by gremlin » Thu Jul 13, 2017 12:33 pm
2017 оны драфтын өдөр "Тэр манай хотын сагсан бөмбөгийг аварсан" гэсэн гарчигтай нийтлэл гарсан. Калум Мкдийн
Нийтлэл нь Гарнэттийн тухай байсан.
1. Бэлтгэр
1975 оноос хойш ахлах сургуулийн сурагчид ҮСБХ шууд ороод амжилт үзүүлж чадахгүй гэсэн үзэл скаутууд, сэтгүүлчидийн дунд бэхжсэн байсан үе. Олон учир шалтгаан дурдаж болох ч энд шалтгаануудыг тоочих нь ач холбогдолгүй биз.
1974 онд НБА -ийн гол өрсөлдөгч АБА-ийн Юта Старс баг ахлах сургуулийн од Мөзиз Мэлоуныг драфтаар авсан юм. Тэр хамгийн анхны ахлах сургуулиасаа шууд мэргэжлийн багт орсон тоглогч байлаа. Тэрээр карийртаа 3 удаагийн улирлын үнэ цэнэтэй тоглогч, 12 удаагийн бүх одод, АБА 7, НБА-ийн 1, удаагийн аварга, холбооны шилдэг 50 тоглогчийн нэг, Алдрын танхимийн гишүүн тоглогч болсон юм.
М.Мэлоуноос бусад нь тийм амжилттай байж чадаагүй тул ахлах сургуулийн тоглогчийг драфтаар авалгүй удаад байсан юм.
Гэвч 1995 оны драфтийн өдөр Минэсотагийн чононууд эрсдэл хийж 5-р сонголтоороо Фарагутийн акадэми ахлах сургуулийн од Кэвин Гарнэт гэх 18 настай туранхай хүүг сонгож сагсан бөмбөг сонирхогчдыг ангайлгасан юм. Тухайн үед ҮСБХ-д шинээр орж ирээд удаагүй байсан баг /1989 онд байгуулагдсан/-ийн хувьд байж боломгүй муу сонголт шиг санагдаж байсан даа. Багийн ордоны дүүрэлт заримдаа 50 хувь ч хүрдэггүй байсан тэр үед шинэ уур амьсгал, итгэл найдвар, гэрэл гэгээ хэрэгтэй байсан юмдаг. Тэр бүхнийг 18 настай ахлах сургуулийн сурагчид даатгана гэдэг галзуурал байсан юм.
Эхний улиралдаа 1995-1996 оны улирал эхлэхэд КЖ маань сэлгээний тоглогч байлаа. Гэтэл удалгүй баг дасгалжуулагчаа сольж БИлл Блэйрийг Флип Сондэрсоор орлуулахаар болсон юм. Энэ үеэс л КЖ гараанд гарах нь эхсэж тоглолт нь ч бага багаар сайжирсан юм. Өөртээ итгэлтэй ч болж эхлэсэн. 10 оноо 6 самбар, 2 дамжуулалттай улирлаа дуусгаж рүүки нарын 2-р багт нэрлэгдсэн юм. Баг тэр үед багийн лийдэр, онооны машин Том Гуглиотаг явуулж КЖ-ээр орлуулах шийдвэрээ хэдийн гаргачихсан байсан гэдэг. Эхний 2 улиралдаа жижиг довтлогчийн байрлалд ихэвчлэн тоглож ҮСБХ-ний шилдэг жигүүрийн тоглогч нарыг хамгаалж байсан юм.
2. Сүргийн чоно
1996-1997 оны улирлаас эхэлж тэрээр сүргийн анчин чононуудын нэг болж эхэлсэн юм. Улирал эхлэхээс өмнө баг Стэфон Марбури гэх холбогчийг авсанаар залуухан яахаас ч буцахгүй цонон сүрэг бүрдэж эхэлсэн юм. Тухайн улиралд КЖ-ийн гарааны эрх баталгаажиж бусад багууд ч түүнийг бага багаар тусгайлан судалж эхэлсэн гэдэг. Таргэт ордоны үзэгчид аамжаар нэмэгдэж зарим тоглолтонд бүр дүүрдэг болсон байлаа. Тэр үеэс л эхэлж багийн эзэд түүнийг ордон дүүргэх гол зэвсэгээ болгож эхлэсэнээр түүний "Том тасалбар" хоч үүссэн түүхтэй. 2дохь улирал гэхэд түүний дундаж үзүүлэлтүүд эрс нэмэгдэж 17 оноо 8 самбар, 3,7 дамжуулалт, 2,1 хаалт, 1,7 таслалт дундажилж эхэлсэн юм. Тал бүрийн тоглолттой болж эхэлж байлаа.
3. Альфа эрэгчин
1997-2007 оны хооронд Ахлах сургуулиас орж ирсэн 18 настай туранхай хүүхдээс 30 настай эр боллоо. Энэ хооронд тэр бүх цаг үеийн гэж хэлж болохоор олон амжилтыг тогтоогоод байсан юм.
Сүргийн чоно байсаны хүү 1999-2000 оны улирлаас эхэлж жинхэнэ АЛЬФА эрэгчин болж хотоо ч биш ҮСБХ-г байлдан дагуулж эхэлсэн юм.
Тухайн үеийн хүчний товтлогчид нэгэн хэвийн тоглолттой байсаныг шинэ шатанд гаргаж хамгаалах хэцүү нэгэн болоод байсан юм шүү.
Ордоны тайлбарыг сонсоход" КЖ эсрэг багийн төвийн тоглогчийг хамгаалж байна, бөмбөгийг нь тасаллаа хурдан довтолгоонд орлоо дамжууллаа 2 оноо, КЖ эсрэг багийн холбон тоглогчийг хамгаалж байна хаалт хийлээ одоо тэрээр холбон тоглогчоор тоглож байна дамжууллаа буцааж авлаа эсрэг багийн самбарын тоглогчийн эсрэг шахаж байна 2 оноо. Ийм тайлбар л ордонд явдаг байлаа. Тэр бүгдийг хийдэг байсан юм. Намайг худлаа яриад байна гэж бодож байж магадгүй. Тэгвэл: 20 оноо 10 самбар, 5 дамжуулалтыг 6 өөр улиралд дунджилсан ганц тоглогч. 20 оноо 9 самбар 4 дамжуулалтыг 8 өөр улиралд дунджилсан бас л ганц тоглогч, 20 оноо 10 самбар 5 дамжуулалт, 1.5 хаалт 1,5 таслалтыг 6 өөр улиралд дунджилсан бас л ганц тоглогч. Бүх цаг үеийн хамгийн шилдэг хүчний тоглогч биш гэж үү? дараа энэ талаар дурьдана.
4. Домогт саарал
Түүний Бостонд нэгдэх болсонд хүмүүс гуниглаж байсан ч ихэнх нь баярлаж байсан юм. Шинээр очсон багтаа очоод л шууд нөлөөгөө үзүүлж хэрхэн хамгаалж чададгаа батлаж Шилдэг хамгаалан тоглогч болсон юм. Мэдээж гол АВарга. Бостонг түрүүлж байх мөчид өөр нэг хотод бас аваргын баяр энд тэндгүй л болж байлаа. Минэсотагийн хувьд КЖ бол ДОМОГТ АЗАРГАН ЧОНО үүрд байх болно. Түүнийг карийрийн төгсгөлд гэртээ буцаж ирэхэд би хүүхдүүдээсээ ч ичэлгүй цурхиран уйлсан.
ТЭР БОЛ БҮХЭЛ БҮТЭН ХОТЫГ АМЬДРАЛЫГ үүрд өөрчилсэн гавьяатай нэгэн. Магадгүй бид Брайнт Рийвзийг 1995 онд авчихсан байсан бол өдийд Минэсотагийн чононууд гэж баг энэ лийгт байхгүй байсан байх. Мөн одоогийн Гризлисийг Ванкоувэр хотод нь харах нь тодорхой байсан буй за.
Өсөхөөс сурсан үндэсний хэл Мартаж болохгүй соёл