by Nomer 10 » Fri Jun 22, 2018 6:38 pm
Сампаоли 3 өөрчлөлт хийжээ. Гэхдээ Павон алга. Далич харин төвийн аймаар бүс дээрээ нэмээд Интерийн Брозовичийг зоож. Хорватын энэ голдоо 5 тоглогчтой үздэг схем бузгай шүү. Хэрийн довтолгоо нэвтрэхгүй дээ. Испани, Франц 2 л ойролцоо үзэх бх. Аргентин энэ бул хар чулуутай үзэхээр 3-4-3 гэсэн системийг сонгожээ.
Месси бөөрөнхий бөмбөрцөг тойроод 99 өөр цэнгэлдэхэд гоолдож үзсэн гэж бгаа. Өмнөх тоглолтод 100 дахиа чадаагүй. Энэ удаа Нижный Новгородод чадах болуу.
Цэнхэр өнгө давамгайлсан стадионд тоглолтыг шүүхээр нөгөө узбек шүүгч зогсож блаа. Сүүлийн дэлхийн аваргуудаар тэрнийг үзэгчид хардаг болчоод бгаа.
Том тоглолтыг деталчлаад бичих гоё байдийн. Гэхдээ цаг бага тул бусад тойм шигээ үечлий даа.
Эхний үед 2 талаас 1 1 боломж алдсан. Мессид бөмбөг очих замыг нөгөө айхтар хагасууд чинь аймаар хаасан. Маш их алдаатай ширүүн тоглолт болж блаа. Шүүгч гараа халаас руугаа явуулахаас цааргалаад л. Уг нь ийм тоглолтыг эрт гартаа авахгүй бол хяналтаас гарах гээд бдаг. Хорватын прэссинг Албисэлэстэг үнэхээр гаванд байлгаж чадсан шүү.
Тоглолт нь болж өгөхгүй байхаар тоглогчид нь улам ч нервтээд л. Отамэнди 2 энгийн алдаа ойрхон гаргав. Угаасаа ч тэд коучтай юутайгаа бүтэн багаараа маш их нервтэй блаа.
2р үе харин европчуудын бүрэн давамгайлал дор өрнөсөн. Сэлгээгээр орж ирээд зүүнээс нэг пасс хаясан Игуаины бөмбөгийг эс тооцвол энэ бөөрөнхий шир Хорватын мэдэлд бүрэн байсаар шүгэл дуугарсан.
53 дахь минутад шигшээдээ 3хан тоглолт хийгээд Орост ирсэн Кабальеро багаа хөөдөх эхлэлийг тавьсан. Өөр лүү нь ирсэн бөмбөгийг цөлөхийн оронд Ребичийг давуулж Мэркадод хаях гээд дутуудуулав. Сандраад арагш ухрах хооронд Ребич амандаа орсон шар тосыг юу гэж хэлээрээ түлхэхэв. Чихдийм бгааз дээ.
Энэ гоол дээр бас Мэркадо ч буруутай. Эхнээсээ л прэссинг аймаар бхад хаалгачаа тэгж хүнд бдалд оруулж л бдаг. Яахав аргентинчуудыг өмөөрөхөд Ребичэд аль эрт эхний үе дээр л шар карт өгөх ёстой бсан. 2 ч удаа эвгүй алдаа хийсэн дээ. Торгууль аваагүй тул тэр урагш тун дайчин үзэж бсан юм. Дахиж хүнд такл хийгээд л. Карт авчихаар хүн зориг нь жаахан мохоод ирдэг.
Бундэслигийн фэнүүд бол Хорватыг дэмждэг бх. Байгаа бас бсан арваад тоглогч тэдний эгнээнд бий. Энэ жил Байерныг хожиж цом авсан Франкфуртын Ребич гэмтээд суухад Хоффэнхаймын Крамарич зөрөв.
Цэнхэр судалтнууд түүхэндээ тэртээ 74 онд л эхний 2 тоглолтод хожиж чадаагүй юм гэсэн. Энэ түүхийг Модрич цаг дуусахаас 10 минутын өмнө зузаатгав. Төвөөс бөмбөг аваад баруун тийш нэг гүйлээ, зогсосхийгээд хоёр гүйлээ. Зай гарангуут буудав. Гоол оржээ.
Гайхалтай гэхээс өөр хэлэх үг олдсонгүй. Реалд тэр 3 дараалан ЧЛ авчихаад бгаа. Бүгд Роналдог ярьдаг ч үнэн хэрэгтээ чимээгүй баатар нь тэр юм шүү. Кроостой хослож голыг үнэхээр хяналтдаа байлгаж чаддаг. Өнөөдөр ч тэр үүнийгээ батлав. Нэмээд харууштай нэгэн гоол хийлээ.
Аргентиныг дэмжсэн миний хувьд ядаж ингээд дууссан бол. Нэмэлт цагт хаалгачгүй торны урд нэгийн эсрэг 2 байдал үүсээд Ракитич 3 дахь гоолыг хийсэн. Энэ гоол дэлхий нийтэд Аргентиныг жинхэнэ шившиглэв. Тэднийг 3-0-оор ингэж арчуулна гэж хэн санах билээ.
Одоо хамгийн их дарамт Месси дээр ирэх болно. Тэр Исландад пэналтигээ оруулж чадсан бол баг 3 оноогоо аваад сэтгэл зүй өөр болох бсан даа. Өнөөдөр эхнээсээ л царайнууд нь түгшүүртэй харагдаж бсан даа. Мессигийн энэ зургийг одоо ингээд харсан чинь миний дотор сонин болж бн. Хэдий Роналдо Манчэстерт маань бсан ч, Месси манай 2 цомыг булаасан ч би түүнийг том цом аваад Мара ахынхаа өмнө гишгээсэй гэж маш их хүсдэг. Ингээд түүхийн хаанаар Мара ганцаараа торойгоод үлдэв. Мессигийн хувьд бүх амьдрал нам зогсов. Одоо тэр зодгоо тайлах болно. Гэхдээ би хувьдаа түүнийг энэ бөмбөрцгийн бүх үеийн шилдэг тоглогчоор нэрлэсээр бх болно. Түүн шиг богино зайд маневрлаж ангайтал хөлбөмбөг үзүүлдэг тоглогч магадгүй мянган жилд ганц төрөх бх. Ай хорвоо, чи хатуу юм даа.
Хорватын хувьд би өөрийнхөө бурууг хүлээн зөвшөөрлөө. Топ багуудын тоймыг бичиж байхдаа би тэднийг санаатайгаар гээсэн. Гол тоглогчид нь 30 гарсан тэднийг ганц би ч биш дэлхий нийтийн хөлбөмбөгийн экспертүүд тооцоонд оруулаагүй биз ээ. Тэд үнэхээр юм юмтай баг бн. Хаана ч байхгүй хагасууд бн, тактик сайн гадарладаг дасгалжуулагчтайм бн, олон удаа дарь үнэртсэн хур арвин туршлага бн тэгээд хамгийн гол нь сэтгэл зүй аймшигтай баг юм бнаа.
Хэн ч тооцоолоогүй баг гэнэт цойлон гараад ирэхийг Битүү морь гэдэг. Чухамдаа тэд л битүү морь байж. Уругвай, Колумб, Бельги 3-ыг битүү морь гэж хэлэхгүй ч сайн үзэх багуудаар нэрлэгдээд бсан. Эхний 2 нь лав олигтой бсангүй. Хажууд нь Хорват алгуурхан хэрнээ сүр бадруулсаар финал руу дөхөж яваа баг юм бн гэдгийг би ч мэдлээ, чи ч мэдэрлээ. Нокаут шат үнэхээр амттай болох нээ. Хөлбөмбөг яг хүүхдийн сэтгэхүй мэт. Том баярыг хүүхдүүд хоног тоолон хүлээдэг. Одоо ирэх тоглолтыг би тэсч ядан хүлээж бн.
Hup Holland Hup