by Мэргэн » Mon Nov 18, 2013 11:08 pm
Phil Jackson-ийг Zen Master хэмээн хочилдгийг мэдэхгүй хүн байхгүй бизээ. Ийнхүү хочилсон нь зүгээр ч нэг тохиолдол биш бөгөөд бурхан багшийн сургаалыг ашиглаж тоглогчдоо хүмүүжүүлж, сургадаг байсантай нь холбоотой юм. Zen Master-ийн сургаалаас:
Товчхондоо Будда амьдралыг зовлон, харин тэр зовлонгийн шалтгаан нь бид аливааг байх ёстойгоос өөр байлгах гэсэн хүсэл юм гэж заадаг. Нэг хоромд биднийхээр дараагийн хоромд биднийхээр биш. Бид зовлонгоос татгалзаж баяр жаргалыг удаашруулах гэж оролдохдоо зовдог. Сайн нь гэвэл Будда их хүслийг болон зовлонг арилгах дараах “ журамт 8 хэсгээс бүрдсэн зам” –ыг заасан байдаг. Тэдгээр алхмууд нь зөв үзэл, зөв бодол , зөв яриа, зөв үйлдэл, зөв амьдрал , зөв хичээл зүтгэл, зөв сэрэмжлэл, зөв төвлөрөл юм. Энэхүү сургаал нь бидэнд сагсан бөмбөгийн баг ямар арга барилаар тоглохыг хичээх нь зүйтэйг тайлбарлахад туслана.
1. Зөв үзэл – тоглолтыг бүхэлд нь харан, түүнд оролцож, багаараа гарын таван хуруу шиг ажиллах;
2. Зөв бодол – өөрийгөө хувь тоглогч гэхээсээ илүү тогтолцооны нэг хэсэг гэж үзэх. Түүнчлэн тоглолт бүрт түүнд оролцож байгаа бүх хүнтэй холбогдсон болохоор бүхлийг бүрдүүлж буй бүхэнтэй шууд холбогдох зорилготой байх;
3. Зөв яриа – Энэ нь хоёр хэсэгтэй. Нэгдүгээрт тоглолтын туршид өөртэйгөө эерэгээр ярилцаж, утгагүй хариу үйлдэлд замаа алдахгүй байх юм. (би энэ шүүгчийг үзэн ядаж байна. Энэ новшид хариуг нь өгнө дөө гэх мэт) Хоёрдугаарт бусадтай ялангуяа багийнхантайгаа харилцаж байхдаа өөрийгөө удирдаж, тэдэнд эерэг хариу үйлдэл үзүүлэхэд анхаарах;
4. Зөв үйлдэл – багийн эв нэгдлийг бусниулах эсвэл өөрийгөө дөвийлгөсөн үйлдэл байн байн гаргахын оронд талбай дээр болж буй үйл явдалд тохирсон алхмыг хийх;
5. Зөв амьдрах хэрэгсэл – хийж буй ажлаа хүндлэхийн тулд биеэ өргөмжлөх зангаа тордохоос илүү харилцаагаа сэргээхэд түүнийгээ ашигла. Даруухан бай. Чи үнэхээр хялбархан зүйлсийг хийснийхээ төлөө инээд хүрмээр их мөнгө авч байна. Тэгээд хөгжилд;
6. Зөв хичээл зүтгэл – ажлаа гүйцээхийн тулд амиаталгүйгээр тунг нь тааруулсан эрч хүч гаргах гэсэн үг. Text Winter хэлэхдээ ““эрчимтэй үйл ажиллагааг орлох зүйл байхгүй. Дээрээс нь чи эрч хүчтэй ажиллахгүй бол тоглоомноос гарна” гэсэн байдаг;
7. Зөв болгоомжлол – тоглолт бүрт өрсөлдөгчөөс ямар цохилт ирэхийг тооцоолохын зэрэгцээ өөрсдийнхөө дайралт хийх төлөвлөгөөг тов тодорхой ойлгож оролцох. Энэ нь талбай дээр эсвэл сэлгээнд сууж байсан ч тоглолтын турш тогтмол зөв цагтаа, зөв үйлдэл хийж, нягт нямбай байх хэрэгтэй гэсэн үг.
8. Зөв төвлөрөл – хором бүрт хийж буй зүйлдээ анхаарлаа төвлөрүүлж, өнгөрсөнд хийсэн алдаа эсвэл ирээдүйд тохиож болзошгүй таагүй зүйлст автагдахгүй байх.