ХЭНДО БЭРТЭЛТЭЙГЭЭ ХЭРХЭН ТЭМЦСЭН БЭ?
Бүтэн 3 сарын туршид тавхайны бэртлээс болж тоглолтуудад оролцож чадаагүй багийн ахлагч Жордан Хэндэрсон бэртэлтэйгээ хэрхэн тэмцсэн, одоо яаж тэмцэж байгаа талаараа Liverpool Echo-д сонирхолтой яриа дэлгэсэн байна.
Жордан өнгөрсөн улирлын 4 сараас эхлэн зүүн хөлнийхөө тавхайны ясанд өвдөлт мэдэрч эхэлсэн байна. Ингээд өвчин бага багаар сэдэрсээр 8 сар гэхэд бүүр хүндэрчээ. Дөнгөж Стивэн Жэррардаас ахлагчийн туузыг аваад байсан Хэндо маань талбайд минут болгоныг өнгөрүүлэхийг хүсэж байлаа. Хэдийгээр Борнмутын эсрэг өвчин намдаах тариа тариулж тоглосон боловч 52 дахь минутанд сэлгээнд суухаас өөр аргагүй болсон юм.
Гэтэл үүн дээр нэмэгдээд 9 сард баруун хөлөндөө ясны хугарал гэсэн оноштой бэртэл авснаар Жорданыг хэсэг хугацаанд өөр амьдралаар амьдрахаас аргагүй болгосон байна.
"Би өөр хүн шиг л байлаа. Байнга бэртлийн талаар санаа зовниж байсан. Эдгээр 3 сарын хугацаанд миний хажууд тэсвэртэй байж чадах хүн байхгүй л байсан болов уу"
"Үнэхээр хүнд байсан. Би өмнө нь хэзээ ч ийм удаан хугацаагаар тоглолтоос ангид байж үзээгүй"
"Хөл дээрээ гишгэх үед хатгаж байгаа мэт аймшигтай өвчин мэдрэгдэж хэвтээ байхад ч гэсэн хөл маань өвддөг байлаа"
Ливэрпүүлийн физик эмчилгээг хариуцсан эмч Крис Морган Жордан Хэндэрсонд бэртлийн үед нь үргэлж хамт байж хамтдаа энэ өвчнийг эдгээх арга хайж байлаа. Тэд юу олсон гэж? Ямар ч эм, ямар ч хариулт олсонгүй. Ийм өвчинд дасах л арга үлджээ.
Жордан АНУ-ыг зорьж Жон Козарелли гэх эмчээс зөвлөгөө авсан байна. Энэ мөчид Морган эмч крикет, бэйсбол, регби тэр бүү хэл балетын мэргэжилтнүүдээс зөвлөгөө авч байлаа. Жордан өөрөө ийм бэртлийг авч байсан Жэйми Каррагэртай хүртэл уулзсан байна.
"Би Жэймитэй бага зэрэг ярилцаж эмчийнхээ хамтаар дэлхий даяар мэргэжилтнүүд болон эмч нараас энэ өвчний талаар асууж сураглаж зөвлөгөө авч байсан. Нью Жэрсид явны дараа ирээд бэлтгэлээ хийсэн боловч баруун хөлөндөө хугарал авсан. Дараа нь Лондонд очиж эмч нараас зөвлөгөө авч энэ хугацаанд Морган эмч дэлхий даяар хүмүүстэй миний талаар харьцаж байсан юм"
"Хөлний хугарлыг бол би ойлгож байсан. Хэзээ эдгэхээ мэдэж байсан болхоор их санаа зовоогүй. Харин зүүн хөлөнд маань ямар ч хугацаа болон ямар ч таарах эм байгаагүй. Ямар хугацааны дараа эдгэхээ мэдэхгүй байна гэдэг миний хувьд хамгийн хүнд зүйл байлаа"
"Хааяа өөрөө интернетийн ард сууж орхисон байж болох мэдээлэл хайж эхэлсэн. Энэ өвчнөөсөө болоод бүх зүйлээ умартах болсон. Хэдийгээр хүнд байсан ч миний хажууд сайн туслахууд байлаа. Тэд намайг дэмжихээс гадна намайг эмчлэх аргыг өдөр шөнөгүй хайж байсанд баярлаж явдаг юм"
Клубын зүгээс Жордан Хэндэрсоны бэлтгэлийн ачаалал багийн түвшинд болон шигшээ багт хэтэрхий их байснаас ийм өвчтэй болсон хэмээн үзсэн байна. Түүнчлэн зуны багахан амралт нөлөөлсөн байх үндэстэй хэмээн үзжээ. Өндөр ачааллаас гадна 4 сард хөлбөмбөгийн гутлаа өөрчилсөн нөлөөлсөн байх гэсэн хувилбар ч яригдсан байна.
"Энэ гэмтэл миний явдалтай хамаагүй гэж бодож байна. Өмнө ч би явдалдаа түүртдэггүй байсан ирээдүйд ч тэгэх болно. Би зөвхөн бэлтгэлээ хурдан хийх юмсан гэсэн чинь хүсэлтэй л байна.
Хэндогийн биеийн байдлыг дараах аргуудаар сайжруулсан байна. Тавхай хэсгийг боолтоор боох, гутлыг нь сольж өмсүүлэх, мөн хэд хэдэн тариа хийжээ. Хамгийн сүүлийн арга нь өндөр эрсдэлийг дагуулах юм байна. Хэрвээ гэмтэл сэдэрвэл талбайд удаан хугацаанд гарч болохгүй бололтой. Гэхдээ эмч нар булчинд ирэх даралт багасч дараа нь булчин өөрөө эдгэх болно гэж үзэж байгаан байна.
Харин ийм хүнд нөхцөлд орохгүйн тулд тоглогч нарийн хуваарийн дагуу бэлтгэлээ хийж талбайд ч гэсэн тодорхой заасан минутанд тоглох ёстой болохнээ.
"Надад ямар ч баримжаа алга байна. Зарим нь сэдрэлт булчингийн даралтыг буулган гэж байна. Ийм бэртлийн дараа зарим нэг нь олон сараар тоглох боломжгүй болдог бол зарим нь хэдхэн долоо хоногийн дараа эдгэдэг гэсэн. Үүнд л гол асуудал оршиж байна. Хэзээ юу болохыг ямар ч аргаар тааж болохгүй нь хэцүү юмдаа. Зүгээр л юу болохыг харах үлдээд байна"
Жордан Хэндэрсон аль хэдийнээ талбайд гараад амжсан. Суонсигийн эсрэг хагас цаг тоглосон бол Саутхэмптоны эсрэг 20 минутыг талбайд өнгөрүүлсэн. Түүний биеийн байдал Ньюкаслтай хийх тоглолтын өмнө сайн байгаа бөгөөд өвчнөө мартаж чадахгүй байгаагаа нуусангүй.
"Миний бие гайхалтай байна. Бараг л өвчин мэдрэхгүй байгаа. Гэхдээ л толгойд маань энэ өвчин эргээд ирвэл яанаа гэсэн бодол салахгүй байгаа. Би өмнөх шиг өвчнийг дахин мэдэрмээргүй байна. Талбайд гарсан нөхцөлд би зөвхөн сайн тоглож, багтаа туслахыг нь хүсдэг. Гэхдээ заримдаа нөгөө хөлнийхөө талаар боддог"
"Би энэ бүхнийг мартаж тоглолтондоо л анхаарах хэрэгтэй байна. Хэрвээ өвчин ирэх ёстой бол ирж л таараа. Би үүний эсрэг юу ч хийж чадахгүй. Одоо бол би өөрийгөө хянаж чадаж байна. Бэлтгэлдээ хийж тоглолтуудад оролцож байна. Ачаалал авах үед хөл маань тийм ч их нөлөөлөхгүй байх гэж таамаглаж байгаа. Хуучин хэвэндээ орхын тулд хугацаа л хэрэгтэй"
Сүүлийн 3 сарын хугацаанд Жордан Хэндэрсон хэдийгээр бэртлээс болоод үзэгчийн суудлаас тоглолтуудыг ажиглаж байсан ч өөрийн хийх дуртай, хийж чаддаг зүйлүүдээ одоо ч гэсэн хийхэд бэлэн байна гэдгээ мэдэгдсэн юм.
"Энэ бүхэн намайг би юу хийж чадах вэ гэдгийг сайн ойлгуулж өгсөн. Тоглолтоос гадуур байгаа үед хөлбөмбөг ямар чухал болохыг ойлгож авсан. Өмнө нь байнга тоглож байсан би чинь хажуунаас ажиглах нь үнэхээр хүнд байсан. Тийм болхоор эргэн талбайд гарах нь ямар үнэ цэнэтэй болохыг энэ хугацаанд хангалттай сайн ухаарсан" гэжээ.
С.Бадралэх сурвалж:
http://liverpoolfc.mn/NewsDetail.aspx?I ... 72224cbcfd
Хэзээ ч мартахгүй.......