Удам залгасан Гондурасчууд дэлхийн аваргын найдвар
1982 оны Испани-д болсон дэлхийн аваргад анх оролцсоныхоо дараа Гондурасын шигшээ дахин дэлхийн аваргад оролцох гэж төгсгөлгүй мэт санагдах урт хүлээлтийг даван туулсан юм. Испани-1982 с хойш 10,219 өдрийг өнгөрөөсний эцэст Өмнөд Африк-2010 -д дахин дэлхийн шилдэг багуудын эсрэг тулах завшаантай байж.
Бразил-2014 д төв Америкчууд мөн оролцох гэж байна, 3 дах удаагаа ДА-д. Тус шигшээн хамгийн амжилттай 2 тоглогчид гарал угсаагаараа холбогддог нь хачирхалтай. 1980-аад оны үе рүү буцвал Гондурас хамгаалалтаараа алдар нэрийг олж, CONCACAF дах ДА-н урьдчилсан шатны эцсийн шатанд эрхээ олж авсан бөгөөд 1 ч хожигдолгүйгээс гадна ердөө ганц гоал алдаж хэсгийн тоглолтуудаа дуусгаж байж.
Тэрхүү багийн гол түшиг тулгуур болсон тоглогч бол Аллан Костли - бие бялдрын хувьд сүрдэм, маш гайхалтай төвийн хамгаалагч байв. Харин 3н арваны дараа түүний хүү Карло өрсөлдөгчдөө нийт 6 гоал хийснээр Гондурас-г 2010 оны ДА-д ороход том тус хүргэсэн.
Хөлбөмбөгийн гэр бүл
Аллан Костли өөрийн анхны мэргэжлийн тоглолтоо 1974 онд Тела Тимса багийн төлөө хийж удалгүй арын шугмын гол хүн болсон байна. 3 жилийн дараа Реал Испана багт нэгдэж тэндээ сайн тоглосны дүнд шигшээдээ дуудагдаж эхэлжээ. Костли Гондурас-г анх удаагаа ДА-н эрхийг авах үед шигшээ багийнхаа амин чухал тоглогч нь байсан юм.
Костли:
"Мэргэжлийн хөлбөмбөгч бүр ДА-д тоглохыг хүсдэг. Миний хувьд бид хэдий хүнд хэсэгт орсон ч гэсэн ДА-д тоглоно гэдэг бол их аз жаргал байсан. Эл Салвадор-н багтай манай шигшээ хамтдаа ажиллаж бараг 2 жилийг авсан, тэд биднийг ДА-д шалгарахад их тус болсон."
Гондурас-н баг 1982 оны ДА-д тоглон Испани, Хойд Иреланд нартай тус бүр 1-1 р тэнцсэн ба сүүлийн тоглолтондоо харин Югослав-н багт 1-0 р хожигдож тэмцээнийг дуусгасан билээ. Дараа нь тус шигшээ баг маань 28 жилийн турш ДА-д оролцох тасалбарыг авч чадсангүй бүтэлгүйтсэн юм.
Костли:
"Тэр үед бид маш олон алдаа гаргасан гэж боддог. Бид ДА-д шалгарахад маш ойрхон очдог ч эцсийн мөчид дандаа боломжийг алдаж байсан. Гадаадын дасгалжуулагч хөлсөлсөн нь шигшээг сайжруулахад маш их тусласан байна гэж боддог. Одоо бид өөрсдийн зорилгодоо хүрээд байна."
Костли цагтаа Испанийн Малага-д хүчин зүтгэж байсан ба сүүлд улсынхаа лиг-т ирж тоглож байгаад зодог тайлсан билээ. Түүний мундаг тоглолт, нэр сүр сүүлийн үед бүдгэрч байсан ч 2003 онд энэхүү нэр дахин шинээр төрсөн бөгөөд энэ бол түүний хүү Карло Костли байлаа. Платенсе багийн төлөө анхны тоглолтоо тэрээр 2003 онд хийсэн.
Хоёрдох боломж
4 жилийн дараа Карло аавынхаа замналаар замнаж шигшээдээ багтаж, ДА-д шалгарахад багтаа тэргүүлэх үүрэг рольтой довтлогч болсон байлаа. Өмнөд Африкийн ДА эхлэхээс 2хон сарын өмнө харамсалтай зүйл болж Карло гэмтэл авснаар тэмцээнийг өнжихөөр болсон.
Костли:
"Би маш ууртай байсан. Миний хүү миний амжилтыг давтан ДА-д тоглох гэж байсан, гэтэл харамсалтай нь гэмтлийн асуудлаас болж тэр хийх гэж байсан зүйлээ хийж чадахгүй болсон. Хүү маань үргэлж 100 хувь бүхнээ дайчилдаг. Тэр маш их эрч хүч, урам зоригтой, энэ нь үргэлж түүнд тус болж байдаг, учир нь тэр талбай дээр зүрх сэтгээлээсээ тоглодог. ДА эхлэхэд хэдхэн сар үлдээд байна, би түүнд үргэлжлүүлэн юу хийдэг түүнийгээ хий, гэхдээ надтай ижил ДА-д тоглохыг хүсч байгаа бол болгоомжтой байж, хэцүү өрсөлдөөнөөс зугтаж бай гэж хэлж байгаа."
4 жилийн өмнө Карлос ДА-г өнжсөн ч хөлбөмбөгт 2дох боломж гэж бий. Карло-н хувьд энэ хувь тавилан мэт санагдаж байгаа байх. Ялангуяа хасагдах шатны сүүлийн тойрогт Мексик-г 2-1 р буулган авч ДА явах эрхээ олж авсны дараа.
Костли:
"Хүүгээ тэмцээний мэргэн бууч болж буйг харахаас илүү намайг аж жаргалтай байлгах юу ч байхгүй. Гэхдээ юмс үргэлж чиний хүссэнээр бүтдэггүй. Би одоогийн багийг Европын, Өмнөд Америкийн багуудтай ижил түвшинд байгаа гэж бодохгүй байгаа, гэхдээ бага зэрэг аз байхад юу ч тохиолдож болно шүү дээ. Түүнийг тэмцээнд сайн оролцоно гэж найдаж байна.
Тэдэнд тэмцээнд сайн оролцох сайхан боломж байна. ДА-д тоглох боломж байгаа үед анхаарлаа төвлөрүүлсэн байх нь хамгийн чухал зүйл. Энэ л хасагдах шатанд шалгарч чадах тэдэнд байгаа цор ганц боломж. Тэднийг Өмнөд Африк-т тоглосноосоо илүү тоглолт харуулна гэж найдаж байна."