис)
2. Фабио Каннаваро (Итали, хөлбөмбөг)
3. Фернандо Алонсо (Испани, Формула-1)
4. Асафа Пауэлл (Ямайк, хөнгөн атлетик)
5. Тайгер Вүүдс (АНУ, гольф)
“Шилдэг эмэгтэй тамирчин” (13 хүн өрсөлдсөн)
1. Елена Исинбаева (ОХУ, хөнгөн атлетик)
2. Жюстин Энен-Арденн (Франц, теннис)
3. Яница Костелич (Хорват, уулын цана)
4. Лора Маноду (Франц, усанд сэлэлт)
5. Амели Моресмо (Франц, теннис)
“Шилдэг баг” (16 баг өрсөлдсөн)
1. Италийн хөлбөмбөгийн шигшээ баг
2. Бразилийн эрэгтэйчүүдийн волейболын
шигшээ баг
3. Испанийн хөлбөмбөгийн “Барселона”
клуб
4. Испанийн сагсан бөмбөгийн
эрэгтэйчүүдийн шигшээ баг
5. Шведийн хоккейн эрэгтэйчүүдийн —
шигшээ баг
“Хэвлэлийнхэнд хамгийн таатай нөхцөл бүрдүүлсэн тэмцээн” (9 нэр дэвшигчтэй)
1. Германд болсон хөлбөмбөгийн дэлхийн аварга шалгаруулах тэмцээн
2. Италийн Туриний өвлийн олимпийн наадам
3. Английн Лондонд болсон теннисний Wimbledon
4. Катарын Доха хотноо болсон Азийн наадам
5. Английн хөлбөмбөгийн “Арсенал” клубийн “Emirates” цэнгэлдэх
Дашрамд тэмдэглэхэд Монголын спортын сэтгүүлчдийн холбооноос сэтгүүлчдээ зохион байгуулан энэ санал асуулгад оролцсон бөгөөд манайхны санал ихэнхдээ “байндаа тусчээ”.
