http://www.as.com/futbol/articulo/cruzo ... ftb_35/Tes
Раул, өнгөрсөн зун таныг Шалкьед маш гайхалтай угтаж авсан шүү дээ. Тэр өдрийн талаар эргэн дурсаач?Би хөлбөмбөгөөс олон л зүйл үзэж, сурч авсан. Гэхдээ Veltins Arena-гын талбай дээр гарахад их онцгой мэдрэмж төрсөн. Клуб намайг таатай угтаж авсан шиг тэнд уригдаж очсон уурхайчид ч намайг гайхлатай хүлээж авсан. Хамгийн түрүүнд анзаарсан зүйл маань багаа болон Гелсенкирхен дэхь тоглогчдоо гэсэн хөгжөөн дэмжигчдийн сэтгэлийн хөдлөл байсан. Энэ сэтгэл хөдлөлийг би хувь хүнийхээ хувьд бэлтгэл болгоны, тоглолт болгоны дараа над дээр ирж гарын үсгийг минь асуухад нь мэдэрдэг.
Гэртаа Мадридад олон жил амжилттай байсныхаа дараагаар шинэ улс орон ямархуу байх бол гэж сэтгэл түгшиж байв уу?Хувьдаа бол тэгж бодож байсангүй. Бундеслигт дасан зохицож чадна гэдэгтээ, үүнд минь миний нас нөлөөлөхгүй гэдэгт итгэлтэй байсан. Гэхдээ үнэнийг хэлэхэд Бундеслигт тоглолт хийхээсээ өмнө Шалкьегын өмсгөлийг өмсөх үед нэг л хачин мэдрэмж төрсөн, 16 жилийн турш Реалын өмсгөлийг өмссөнөөс хойш анх удаа.
Та үнэхээр сэтгэл түгшихгүй байсан гэж үү?Хэрвээ ямар нэг байдлаар сэтгэл зовж байсан бол тэр нь гэр бүлийнхээ л төлөө байсан. Хүүхдүүд маань шинэ улс оронд хэрхэн дасах бол, хурдан шинэ найзуудтай болж чадах болов уу, Герман тэдэнд таалагдах болов уу гээд л...Миний толгойд ийм л зүйлс бодогдож байсан. Одоо бол бидэнд Германд амьдрах маань таалагдаж байгаа.
Раулыг хувь хүнийх нь үүднээс хүмүүс тэр болгон мэддэггүй. Ажил болон хувийн амьдралдаа ямар нэг зааг тавьдаг уу?Тиймээ. Би хүүхдүүдээ хэвийн амьдрал дунд өсөхийг, над дээр ирдэг хэвлэлийнхний анхаарлаас хол байгаасай гэж хүсдэг. Тэд Даселдорфод олон улсын сургуульд явдаг. Ихэнх ангийнх нь хүүхдүүд тэдний эцэг нь алдартай хөлбөмбөгч гэж мэддэггүй. Би ч тийм л байгаасай гэж хүсдэг. Би хүүхдүүдээ жирийн амьдралаар амьдраасай гэж хүсдэг.
Герман орноор аялах боломж олдсон уу?Маш цөөхөн. Чөлөөт цагаа би ихэнхидээ хүүхдүүдтэйгээ өнгөрөөдөг. Даселдорфод
үзэх юм ихтэй. Жишээ нь бид хоккейн тоглолт явж үзсэн. Хүүхдүүдэд их таалагдсан.
Метцелдер таныг энд байгаад их л баяртай байсан, ялангуяа улирлын эхэнд.Тиймээ. Кристоф надад Германы тухай, клубууд нь хэрхэн ажилладаг тухай их зүйл ярьж байсан. Тиймээс би энд ирэхдээ бэлтгэлтэй байсан. Гэхдээ гол хүчин зүйл нь Феликс Магат байсан. Тэр намайг Шалкькед дуртай болгож, энд тоглохыг минь ятгасан. Түүний төлөө биш байсан бол би энд байхгүй байх байсан.
Одоо Реал Мадридтай ямар харилцаатай байдаг вэ?Багтаа 16 жил тоглосон хэн нэгэн хэзээ ч түүнийгээ орхин явж мартдаггүй. Би үргэлж л Реалыг харж, үзэж, тэдний тухай сонсож байдаг, Реал Мадрид миний зүрхэнд байдаг хэвээрээ. Гэхдээ би одоо Шалькегийн тоглогч, бие минь энд байгаа учраас энэ багийн чадах бүхнээ зориулах болно.
Мадрид лигийн түрүүг авч чадна гэж бодож байна уу?Мэдээж. Реалыг түрүүлээсэй гэж залбирч байна. Гэхдээ Барселона энэ хэвээрээ тоглоод байвал тэднээс тайтлыг булаахад хэцүү байх болно.
Мадридад ирээд Хедира, Өзил 2-ын хэрхэн өөрчлөгдсөн талаар юу гэж бодож байна?Тэд бараг байнга л тоглож, Реалыг илүү хүчирхэг болгож байна. 2-уулаа сайн тоглогч, цаашид ч сайжрах болно.
Удахгүй Валенсиагын эсрэг тоглоно, ямар нэг байдлаар онцгой санагдаж байна уу?Мэдээж. Эх орондоо эргэн очино гэхээс сэтгэл хөдөлж байна.
Танд Валенсиатай холбоотой сайхан дурсамжууд байдаг шүү дээ?Тиймээ. Реал Мадридтай ЧЛ-ын шигшээд Валенсиагын эсрэг тоглож байсан. 2000 онд, бид 3-0 ээр ялж байсан. Би гоол оруулж байсан. Энэ бүхнийг эргэн дурсахад сайхан байна.
Хоорондын ойлголцол хөлбөмбөгт их чухал шүү дээ. Герман хэлэндээ хир вэ?Герман хэл сурахад их хэцүү хэл. Гэхдээ өдрөөс өдөрт илүү ойлгодог болж байгаа.