Энэ жил шинэ бүрэлдэхүүнээр түүхт Сери А-д талбай дээр 5 дараалан түрүүлсэн Торино, өмнөх Ювегийн амжилтыг эвдэх улирал юм.
Манай улирлын хамгийн тэргүүлэх зорилтыг өмнөх заншил ёсоор Сери А-д 5 дараалан түрүүлэх гэж удирдлагын зүгээс тодорхойлж, Аллегри ч санал нэгдсэн. Мэдээж АЛ-д өмнөх улирлын амжилтыг ахиулах, өмнөх улиралд Борусси, Атлетико 2 шиг тохиолдлоор амжилт үзүүлээгүй гэдгийг батлах санаатай байгаа. АЛ-д хамгийн багадаа л шөвгийн 8-д шалгарах ёстой.
Энэ улирлын онцлох явдал бол Аллегри өмнөх улиралд өөрийгөө харуулсан тул шинэ челленж хайсан нөхдийг явуулж, нөхрийн хүслээр багыг бүрдүүлэхээр болсон. Погба үлдэж клубын алдарт 10 дугаарыг авч, Аллегригийн багын гол цөм, Погбаг тойрч баг бүрэлдэх нь ойлгомжтой болж байх шиг байна. Нөхөр ч багын удирдлагын төлөвлөгөөг хүлээн авч 10 дугаарыг авсан биз... авахаасаа өмнө ч багын удирдлагатай ярилцаж ойлголцсон биз... нөхөр бараг дахиад 3-4 жил байх болов уу гэж бодогдох юм. Францын шигшээд Погба ерөнхийдөө од болж, ачааны хүндийг үүрч эхэлсэн, одоо ингээд Ювентусд ачааны хүндийг үүрэхэээр болж, супер од болох замын анхны алхамыг хийлээ.
Энэ жилийн Аллегригийн багын хувьд АМ голчлон шаардсан, багын удирдлага бараг л цонх хаагдахаас өмнө гайгүй нөхрийг авч өгч л таарах биз.
Багын тухайд
Хаалгач, хамгаалалт
Хамгаалалт, хаалгачийн хувьд өмнөх жилийн бүрэлдэхүүнийг хадгалж, Огбоннаг зарж, Руганигаар хүч нэмэгдүүлсэн. Огбоннагийн хувьд өмнөх улирлуудад хэт их хүлээлтийг хадгалж чадахгүй алдаа их гаргасан ч өнгөрсөн улиралд дуудсан цагт сайн тоглож, найдвар төрүүлж байсан ч ПЛ рүү шинэ боломж хараад явчихлаа. Бодвол Еврод оролцох хэрэгтэй байсан биз.
Руганигийн Наполи энэ тэр санал тавьж байсан боловч Огбонна явсанаар үндсэн багт ирсэн. 2 жилийн өмнө Эмполитой Сери Б-д түрүүлэхдээ Сери Б-гийн шилдэг хамгаалагч болж байсан, өнгөрсөн улиралд Сери А-гийн бүх тоглолтонд оролцож, ганц ч шар улаан хуудас аваагүй сайн хамгаалагч болох ирээдүйтэйгээ харуулсан. Манайхан өнгөрсөн оны өвөл Эмполигоос хямд бүрэн шилжүүлж авсан нь гайхалтай наймаа болсон.
Хаалгачийн хувьд Фиорентинагаас Нетог үнэгүй авч, найдвартай 2-р хаалгач Сторариг Кальяри руу явуулсан... ер нь бол хаалгачийн байрлалыг сайжруулсан.
Хаалгачаар: Буффон, Нето, Рубиньо
Баруун жигүүрийн хамгаалагчаар: Лихти, Касерес, Исла
Төвийн хамгаалагчаар: Барцальи, Бонуччи, Кьеллини, Ругани,
Зүүн жигүүрийн хамгаалагчаар: Эвра, Падойн, үе үе Асамаог авчирна.... гайгүй нөхцөл байвал Ислаг явуулж, нэмж нэг хамгаалагч авах санаатай байх шиг. Атлетикогоос Сикуейрог авахаар тохирсон байсан ч Аллегри болиулсан гэсэн яриа байна.
Хамгаалалтын хэсэг ер нь сайжирч, багын дунд болон урд шугаманд гэнэтийн өөрчлөлт гарсан ч тэр нөлөөллийг нэлээд зөөллөх, эрсдлийг багасгах чадалтай л харагдаад байна.
Хагас хамгаалалт
Багын хувьд өмнө ашиглаж байсан 3:5:2, 4:3:1:2 дээр нэмээд 4:3:3-ыг энэ улиралд нэлээд ашиглах байх гэсэн бодол байна. Пирло, Видал гээд 2 гол тоглогч явсан ч Хедираг авч, Асамаог төвд ашиглахаар болж онгорхой орхигдсон орон зайг нөхөхөөр болсон.
Хагас хамгаалалтын гол ачааг одоо Маркизио, Погба 2 үүрч, бусдыгаа манлайлах нь... Маркизио, Погба, Хедира, Перейра, Асамоа, Стураро гээд гарааны үндсэн 3 байрлал дээр нэгтэйгээ тэгш өрсөлдөх, нэгнээ сайн нөхөх хагас хамгаалалтын шугамтай болсон. Ялангуяа Видал явсанаар Стураро хүү өөрийгөө энэ улиралд нэлээд нээх биз.... Бараг л сүүлийн хэдэн жилд шинээр гарч ирээгүй хамгаалах, довтлох чиглэлд тэгш тоглодог залуу Итали хагас хамгаалагч гарч ирэх нь ээ. Эд нарын форм муутайг нь асуудалгүй суулгаад форм сайтайг нь гаргаад байх, өрсөлдөөнтэй, дархлагдсан нөхдийн тоо бага болсон нь энэ улирлын чухал үзүүлэлт болов.
Энэ дээр нэмэгдээд нэг АМ авчирах санаатай байна. АМ-ын хувьд Аллегригийн тусгайлсан захиалга юм.
Довтолгоо
өнгөрсөн улирлын гол хөдөлгөгч, бас хэт хамааралтай байсан Тевез явсанаар багын удирдлагын зүгээс 3 довтлогч нэмж авчирсан.
Мората дээр нэмэгдээд мань 3 довтолгооны хувьд олон хувилбартай, бас л хэт нэгнээс хамаарахгүй довтолгооны шугамтай болсон. Өнгөрсөн улирлын АЛ-ын сүүлийн 2 тоглолтонд Тевезээс хэт хамааралтай, нөхөр формгүй болоод багт онцгой сөрөг нөлөөлсөн.
Бараг л Дибала - Манзукич, Мората - Заза, Дибала - Мората гэсэн хувилбарууд гарах биз.
Дүгнээд хэлэхэд манайх энэ зун хэт өөрчлөгдсөн ч ирээдүй рүүгээ тэмүүлсэн хэрэгтэй шинэчлэл хийлээ. Шинэчлэл хийхдээ гол асуудалтай хэсгүүдэд хийсэн багаад үүний эрсдлийг хамгаалалт дааж гарах шинжтэй.