Холбоо болон ТэмцээнүүдХолбооноос Рэтинг тогтоох тэмцээнүүд-ДАШТ
-Английн АШТ
-Гранд Прикс
-Вэлшийн нээлттэй тэмцээн
-Хятадын нээлттэй тэмцээн
-Шанхай Мастэрс
Бусад том тэмцээнүүд-Мастэрс
-Мастэрс куалифаир
-Премиер Лиг
-Жиангсү Классик
Снүүкэрийн цуврал тэмцээн
Дэлхийн Мэргэжлийн Биллиард, Снүүкэрийн Холбоо (ДМБСХ буюу бидний хэлж заншсанаар бол Снүүкэрийн Холбоо) нь 1968 онд Мэргэжлийн Биллиардчдын Холбоо нэртэйгээр үүсч байсан.
Мэргэжлийн Снүүкэрийн тоглогчид нь Дэлхийн Снүүкэрийн Рэтинг тогтоох тэмцээнүүдэд оролцох бөгөөд Рэтингийн оноо цуглуулж өмнөх 2 улиралд цуглуулсан оноог нь харгалзаж Рэтинг тогтоодог байна. Тоглогчдын Рэтинг нь тэдний ямар хэмжээний тоглогч болохыг батлан харуулдаг. Элит түвшний тоглогчдыг Рэтинг ийн Шилдэг 16 дотор нэр нь бичигдэх тоглогчдыг хэлэх ба ямар ч тэмцээнд эхний шатны шалгаруулалтгүйгээр оролцох эрхтэй байдаг байна. Рэтингд эхний 96 тоглогчыг жагсааж нэрлэх ба тэдний 64 нь өмнөх 2 улиралд үзүүлсэн амжилтаараа хамгийн өндөр оноог авсан тоглогчид, 8 нь дээрх 64 тоглогчоос гадна сүүлийн улиралд өндөр оноо авсан тоглогчид бөгөөд үдсэн 8 нь сүүлийн улиралын Понтиний ОУ ын Нээлттэй тэмцээнд амжилт үзүүлсэн болон бусад Бүс Нутгийн томоохон тэмцээн уралдаанд амжилт гаргасан тоглогчидоос багтаан Рэтингийг бэлддэг.
Мэргэжлийн Снүүкэрийн хамгийн том тэмцээн бол яах аргагүй ДАШТ билээ.
Уг тэмцээн нь 1927 оноос хойш жил бүр зохиогдох болсон бөгөөд Дэлхийн 2р дайны үед болон 1958 аас 1963 оны хооронд болоогүй байна. Тэмцээн нь 1977 оноос эхлэн Английн Шэффилд хотын Крусибл Театрт болж, 1976 аас 2005 он хүртэл Эмбасси албан ёсны ивээн тэтгэгч байв. 2005 оноос эхлэн Англид тамхи үйлдвэрлэгч байгууллагуудыг ямар нэг спортын тэмцээн уралдаан, багийг ивээн тэтгэхийг хориглох болсноор ДАШТ албан ёсны ивээн тэтгэгч хайх шаардлагатай болсон байна. Харин 2006 оны 1р сард 2006-10 оны хооронд Снүүкэрийн ДАШТ ыг 888.com хэмээх онлайн Касино ивээн тэтгэхээр болсныг зарласан юм. 3 жилийн дараа уг байгууллагатай хийсэн гэрээ цуцлагдасаны улмаас ивээн тэтгэгч дахин өөрчлөгдөж одоогийн байдлаар BetFred.com эл тэмцээнийг ивээн тэтгэж байгаа ба гэрээний дагуу цаашид 4 жил ивээн тэтгэх ёстой байна.
ДАШТ ын аварга болох нь үнэхээр гайхалтай байх нь мэдээж бас мэргэжлийн Снүүкэрийн хамгийн өндөр шагнал болох 250000 Паунд ч шагналын нэг хэсэг нь болдог. Тэмцээнийг Англид BBC болон Европд Евроспорт зурагтаар нэвтрүүлэх эрхтэй байдаг байна.
Үүний дараа орох гол том тэмцээнүүд нь Рэтингийн оноо цуглуулах тэмцээнүүд байдаг. Учир нь тоглогчид уг тэмцээнүүдээс Рэтингийн оноо цуглуулах боломжтой ба уг оноо тэднийг дараа жил том тэмцээнүүдэд эхний шатны шалгаруулалтгүйгээр оролцох, урилгаар оролцох зэрэгт чухал ач холбогдолтой.
ДАШТын дараа орох том тэмцээн гэвэл Английн АШТ тэмцээнийг нэрлэж болно. Харин үүний дараа бусад урилгын тэмцээн орох ба үүнд Рэтинг өндөртэй тоглогчид урилгаар оролцдог. Ийм том тэмцээний нэг нь Мастэрс ба шагнал нь ч томд тооцогддог.
Телевизээр нэвтрүүлхэд хэтэрхий удаан сунжирсан тоглолт нь бас уйтгартай байсан бөгөөд Мачрүүм Спортын Ерөнхийлөгч Барри Хэрний санаачлагаар хугацаатай тэмцээнүүдийг зохиох болсон байна. Богино хугацаатай Снүүкэрийн Премиер Лиг ийг зохион байгуулах болж Дэлхийн хамгийн өндөр Рэтинг тэй байгаа 8 тоглогчыг урилгаар оролцуулдаг болсон байна. Тоглогчидод нэг цохилт хийх ердөө 25 хан хором байх ба маш цөөн удаа завсарлага авах эрхтэй байдаг байна.