F хэсгийн нэг тоглолт л классик учраа байх болно, харин нөгөө 5 тоглолтын хувьд том тэмцээнд анх удаагаа таарч байгаа тохиолдол болох юм. Үүний учир нь Босни-Герцоговина анх удаагаа ДА-д хөл тавьж байгаатай, мөн Иран хэсгийн шатны багуудтайгаа ердөө нөхөрсөгөөр л учирч байсантай холбоотой.
Аргентин болон Нигерын хувьд чухал өрсөлдөөн өрнөх нь гарцаагүй, Лионел Месси, Жон Оби Микэл зэргээр манлайлуулсан 2 баг өөр өөр насны ангиллын 3 том тэмцээнд таарсан. 2005 онд Нидерланд-д болсон Андэр-20 ДА, 2008 оны Бээжингийн Олимп-н финал, Өмнөд Африк-н ДА-н хэсгийн шатанд гэх зэргээр. Дээрх 3 тохиолдол бүрт Аргентин ялсан.
Багууд
2 удаагийн ДА Аргентины болон Месси-н талаар ярих илүүц биз, Алехандро Сабелла-н залуус хэсгийн фаворитууд байх болно. Харин бусдаас нь дурьдвал Африк тивийн аварга Нигер-н баг байна, тэд өмнөх ДА-н туршлагаа ашиглан тэмцээнд сайн оролцохыг зорих болвуу. Нөгөө талд Босни, тэд бол Европын урьдчилсан шатанд гоал оруулсан тоогоороо 4-т эрэмблэгдсэн довтолгоо сайтай баг, анхны ДА-даа өөрсдийгөө сурталчилахыг хүсч байгаа бол Португал мэргэжилтэн Карлош Күйэрош-н удирдлаган дор Иран-ий баг зохион байгуулалт, эмх цэгцтэй байдлыг олоод байгаа, тэд үүнийгээ ДА-р харуулна гэж найдаж байна.
Харах тоглогчид
Аргентин: Лионел Месси, Сэржио Агуэро, Гонзало Игуайн
Нигер: Жон Оби Микел, Виктор Мозес, Виктор Обинна
Босни: Эдин Жеко, Ведад Ибисевич, Миралем Пиаяич
Иран: Реза Гоочаннехад, Жавад Некоунам, Карим Ансари
Шийдвэрлэх тоглолт
Босни-Нигер. Энэ хэсэгт ихэнх хүмүүс Аргентин-г хэсгээ толгойлно гэж таамаглаж байгаа, тиймээс энэ тоглолт хэн нь хэсгээс гарахыг шийдсэн тоглолт байх болвуу. Европын багийн хувьд ДА-д анх хөл тавьж байгаа цоо шинэ баг, тэд өрсөлдөөнийг үзүүлэхийг хүсч байгаа бол Нигерчүүд Франц 1998 -с хойш хасагдах шатанд шалгараагүй байгаа, тэд ийм боломжийг ашиглахыг хүсч байгаа нь тодорхой.
Эргэн харвал
Аргентин 2-1 Нигер, 1994 он, 6 сарын 25, Бостон
Энэ бол Диего Армандо Марадона-н шигшээнхээ төлөө хийсэн сүүлийн тоглолт гэдгээрээ алдартай. Аргентин Эл Диез, Клаудио Каниггиа, Фэрнандо Редондо, Габриел Батистута зэрэг одуудтай байсан бол Нигер-н багт мөн Рашиди Екини, Финиди Жорж, Эммануэл Амуники зэрэг сайн тоглогчид байв. Самсон Сиасиа-н гоалоор Африкчууд тэргүүллийг түрүүлж авсан ч Каниггиа 2 гоал хийн тоглолтыг эргүүлсэн билээ. Шаргал үст довтлогч Диего, Диего гэж хашгичиж байсан бөгөөд Марадона тоглолт, пасс түүний 2 дах гоалыг эхлүүлж байлаа.
Та мэдсэн үү?
Босни Герцоговина 1995 оны 11 сард анхны шигшээн тоглолтоо хийж байсан, тэд Өмнөд Африкийн ДА-д бараг оронгоо алдсан. Хасагдах шатанд Португал-д хожигдсон.
Стат
36 - Аргентин, Иран нар анх таарснаас хойш 36 жил өнгөрч. Тус тоглолт 1-1 р тэнцсэн бөгөөд 1977 оны 3 сарын 22нд Мадрид-д явагдаж байв. 1 жилийн дараа Аргентинчууд эх орондоо болсон ДА-д түрүүлсэн, тус тэмцээнд Ази-н баг ДА-д анх оролцсон гэдгээрээ онцлогтой.
Тоглолтууд /дотоодын цагаар/
