Чэлси багын маань хамгийн шилдэг, мөн английн премьер лигийн түүхэн дэх хамгийн шилдэг /Кантоны хамт/ дасгалжуулагчаар тодроод буй Жозе Мориногийн тухай илүү дутуу хачир оруулахгүйгээр дэлгэрэнгүй танилцуулахаар бэлдсэнээ толилуулъя. Алдаа эндэлтэй, нуршуу, найрууллагагүй аваас өршөөн болгоогоорой. Чадан ядан бичлээ.
ЖОЗЕ МОРИНО /МОУРИНО ч гэдэг нь зөв байж магад, би дуудлагаараа зөв байх гэж бодов/
JOSE MOURIHNO
Born: January 26, 1963
Birthplace: Setubal, Portugal
Previous Clubs: FC Porto, Uniao de Leiria, Benfica
Honours: Champions League: 2004; UEFA Cup: 2003; English Championship: 2005; English League Cup: 2005; FA Community Shield: 2005; Portuguese Championship: 2003, 2004; Portuguese Cup: 2003
Роман Аврамовичийн удирдлага доорх Чэлси бүх байрлалдаа шилдэг тоглогчдыг , ялангуйяа тэднийг удирдаж чадах хүнийг авахыг хүсэж байсан билээ......
Өөрийгөө тодорхойлсноор бол Морино “Тусгай нэгэн”. Энгийн нэгэн орчуулагчаас дэлхийн хамгийн баян клубын алдартай дасгалжуулагч болсон түүний энэ амжилтын зам солирын хурд шиг богино байгаагүй юм.
Аав Феликс Португалын үндэсний багын хаалгач байсныг үл харгалзвал Жозе залуу наснаасаа мэргэжлийн болон энгийн хөлбөмбөг ер тоглож байгаагүй бөгөөд дасгалжуулагчийн карьерд анхаарлаа хандуулж байв.
1992 онд Бобби Робсоны удирдлага дор Спортинг Лиспон багт нэгдүгээр зэргийн туслах ажилтанаар томилогдохоосоо өмнө Эстрела Амадора, Виториа Сэтубал зэрэг багуудаг доод зэргийн гүйцэтгэх /туслах төдий/ ажилтан байжээ.
Эхэндээ Робсоны орчуулагч байсан боловч яваандаа зөвхөн орчуулгаас илүү олон ажилд нь орж туслах болжээ. Жозе энэ үеээс л сэтгэл зүрхээ хөлбөмбөгт булаалгаж бүх л анхаарал, сэтгэл зүрхээ багын ажилд зориулж байсан бөгөөд Бобби Робсон ч нэгдүгээр багтай холбоотой илүү их үүрэг хариуцлагыг Жозед даалгах болсон юм.
Удалгүй өөрийн тактикийн арга барилаа ч олж эхэлсэн бөгөөд улмаар сургалт, дасгал гэх мэт багын ажилд илүү оролцох болжээ.
Морино Робсоны анхаарлыг төвөггүй татсан бөгөөд, нэгэн өдөр энэ Жозе энэ ажлыг топ хэмжээнд хийнэ гэдгийг Робсон мэдэрсэн гэдэг. Робсон “Юу намайг гайхшруулсан вэ гэхээр Жозе бол хөлбөмбөгийн сурагч байсан нь юм, тэр маш ухаалаг, урамтай, зоримог, дээр маш хурдан суралцдаг байсан. Тэр хэзээ ч надад ерөнхий дасгалжуулагч болмоор байна гэж хэлж байгаагүй ч нэгэн өдөр тэр хөлбөмбөгт өөрийн зам мөрөө гаргах болно гэдгийг би мэдэрдэг байлаа. Тэр өөрийн авъяас чадвартаа үнэхээр итгэлтэй байсан юм.” хэмээжээ.
1993 онд Робсон Порторуу шилжихдээ өөрийн сайн найз хамтран зүтгэгчээр түүнийг авсан нь гайхмаар зүйл биш байлаа. Ингэж Жозе түүний туслах дасгалжуулагч болсоноор тэр 2-ын хослол эхэлжээ. Портод байсан 3 жилийн хугацаанд тэд 2 удаа лигийн аврага болсон байна.
1996 онд Робсон-Морино хослол Барсалонед шилжиж ирлээ. Тэд Испаний Цом /1997 болон 1998 онуудад/, Европын Цомын Аврагуудын Цом 1997 онд тус тус авчээ. Хэдий тийм боловч Ноу-Кэмп энэ 2-ын хослолын сүүлчийн шат байсан аж.
Робсон 1998 онд ПСВ Эйндховенээс ирсэн татгалзах аргагүй сайхан саналыг хүлээн авч харин Жозе өөрийн багшийг даган шинэ клубруу явахын оронд Барсад үлдэн, шинэ менежер Луйс Ван Гаалын удирдлаган доор өөрийн боломжийг хүлээхээр шийдлээ. Гэвч төд удалгүй Ван Гаалтай таараагүй учраас ажилаа орхиход хүрсэн бөгөөд эргэж Аяаксыг ялж амжилт дүүрэн яваа хостойгоо нэгдэх гэсэн нь амжилтгүй болов..
Морино анхны бүрэн менежерийн суудалд очиход удаан хүлээгээгүй бөгөөд тэрээр 2000 онд Бэнфикагийн боссоор томилогдлоо. Гэвч ТУЗ-ийн хурал дээр гарсан асуудлаас болж түүний шинэ карьер нь тун богинохон насалсан бөгөөд дөнгөж 9 тоглолт хийжээ.
Энэ үед түүнд Португалын 3 том /Спортинг, Порто, Бэнфика/ багуудын нэгэнд очих боломж байсан боловч туршлага нь аль ч баг түүнийг таалахад хүргэсэнгүй.
Ингээд Морино хэсэг хугацаанд ажилгүй байсан бөгөөд харин 2001 онд өөрийн олон жилийн өрсөлдөгч Юниао Дэ Лейриа клубт очсоноор тус клубыг лигидээ 4т оруулж , Европт гаргаж өгчээ.
Порто 2002-2003 оны улиралыг тааруухан эхлэснээр залуу менежерт авъяасыг нь сорих санал ирсэн бөгөөд тэд Жозед амжилт тааруу яваа багаа эхний 3-т оруулах шаардлагыг тавьжээ.
Тэрээр энэхүү саналыг хүлээн авч авъяаслаг багтайгаа лигийнхээ аврага болж анхны бүрэн улиралаа гайхамшигтай үджээ.
Жозе багаа жигд, хүчирхэг, өвөрмөц довтлогоотойгоор /тухайлбал Деко / сайтар зохион байгуулсан байсан бөгөөд лигийнхээ аврага, цомын аврага болж, мөн Мартин О”Нэйлийн Сэлтикийг хожиж УЭФА цомын финалд гайхалтай ялалтуудыг хийв.
Энэхүү амжилт нь Европ даяар дуурсагдаж, түүний нэр хүндийг өндөрт өргөсөн бөгөөд Тоттенхам Эстадио Дэл Драгогоос түүнийг авах саналыг тавьж байсан байна.
Гэвч Эрэлхэг Моринод Портотой хамт дуусгаагүй ажил байсан бөгөөд түүнийгээ Аврагуудын Лигийг авах хэмээн тайлбарлаж байлаа.
2003/04 улиралд тэрээр мөн амжилттай ажиллаж лигийн аваргаа баталсан төдийгүй бүр Монаког 3-0 -оор хожиж Аврагуудын Лигийн аврага болсноор гайхамшигыг үзүүлсэн билээ.
АЛ-ийн финал хүртэлх тэдний аялалд Манчестер Юнайтедийг эс тооцвол хялбар учраанууд таарсан бөгөөд тэр үед Фергусон Морино 2 муудалцаж маргаанд хүрсэн байна. Ингэж тэр 2- ын зөрчилдөөн тэр үеээс эхэлсэн байдаг.
2004 оны 5 сард Чэлси Мориног урьсан бөгөөд тэрээр Портотойгоо цаашид явах, эсвэл Европын хамгийн том боломжыг олгож буй /үүн дотор цалин ч орно/ багтай очих сонголтын өмнө тулгарав.
.................үргэлжлэл бийййййййййй......